TAKIYKUNA 5:16 - Qheshwa Biblia DC

¹⁶ Parlaynenqa misk'i k'achitutaj, tukuy munapayanampaj jina. Ajina ari noqaj munasqayqa. Ajina ari munakusqayqa, Jerusalenmanta kaj sipaskuna.

DIOSPA QHELQACHISQAN DEUTEROCANONICAL

¹⁶ Simenqa may misk'i, payqa mayta munakunapaj jina. Ajina ari noqaj munasqayqa. Jerusalenmanta sipaskuna, ajina ari munasqayqa.

DIOSPA QHELQACHISQ

¹⁶ Simenqa may misk'i, payqa mayta munakunapaj jina. Ajina ari noqaj munasqayqa. Jerusalenmanta sipaskuna, ajina ari munasqayqa.

TAKIYKUNA 5:16 ပူးပေါင်းရင်းမြစ်များ

2 Samuel 1:23

Saulwan Jonatanwanqa, munasqas, k'achastaj mana t'aqanakorqankuchu kausayninkupi, nitaj wañupushaspapis. Aguilasmanta aswan usqhayta phawarejkuna karqanku! Leonesmantapis aswan kallpasniyoj karqanku!

Salmos 119:103

Nisqasniykeqa may misk'imin simiypeqa; abeja misk'imantapis aswan misk'iraj.

Salmos 148:13

Tukuy Señorpa sutinta yupaychachunku, paypa sutillan jatun kasqanrayku. Paypa jatun kaynenqa, jallp'a patapi, cielopipis kashan.

Salmos 19:10

Sumaj qorimantapis aswan munana. Abeja misk'imantapis aswan misk'i.

Salmos 45:2

Aswan k'acha runa kanki. Simiykimanta misk'i parlay t'ojyarimun. Chayrayku Diosninchej wiñaypaj bendicisorqa.

Salmos 89:6

Ni ima diospis, ni pipis cielopi kajkunamanta, qan jinata kanchu, Señor.

TAKIYKUNA 1:16

K'achitu kanki, munakusqáy; k'achitu kanki. Q'omer qhoraqa puñunanchej.

TAKIYKUNA 1:2

Simiykiwan much'aykuriway ari! Munakuyniykeqa vinomantapis aswan misk'i.

TAKIYKUNA 1:5

Jerusalén sipaskuna, noqaqa yana kani, jinapis k'achita; Yana kani, Cedarpa toldosnin jina; K'achita kani, Salomompa jark'achina telasnin jina.

TAKIYKUNA 2:1

Noqaqa Sarón vallemanta t'ika kani; pampasmanta rosa t'ika kani.

TAKIYKUNA 2:16

Noqaj munasqayqa noqajta, noqapis papata kani. Payqa ovejasninta rosa t'ikas ukhupi michin.

TAKIYKUNA 2:3

Manzanapis sach'aspa chaupimpi kashanman jina, noqaj munasqayqa wayna runaspa chaupimpi kashan. Chay sach'aj moq'ey llanthumpi noqaqa tiyarikuni, poqoynintaj noqapajqa sumaj misk'i.

TAKIYKUNA 4:3

Simisituykeqa sumaj puka q'aytitu jina, parlakusqaykipis k'achitu, sonqo suwaj. Uyitaykeqa granada kichasqa jina, suk'umpayki urapi.

TAKIYKUNA 6:3

Noqa munakusqaypata kani, paypis noqajta. Payqa ovejasninta rosas t'ikas chaupipi michin.

TAKIYKUNA 7:9

Parlayniykeqa misk'i vino jina, munakusqaytaqa sumajta misk'iykurin. Machu runaspa simintapis parlarichin.

Jeremías 15:16

Parlamuwajtiykeqa chay palabrasniykita mikhukorqani, chaytaj sonqo qhallallay, kusiytaj sonqoy ukhupi kawarqa, imaraykuchus Señor, Tukuy Atiyniyoj Diosníy, qampataman kani.

Jeremías 3:20

Chaywampis qankunaqa, imaynatachus uj warmi qosanta wasanchan ajinata, noqata wasanchawarqankichej. Noqa Señormin chayta nini.

Oseas 3:1

Señor ujtawan nillawarqataj: Riy munakamuy kausaqempa qhencha warminta, kausaqen munakullantaj chayta. Israelitaspa, mana rejsisqa dioskunasninkuman kutiripojtinku jinataj jaywajtinkupis, chay lantisninkuman, chayllamantataj mikhojtinkupis, uva ch'akisqasmanta tortasta ruwaspa, nispa.

Gálatas 2:20

Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku.

Filipenses 3:8

Cheqamanta tukuy imata chinkasqasta jina qhawani Señor Jesucristota allinta rejsisqayrayku. Paypa munakuyninraykutaj tukuy imata saqepuni. Chaykunataqa q'opata jina qhawani, Cristojta kanaypaj.

Santiago 2:23

Ajinapi junt'akorqa Escrituraj nisqan: Abraham creerqa Diospi. Chayraykutaj cheqan runapaj qhawasqa karqa, Diospa kausaqen nisqataj karqa.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.