Tito 1:2 - Qheshwa Biblia DC

² Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

DIOSPA QHELQACHISQAN DEUTEROCANONICAL

² Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

DIOSPA QHELQACHISQ

² Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Quechua South Bolivia: Dios Parlapawanchej

² Ajinapi paycuna wiñay causayta suyankancu. Chayta ni jayc'aj llullacoj Dioska konanta nerka, cay pachata manaraj ruwashaspa.

Tito 1:2 ပူးပေါင်းရင်းမြစ်များ

Isaías 1:20

Manapuni kasukuyta munankichejchu chayqa, espadawan wañuchisqas kankichej. Kikin Señormin chaytaqa nin.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Mateo 25:46

Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.

Marcos 10:17

Jesús, ñanman llojsishajtinña, uj runa usqhayllata jamorqa; Jesuspa ñaupaqenman qonqoriykukuspataj, payta taporqa: K'acha maestro, imata ruwaspataj wiñay kausayta tariyman?

San Juan 10:28

Noqa paykunaman wiñay kausayta qoni; manataj jayk'ajpis chinkanqankuchu, makisniymantapis mana pipis qhechuwanqachu.

San Juan 17:2

Churiykiman atiyta qorqanki, tukuy runasta kamachinampaj; wiñay kausaytataj paykunaman qonampaj, pikunatachus payman qorqanki, chaykunaman.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

San Juan 5:39

Escriturasta allinta qhawaychej, imaraykuchus qankunamanqa rijch'asunkichej, Escriturasnejta wiñay kausayta tarinaykichej kasqanta. Chay Escriturastaj noqamanta willashanku.

San Juan 6:54

Pillapis aychayta mikhoj, yawarniytataj ujyajqa, wiñay kausayniyojña; noqataj payta kausarichisaj qhepa p'unchaypi.

San Juan 6:68

Simón Pedrotaj kutichispa nerqa: Pimantaj riykumanri? Qampallata tiyapusunki wiñay kausay palabra.

Hechos 15:18

Ajinata nin Señorqa. Tukuy ruwasqasninta unaymantapachaña rejsicherqa.

Romanos 1:2

Diosqa unaymantapachaña nerqa evangeliota qonanta, cheqa Escrituraspi profetasninnejta.

Romanos 16:25

Qankunata sinch'ita sayachej Diosta yupaychaychej, evangelionman jina. Jesucristomanta willasqaymantataj wiñaypa wiñaynintinmantapacha pakasqa yachay sut'inchasqay kasqanman jina.

Romanos 2:7

Allinta ruwaspa sayajkunaman wiñay kausayta qonqa; pikunachus mask'anku janaj pacha k'anchayta, jatun kayta, mana jayk'aj wañuyta ima.

Romanos 5:2

Paynejta yaykuyta atinchej chay salvacionman creesqanchejrayku, chaypitaj sinch'ita sayanchej, kusikunchejtaj, Diospa janaj pacha k'anchayninta suyaspa.

Romanos 5:21

Chayqa karqa imaynatachus jucha atiyniyoj karqa wañuy kanampaj, ajinallatataj Diospa khuyakuynimpis atiyniyoj kanqa, cheqan kajnejta wiñay kausaypaj Señorninchej Jesucristonejta.

Romanos 5:4

Pacienciaqa allin kasqanchejta yachachiwanchej, chaytajrí suyakuyta qowanchej.

Romanos 6:23

Juchaj pagonqa wañuymin, Diospa regalonrí wiñay kausay, Cristo Jesús Señorninchejpi.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

1 Tesalonicenses 2:15

Paykunaqa Señor Jesusta wañucherqanku, jinallatataj profetasninkutapis. Noqaykutataj qhatiykachawarqayku. Chayrayku Diosta phiñachinku, tukuy runakunaj contrampitaj kashanku.

1 Tesalonicenses 5:8

Noqanchejrí p'unchaypata kaspa, ch'aki sonqos kana, fewan, munakuywantaj p'achallisqas, fierro pechoquerawan jina; salvación suyakuywantaj, monterawan jina.

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

1 Timoteo 6:19

Ajinapi paykuna kikinkupaj kapuykunata tantachunku jamoj p'unchaykunapaj, wiñay kausaymanta mana kacharikuspa.

2 Timoteo 1:1

Noqa Pablo, Jesucristoj apostolnin kani, Diospa munayninrayku, Cristo Jesuspi kausay kasqanrayku Diospa qosqayki nisqanman jina.

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

2 Timoteo 2:10

Chayrayku, tukuy imata aguantani Diospa ajllasqasninta munakusqayrayku, paykunapis salvacionta kusiywan wiñaypaj tarinankupaj Cristo Jesuspi.

2 Timoteo 2:13

Sichus manaña paypi creesunmanchu chayqa, Diosqa kikillampuni sayan, qosqaykichej nisqanta junt'anampaj, imaraykuchus pay kikinta mana qhesachakuyta atinchu.

2 Timoteo 2:15

K'uchi kaywan Diospaj allimpaj qhawasqa kayta munay, uj llank'aj runa jina, mana imamanta p'enqakuspa; cheqa kaj palabratataj allinta willaspa.

Tito 2:13

Yachachillawanchejtaj suyananchejta chay kusikuyniyoj p'unchay jamunanta, maypachachus jatun Dios Salvadorninchej Jesucristo janaj pacha k'anchayninwan rikhurimunanta.

Tito 2:7

Qan kikiyki allin kausayniykita rikuchiy tukuy imapi, yachanankupaj jina allin ruwayniykimanta; chay yachachiyniykipi rikuchispa tukuy ima respetowan, tukuy sonqowantaj.

Tito 3:7

Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

1 Juan 2:25

Kaymá chay wiñay kausayqa, mayqentachus kikin Jesucristo nerqa qonawanchejta.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

Judas 1:21

Diospa munakuynimpi waqaychakuychej, Señor Jesucristoj khuyakuyninta suyaspa, wiñay kausayta jap'inaykichejpaj.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

1 Samuel 15:29

Diosqa Israelpa kusiynin. Payqa mana llullakunchu, nitaj pesachikunchu. Mana payqa runachu pesachikunampaj.