Sofonías 3:5 - Qheshwa Biblia DC

⁵ Chay tukuywampis Señorqa llajtapi kashan. Allin kajtapuni payqa ruwan, manataj sajra kajtachu. Sapa paqarin cheqa kaj imasta wakichin, manataj pantanchu jayk'ajpis. Sajra runarí mana p'enqakuyllatapis yachanchu.

DIOSPA QHELQACHISQAN DEUTEROCANONICAL

⁵ Chay tukuywanpis Tata Dios chay llajtawan kashan, paytaj cheqan kajtapuni ruwan manataj sajra kajtaqa. Sapa paqarin pay justiciata ruwan. Chay millay runakunarí mana p'enqakuyta yachankuchu.

DIOSPA QHELQACHISQ

⁵ Chay tukuywanpis Tata Dios chay llajtawan kashan, paytaj cheqan kajtapuni ruwan manataj sajra kajtaqa. Sapa paqarin pay justiciata ruwan. Chay millay runakunarí mana p'enqakuyta yachankuchu.

Sofonías 3:5 ပူးပေါင်းရင်းမြစ်များ

Génesis 18:25

Señor, tukuchinaykeqa mana allinchu kanman, mana juchayojta juchasapastawan khuska, iskayninkupis juchallatapuni ruwankuman jina. Ama chayta ruwaychu ari. Qan kanki kay mundontinta cheqanchaj, chayrayku, manachu cheqan kajtapuni ruwanayki tiyan?

Job 34:10

Qankuna, yachayniyoj runasqa, uyariwaychej; Ama yuyaychejchu Tukuy Atiyniyoj Dios, imastapis mana kajta ruwasqanta, chayri sajrata ruwasqanta.

Job 7:18

Ima nispataj sapa paqarin watukunkiri, sapa kutitaj imaynachus kasqanta yachanaykipajri?

Job 8:3

Tukuy Atiyniyoj Diosqa cheqan kajta q'ewinchu, chayri allin kajtapis?

Salmos 145:17

Señorqa tukuy imatapis ashkhatapuni ruwan. Tukuy ima ruwasqasnimpi khuyakuyniyoj.

Salmos 37:6

Cheqan kayniykita k'anchayta jina k'anchachenqa. Allinniykipaj kajtapis chaupi diata jina k'ancharichenqa.

Salmos 92:15

Chaytaj sut'inchawanqa: Jark'awajniy Señorqa cheqan kasqanta.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Isaías 28:19

Sapa kuti jamojtintaj, qankunaqa apasqas kankichej; chay jinata ch'isin paqarin jamonqa, chayta uyarispallaraj runasqa manchayta kharkatitenqanku.

Isaías 33:2

Señor, noqaykumantaqa khuyarikuwayku ari. Noqaykoqa qantapuni suyayku. Qanqa tutamanta yanapawajniyku kay ari, llakiy tiempopipis salvajniyku kay ari.

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Isaías 50:4

Señorqa yachayniyojkunaj yachayninta qowarqa, imaynamantachus sayk'usqasman parlanayta. Sapa paqarin uyarichiwan; ajinamanta yachachisqan jina sumajta uyarinaypaj.

Jeremías 21:12

Señormanta kay willayta uyariy: Tukuy p'unchaykunapi cheqan kajllata ruway, chay ñak'arejkunata kacharichiy qhasimanta oqojkunamanta. Pajtataj chay millay ruwasqasniykirayku phiñakuyniy nina jina jap'iykukunman, manataj pipis thasnuyta atishanmanchu.

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Lamentaciones 3:23

Sapa paqarin mosojllapuni, qampa cheqan kayniykeqa mana tukukoj.

Ezequiel 18:25

Qankuna niwankichej mana cheqa kajta ruwashasqayta. Israel ayllu, uyariway kunanqa: Manachu allinta ruwashani? Aswampis qankunaj ruwasqasniykichejraj mana allinchu.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Oseas 14:9

Tukuy yachayniyojkuna, yuyayniyojkunapis kay willaymanta entiendechunku: Señorpa munakusqasnenqa cheqankunamin, justostaj chayta qhatinku; pero chay sajrata ruwajkunarí, paykunapi misk'akuspa urmanqanku.

Oseas 6:5

Chayrayku profetasniynejta chhika chhikanta t'unata ruwarpaykichej, willayta apachimusqaywantaj wañucherqaykichej. Cheqan justiciaytaj uj k'anchay jina llojsimun.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 7:9

Señorpa contrampi juchallikuni, chayrayku phiñakuyninta ñak'arillasaj; chaykamaqa. Pay justiciata ruwawanqa juchayoj kasqaymantaqa. Señor pusawanqa k'anchayman rikuchiwanqataj atipayninta.

Habacuc 1:3

Imaraykutaj rikuchiwanki chay chhika ñak'ariyta juchatapis? Millay ruwaykunawan tukuchinakuywantaj muyurisqa kani; tukuynejpi kashan, phiñakuykunas, maqanakuykunapis.

Sofonías 2:1

Tukuyniykichej tantaykukuychej, mana p'enqayniyoj runas, manaraj apachikushajtiykichej, imaynatachus ichhus uj p'unchayllapi wayrawan apachikunku ajinata. Manaraj Señorpa lauraj phiñakuynin qankunaman chayamushajtin. Manaraj Señorpata k'ajaj phiñakuynimpa p'unchaynin qankunaman chayamushajtin.

Sofonías 3:13

Israel ayllumanta kausaypi qhepakojkuna imachus mana cheqa kajtaqa mana ruwanqankuchu, nitaj llullata parlanqankuchu, nitaj ch'aukiyaspa parlanqankuchu. Sumajta mikhurikonqanku, nitaj pimanta mancharikuspa samarikonqanku.

Sofonías 3:15

Señorqa qhechun contraykipi karqa chay juchachaytaqa. Contrarioyki karqanku chaykunatataj karunchan. Israelpa Señornenqa, Reynintaj qanwan khuska kashan. Mana ima sajrataqa manchachikunaykeqa kanqachu.

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Zacarías 2:5

Chaywampis, noqa kikiy sayaykusaj Jerusalempa muyuynimpi nina perqa jina, kikin llajta chaupipitaj k'anchaj gloriayta rikuchisaj. Noqa Señorniykichej kayta nini.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

San Lucas 12:2

Mana imapis qhatasqa kanchu, mana sut'inchakojqa; nitaj pakasqa kajpis mana yachakojqa.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

Romanos 3:26

Kay p'unchaykunapi cheqan kayninta rikuchiyta munaspa, pay cheqan kaspa Jesuspi creejta cheqan runapaj qhawanampaj.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Deuteronomio 23:14

Señor Diosniykichejqa qankunaj chaupiykichejpi kashan, chay jaraykichejpi ima kajtimpis yanapanasuykichejpaj, enemigosniykichejtapis atipachinasuykichejpaj. Chay jaraykichejqa llimphupuni kanan tiyan, Dios ama chaynejpi ima ch'ichitapis rikunampaj. Mana jina kanqa chayqa Dios qankunamanta karunchakonqa.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.