Sofonías 3:9 - Qheshwa Biblia DC

⁹ Chay p'unchay chayamojtin llimphuchasaj tukuy runaspa parlayninta, tukuyninku noqata qhaparikunawankupaj, tukuy runastaj noqata uj sonqolla sirvinawankupaj.

DIOSPA QHELQACHISQAN DEUTEROCANONICAL

⁹ Chay p'unchay chayamojtin, noqa tukuy runakunaj parlayninkuta mosojyachisaj, tukuyninku sutiyta oqharispa yupaychanawankupaj, uj sonqolla munayniyta ruwanankupaj ima.

DIOSPA QHELQACHISQ

⁹ Chay p'unchay chayamojtin, noqa tukuy runakunaj parlayninkuta mosojyachisaj, tukuyninku sutiyta oqharispa yupaychanawankupaj, uj sonqolla munayniyta ruwanankupaj ima.

Sofonías 3:9 ပူးပေါင်းရင်းမြစ်များ

Génesis 11:1

Chay tiempopi tukuy runas uj parlayllata parlaj kanku.

Génesis 4:26

Setpatapis wawan kallarqataj, sutin karqa Enós. Chaymantapacha qallarerqanku Diosmanta mañakuyta, Señorpa sutinta oqharispa.

Salmos 113:3

Inti llojsimuynejmanta, inti yaykuynejkama, Señorpa sutenqa yupaychasqa kachun.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Isaías 19:18

Chaypacha Egiptopeqa phishqa llajtas kanqanku hebreo parlayta parlajkuna, Tukuy Atiyniyoj Señorpa sutimpi juranqankutaj. Ujnin kajtaj Inti llajta sutichasqa.

Isaías 57:19

Señorqa nin: Noqa paykunata asirichisaj; karupi kajkunapaj, qayllapi kajkunapajpis sonqo kausay kanqa. Ima nanayninmantapis noqa thañichisaj.

Isaías 6:7

Chaywan simiyman churawaspataj niwarqa: Qhaway, kay ninaqa simiykiman chayan. Kunanqa juchaykeqa qhechusqa, juchaykimanta llimphuchasqataj kanki.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Ezequiel 37:17

Chantá tantaykuy ujkuna ujkunata ujlla kanankupaj. Ajinamanta ujlla makiykipi kanqanku.

Habacuc 2:14

Chaypachataj, Señor gloriayoj kasqanmanta yachayqa tukuy jallp'antinman junt'anqa, imaynatachus mama qochaman yaku junt'aykun jinata.

Sofonías 2:11

Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

San Mateo 12:35

Allin runaqa, allin waqaychanamanta allin imasta orqhomun. Sajra runatajrí, sajra imasta orqhomun sajra waqaychananmanta.

Efesios 4:29

Simiykichejmantapis ama ima sajra parlaykunapis llojsichunchu, manachayqa cheqan kajta parlaychej, uyarejkuna wiñanankupaj Diospa yanapayninwan.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.