Tito 2:14 - Qheshwa Biblia DC

¹⁴ Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

DIOSPA QHELQACHISQAN DEUTEROCANONICAL

¹⁴ Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

DIOSPA QHELQACHISQ

¹⁴ Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Quechua South Bolivia: Dios Parlapawanchej

¹⁴ Payka pay quiquinta nokanchejraycu jaywaycucorka tucuy juchasninchejmanta cacharichinawanchejpaj. Ajinapi llimphuchawarkanchej paypa ajllacuskasnin cananchejpaj tucuy sonkowan c'acha cajta ruwananchejpaj.

Tito 2:14 ပူးပေါင်းရင်းမြစ်များ

Salmos 130:8

Pay Israelta libranqa tukuy juchasninmanta.

Salmos 135:4

Pay Jacobta ajllakorqa, Israelta, qhapaj kapuynin kanampaj.

Éxodo 15:16

Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Ezequiel 37:23

Manañataj qhasi mana kaj dioskunapi ch'ichichakonqankuchu, ni millay puriyninkupi, nitaj sajra ruwayninkupipis, chaykunanejta juchallikorqanku. Noqa paykunata llimphuchasaj. Ajinamanta aylluy kanqanku, noqataj paykunaj Diosninku kasaj.

Levítico 25:41

Chay watataj wasiykimanta llojsiponqa tukuy wawasninwan. Kutiponqataj ayllusninman, tatanmanta chayaqentataj ujtawan jap'ikaponqa.

Malaquías 3:3

Señor tiyakonqa Levéj wawasnin sacerdotesta sumajta llimphuchanampaj, imaynatachus ninapi qolqeta qoritapis llimphuchanku ajinata. Chanta paykuna Señorman ofrendankuta jaywayta atenqanku, imaynachus jaywana kaj ajinata.

Números 25:13

Chayrayku payman qoni sacerdotej ruwanasninta wiñaypaj ruwanampaj, pay, jinallataj miraynimpis; imaraykuchus pay Diosninrayku chayta ruwan, jinallataj israelitaspaj perdonta tarinampaj.

Números 7:15

Chanta qollarqataj uj waka uñata, uj carnerota, uj watayoj corderota Diospaj ruphachisqa kanampaj.

San Mateo 1:21

Mariataj uj qhari wawata nacichikonqa, sutichankitaj Jesús sutiwan; imaraykuchus pay ayllunta salvanqa juchasninmanta.

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

San Mateo 3:12

Jorcapis makimpiña kashan, trigota erapi llimphuchanampaj. Chaymantataj trigota pirwaman waqaychanqa, pajantataj mana jayk'aj thasnukoj ninaman kanaykonqa.

San Juan 10:15

Imaynatachus Dios Tata rejsiwan, ajinallatataj noqapis payta rejsini; kausayniytataj ovejasrayku churani.

San Juan 6:51

Noqa janaj pachamanta uraykamoj t'antaqa kani. Pillapis kay t'antamanta mikhojqa, wiñaypaj kausanqa. Noqa qosaj chay t'antaqa aychay; chayta qoni mundo kausanampaj.

Hechos 15:9

Diosqa gentilesta munakun, noqanchejta jinallataj. Paykunaj sonqosninkutapis juchamanta llimphuchan creesqankurayku.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Hechos 9:36

Chaypacha Jopepi tiyakorqa uj creej warmi, Tabita sutiyoj. Griegopi niyta munan Dorcas. Paytaj sumaj ruwanasta ruwaspapuni kaj, wajchastapis yanapaspa.

Gálatas 1:4

Pay kikin wañorqa juchasninchejrayku, kay sajra p'unchaykunamanta kacharichinawanchejpaj, Dios Tatanchejpa munayninman jina.

Gálatas 2:20

Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Efesios 2:10

Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Deuteronomio 14:2

Qankunaqa Señor Diosniykichejpa ajllakusqasnin runas kankichej. Pay ajllakusorqachej tukuy naciones ukhumanta, paypata ajllasnin nisqa runas kanaykichejpaj.

Deuteronomio 26:18

Señorpis kunanqa nillantaj, qankunalla paypa ayllun kasqaykichejta nisusqaykichejman jina, nisqasninta junt'anaykichejta.

Deuteronomio 4:20

Señorqa qankunata jap'ispa fierrota unuyachej Egipto hornomanta orqhomusorqachej, Paypa chayaqen ayllu kanaykichejpaj, imaynachus kunan kashankichej jinata.

Deuteronomio 7:6

Qankunaqa Señor Diosniykichejpa t'aqasqa ayllun kankichej. Señorqa ajllasorqachej kay jallp'a patapi tukuy ayllun ukhumanta, qankuna Señorpa k'ata munasqa ayllun kanaykichejpaj.

1 Timoteo 1:15

Kay palabraqa cheqamin, allintaj tukuy jap'inankupaj; Cristo Jesús kay pachaman jamorqa juchasapasta salvanampaj; chay juchasapasmantataj noqa aswan kuraj kani.

1 Timoteo 2:10

Manachayqa, allin ruwaykunata ruwachunku, Diosta yupaychaj warmis jina.

1 Timoteo 2:6

Chantá, pay kikin kausayninta qorqa tukuyta salvanampaj. Chaymantaqa ñaupajtaña willasqa karqa.

1 Timoteo 6:18

Qhapajkunaqa allin kajta ruwachunku, allin ruwasqasninkuta astawan yapachunku, khuyakuywantaj qorichunku mana mich'akuspa.

Tito 2:7

Qan kikiyki allin kausayniykita rikuchiy tukuy imapi, yachanankupaj jina allin ruwayniykimanta; chay yachachiyniykipi rikuchispa tukuy ima respetowan, tukuy sonqowantaj.

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Hebreos 10:24

Purajmanta yanapanakuna munakuywan, allin ruwaykunawan ima.

Santiago 4:8

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

1 Pedro 1:18

Qankuna yachankichej Dios kacharichisusqanta chay qhasi mana kaj kausayniykichejmanta, mayqentachus tatasniykichejmanta jap'erqankichej; mana tukukoj imaswanchu rantispa, mana qoriwan jinachu, nitaj qolqewan jinachu, astawanqa, Cristoj qhapaj yawarninwan. Payqa mana ch'ichiyoj, mana onqoyniyoj cordero jinataj wañuchisqa karqa.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Juan 1:9

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

1 Juan 3:2

Munakusqasníy, kunanqa Diospa wawasnin kanchej, chaywampis, manaraj sut'ichu imaynachus kananchejqa. Yachanchejtaj, Jesucristo rikhurimojtin payman rijch'akunanchejta, imaraykuchus payta rikusunchej maychus kasqanta jina.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.