Tito 1:16 - Qheshwa Biblia DC

¹⁶ Yuyanku Diosta rejsisqankuta, ruwasqasninkuwantaj payta qhesachanku. Millaykuna mana kasojkuna kanku, nitaj allin kajtapis ruwayta atinkuchu.

DIOSPA QHELQACHISQAN DEUTEROCANONICAL

¹⁶ Paykuna Diosta qhatikusqankuta ninku, ruwasqankuwantajrí mana jinachu kasqanmanta yachayta qonku. Chay jina runakunaqa millay kanku, mana kasukojkuna, nitaj ima allin kajtapis ruwanankupaj jinachu.

DIOSPA QHELQACHISQ

¹⁶ Paykuna Diosta qhatikusqankuta ninku, ruwasqankuwantajrí mana jinachu kasqanmanta yachayta qonku. Chay jina runakunaqa millay kanku, mana kasukojkuna, nitaj ima allin kajtapis ruwanankupaj jinachu.

Quechua South Bolivia: Dios Parlapawanchej

¹⁶ Diosta rejsiskancuta nincu. Ruwaskasnincutaj ricuchin mana ajina caskanta. Millay, mana casucojcuna cancu. Ima sumaj ruwanapajpis manacaj cancu.

Tito 1:16 ပူးပေါင်းရင်းမြစ်များ

Job 15:16

Astawanraj mana atienikonqachu juchasapa millay runapeqa, mayqenchus sapa p'unchay juchata ruwashan yakutapis ujyashanman jina!

Proverbios 30:12

Wakin runasqa llimphus kasqankuta yuyakunku, manataj millay ch'ichi kasqankumanta llimphuchakuspapis.

Isaías 29:13

Señortaj nin: Kay runasqa simillankuwan qayllamuwanku, simillankuwan yupaychawanku, sonqonkutaj noqamanta karupi kashan. Noqata kasuwasqankoqa, runaspa kamachisqallan kapun, imatachus yachasqankullata ruwanku.

Isaías 48:1

Jacobpa ayllun, kayta uyariy. Israelpa sutinwan sutichasqa runas, Judá ayllumanta mirasqas kajkuna, Señorpa sutinta oqharispa parlajkuna, Israelpa Diosninmanta yuyarikojkuna. Chaywampis, chayta ruwankichej mana cheqa kaywanchu, nitaj cheqan sonqowanchu.

Isaías 58:2

Sapa p'unchay mask'awanku. Paykuna ñanniyta rejsiyta munanku, cheqanta ruwaj naciompis kanman jina, Diosninkoj kamachisqasninta manapis saqenkumanchu karqa jina. Paykuna cheqan kamachiykunata mañawanku, Diosman qayllaykamuytataj munanku.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Jeremías 12:2

Qan paykunata sayacherqanki, paykunarí saphichakunku, wiñanku, chanta poqonkutaj. Siminkumantaqa qayllaykipi kasqankuta ninku, sonqonkupirí qanmantaqa karupi kashanku.

Jeremías 5:2

Señorpa kausayninrayku jurajkunapis, llullakuspa juranku.

Jeremías 6:30

Sutichanachá kanqa wijch'usqa qolqe nispa, imaraykuchus qan, Señor, paykunata qhesacharqanki.

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

Números 24:16

Diosman yuyayninta churaspa Diospa nisqanta uyarej runa, patapi kaj Dios imatachus rejsin chayta rejsejtaj payqa. Imatachus nisqasninta rejsej manchay atiyniyoj Diospata mana rikukoj imasninta rikoj runa kayta nin:

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

1 Timoteo 1:9

Kayta yachanchej, leyqa mana cheqan runaspajchu churasqa karqa. Manachayqa churasqa karqa leyta p'akejkunapaj, mana kasukojkunapaj, Diosta mana manchachikojkunapaj, juchasapaspaj, pikunachus tatanta, chayrí, mamanta wañuchejkunapaj, runa wañuchejkunapaj ima.

1 Timoteo 5:8

Pillapis paypata kajkunamanta mana dakunchu, astawanqa wasimpi kajkunamanta, nitaj yanapanchu chayqa, feninta qhesachan. Chaytaj uj mana creejmantapis astawan sajraman tukun.

2 Timoteo 3:17

Ajinamanta, Diospa runan atiyniyoj kanqa, sumaj wakichisqataj, tukuy ima allin kajta ruwanampaj.

Tito 3:1

Hermanosta yuyarichiy, kasunankupaj kamachejkunata atiyniyojkunatawan. Wakichisqastaj kachunku tukuy imata allinta ruwanankupaj.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

1 Juan 2:4

Pillapis Diosta rejsini ninman, kamachisqasnintataj mana kasunmanchu chayqa, llullaqa. Manataj cheqa kaj paypichu kashan.

Judas 1:4

Wakin runasqa pakayllamanta yaykumorqanku. Paykunamantaqa ñaupajmantapachaña Escrituras willarqanku juiciopaj juchachasqas kasqankuta. Paykunaqa mana manchachikuyniyoj kanku, Diosninchejpa khuyakuynintapis millay kausayninkuman tukuchinku. Kamachej sapan Diosta, Señorninchej Jesucristotapis qhesachanku.

Apocalipsis 21:27

Chaymanqa mana ima ch'ichi kajpis yaykonqachu, nitaj millayta ruwajkuna, chayrí llullakojkunapis. Manachayqa Corderoj kausay librompi escribisqa kajkunalla yaykonqanku.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.

1 Samuel 15:24

Chaypacha Saulqa Samuelman nerqa: Arí juchallini, Señorpa kamachisqasninta, niwasqaykitawan mana kasuta ruwaspa. Chaytaqa ruwarqani runasta manchachikuspa, imatachus mañawasqankuta uyarinayrayku.