Tito 2:12 - Qheshwa Biblia DC

¹² Yachachiwanchej Diospa contrampi kajkunata saqenata, kay mundoj sajra munaynintapis. Astawanqa kay mundopi maychus kajta kausana, cheqanta, Diosta yupaychaspa.

DIOSPA QHELQACHISQAN DEUTEROCANONICAL

¹² Diospa qhasilla k'acha yanapayninrí yachachiwanchej millayta ruwaspa puriyta qhesachananchejta, chantapis Diosman mana kutirikojkuna imatachus munasqankuta mana munapayananchejta ima. Yachachillawanchejtaj kay pachapi allinta qhawarikuspa purinata, cheqanta ruwaspa kawsanata, chantá Diosta may jatun respetowan qhawaspa kawsanata ima.

DIOSPA QHELQACHISQ

¹² Diospa qhasilla k'acha yanapayninrí yachachiwanchej millayta ruwaspa puriyta qhesachananchejta, chantapis Diosman mana kutirikojkuna imatachus munasqankuta mana munapayananchejta ima. Yachachillawanchejtaj kay pachapi allinta qhawarikuspa purinata, cheqanta ruwaspa kawsanata, chantá Diosta may jatun respetowan qhawaspa kawsanata ima.

Quechua South Bolivia: Dios Parlapawanchej

¹² Chay c'acha yanapaynin yachachiwanchej khesachananchejta sajra yuyayta, cay pacha yankha munaycunamanjina causayta ima. Ajinapimin chayta khesachaspa cunan cay pachapi causanchej, c'acha yuyayniyoj, chekanta ruwaspa, Diosta cusichispataj.

Tito 2:12 ပူးပေါင်းရင်းမြစ်များ

Salmos 105:45

Señorpa nisqasninta waqaychanankupaj, kamachisqasnintataj junt'anankupaj. Yupaychasqa kachun Señorqa.

Salmos 4:3

Yachaychej, Diosqa payta munakusqanta yanapasqanta. Wajyakojtiy Payqa uyarillawampuni.

Ezequiel 36:27

Espirituyta qosqaykichej. Leyesniyman jina purichisqaykichej, kamachisqasniytataj junt'ankichej.

San Mateo 12:32

Pillapis Runaj Churimpa contranta rimanman chayqa, juchan pampachasqa kanqa. Pitajchus, Santo Espíritoj contranta rimanman chayqa, mana chay jucha pampachasqachu kanqa kay mundopi, nitaj jamoj mundopipis.

San Mateo 16:24

Chaypacha, Jesusqa yachachisqasninman nerqa: Pillapis noqawan riyta munajqa, pay kikinta qhesachakuchun, cruznin oqharisqataj qhatiwachun.

San Lucas 1:6

Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

San Juan 14:30

Manaña qankunawan anchata parlasajchu; imaraykuchus kay mundota kamachej jamushanña, contraypeqa mana imata ruwayta atinchu.

San Juan 6:25

Runakunataj, qocha chimpaman chayaspa Jesusta tarerqanku, taporqankutaj: Maestro, jayk'ajtaj kayman chayamorqanki?, nispa.

Hechos 24:16

Chayrayku atisqayta ruwani, tukuy kausayniypi llimphu sonqo kanaypaj Diospa ñaupaqempi, runaspa ñaupaqenkupipis.

Hechos 24:25

Pablota parlajta uyarispataj cheqan kajta ruwanamanta, ama qhenchachakunamanta, jamoj juicio p'unchaymanta ima, Felixqa mancharikorqa, Pablotataj nerqa: Kunanqa ripullayña, waj p'unchaypi wajyachillasqaykitaj.

Romanos 12:2

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.

Romanos 6:12

Chayrayku juchaqa wañoj cuerpoykichejta ama atipachunchu, amaña sajra munayninta kasunaykichejpaj.

Romanos 6:19

Runa jina parlani, pisi kallpayoj kasqaykichejrayku. Ajinamanta qankunaqa ñaupajta cuerpoykichejta qorqankichej, millay kajman, sajra kajmampis. Ajinata kunanqa llimphuchasqas kanaykichejpaj, cuerpoykichejta Diosman qoychej, cheqan kajta kasunaykichejpaj.

Romanos 8:13

Aychaj munayninman jinachus kausankichej chayqa, wañunkichej. Chantá Espiritunejtachus aychaj ruwanasninta wañuchinkichej chayri, kausankichej.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

Gálatas 1:4

Pay kikin wañorqa juchasninchejrayku, kay sajra p'unchaykunamanta kacharichinawanchejpaj, Dios Tatanchejpa munayninman jina.

Gálatas 5:24

Cristojta kajkunaqa aychata chakatanku, sajra munayninkuta, munapayayninkutawan khuska.

Efesios 1:4

Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

Efesios 2:2

Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

Colosenses 1:22

Cristoqa aycha cuerpoyoj kashaspa, wañuyninnejta Diosman qayllachisonqachej, llimphusta, mana juchayojta, mana k'aminatataj.

1 Tesalonicenses 4:7

Diosqa mana millay kausaymanchu wajyasorqachej, astawanqa llimphu kausayman.

1 Tesalonicenses 4:9

Kunanqa, hermanopura munanakunamantaqa anchaña kanman escribimunayqa. Qankuna Diosmanta yachakorqankichej purajmanta munanakunaykichejta.

1 Timoteo 4:12

Ama pipis wayna kasqaykirayku pisipi qhawasuchunchu; astawanqa creejkunaj ñaupaqenkupi allinta puriy: Parlaypi, allin kausaypi, munakuypi, espiritupi, fepi, llimphu kausaypi ima.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

1 Timoteo 6:9

Qhapajyayta munajkunaqa, sajra munaywan atipachikuspa, tojllapi jina urmanku, tukuy qhasi munapayaykunaman. Chaykunaqa runasta wañuyman apanku, chinkaymantaj.

2 Timoteo 3:12

Ajinallatataj, tukuy Cristo Jesuspi Diosta yupaychajkunaqa ñak'arinankupuni tiyan qhatiykachasqas kaspa.

2 Timoteo 4:10

Demasqa saqerpariwan, Tesalonicamantaj ripun, kay mundoj imasninta munakuspa. Crescentepis Galaciaman rerqa, Titotaj Dalmaciaman.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

Hebreos 8:11

Manaña pipis runa masinta yachachenqañachu, nitaj wauqentapis nenqachu: Señorta rejsiy, imaraykuchus tukuy rejsiwanqanku, sullk'amantapacha kurajninkukama.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

2 Pedro 2:9

Ajinata Señorqa, misk'aymanta jark'ayta yachan, payta yupaychajkunata, juchasapastataj qhepachin juicio p'unchaypi jasut'isqas kanankupaj.

2 Pedro 3:11

Ajinata, tukuy ima nina larwaypi tukukunanta yachaspa, astawan Diosta yupaychaspa kaychej, allin kausaypitaj puriychej. Diospa p'unchayninta suyaspa. Usqhayta jamunanta munaspataj kausaychej. Chay p'unchaypeqa janaj pachakuna nina larwaypi tukukonqanku, tukuy imastaj chay nina larwaypi unuyanqanku.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

1 Juan 2:6

Pichus Diospi kani nejqa, paypi purinan tiyan, imaynatachus Jesucristo purerqa ajinata.

1 Juan 5:19

Yachanchej Diosmanta kasqanchejta, mundontintaj supaypa atiynimpi kasqanta.

Judas 1:18

Paykuna nisorqachej: Qhepa p'unchaykunapi asipayajkuna jamonqanku, sajra munayninkuman jinataj purenqanku.

Apocalipsis 14:12

Kaypi kashan ajllasqaspa paciencian. Kaypi kashanku Diospa kamachisqasninta, Jesuspa fenintapis waqaychajkuna.