Sofonías 3:18 - Qheshwa Biblia DC

¹⁸ Señorqa nin: Chay p'unchaykunapi noqa librasqayki llakichisoj imasmanta, ima p'enqay qampaj kanayajtimpis.

DIOSPA QHELQACHISQAN DEUTEROCANONICAL

¹⁸ Tata Dios nin: Raymi p'unchaykunapi jina, noqa kacharichisqayki, ima llakiychus jamunayashasunki, chaymanta, ima p'enqaypis qanpaj kanman, chaymantapis.

DIOSPA QHELQACHISQ

¹⁸ Tata Dios nin: Raymi p'unchaykunapi jina, noqa kacharichisqayki, ima llakiychus jamunayashasunki, chaymanta, ima p'enqaypis qanpaj kanman, chaymantapis.

Sofonías 3:18 ပူးပေါင်းရင်းမြစ်များ

Salmos 43:3

Apachimuway k'anchayniykita, cheqa kayniykitawan, ñanta yachachinawankupaj, mayqen ñanchus santo orqoykiman chayan, qan tiyakunki chayman.

Salmos 79:4

Qayllaykupi kajkunaj asipayanan kayku, muyuyniykupi kajkunaj asikunantaj.

Jeremías 23:3

Noqa kikiytaj chay puchoj ovejasniyta apakapusaj, maymanchus ayqecherqani chay jallp'asmantapacha tantaykusaj, watejmanta pastosninkuman kutiykuchisaj ashkha uñasniyoj kanankupaj.

Lamentaciones 1:4

Sión llajtaj ñankunasnenqa ch'impacha llakiy, mana pipis jatun fiestanman jamoj kanchu. Llajta punkusqa tukuynin thuñisqas, ch'impachataj; chaynejta sacerdotesqa jik'un jik'unta waqarikunku; llimphu sipaskunasninkoqa manchay llakisqas kanku; Jerusalenqa phutiypa atipasqan kashan.

Lamentaciones 1:7

Jerusalén runasqa enemigosninkoj makinman urmaspa, manaña pipis paykunata yanaparej kajtin, yuyarikunku llakiyninkumanta, Señorpa contranta oqharikusqankumantawan. Chantaqa yuyarikullarqankutaj ñaupajta may qhapaj kasqankumanta. Enemigosninkutaj paykunata mayta alqochakuspa asipayarqanku imaynatachus urmasqankumanta.

Ezequiel 34:13

Waj llajtasmanta orqhomuspa ujllaman tantaykuspataj kikin jallp'ankuman qhatikapusaj. Israel lomaspi michisaj, tukuy wayq'osnimpi, runaj tiyakunanku chay tukuy jallp'aspi ima.

Ezequiel 36:24

Qankunataqa noqa waj llajtasmanta orqhomusqaykichej, tukuy jallp'asmanta tantaykuspataj jallp'aykichejman kutirichisqaykichej.

Ezequiel 9:4

Paymanta nerqa: Jerusalén llajtata purerqoy, uj señalta frentesninkuman churaykuy, chay llajtapi tukuy mana allin imas ruwakusqankurayku qhaparispa waqarashanqanku chay runakunaman.

Oseas 1:11

Chaypacha, Judajpa runasnin jinataj Israelpa runasnimpis tantakonqanku, uj kamachej lata oqharikonqanku, tukuynejmanta Jerusalenman kutimponqanku. May jatunmin kanqa Jezreelpa chay p'unchaynenqa!

Oseas 9:5

Imatataj qankuna ruwankichej chay fiesta p'unchaypi, yuyarinapaj nisqa chay Señorpa fiesta p'unchaynimpi?

Sofonías 3:20

Jaqay p'unchaypi qankunataqa pusarimusqaykichej, tantaykusqaykichejtaj. Presochasqamanta kutirichimusqaykichej. Qosqaykichejtaj alabasqas honrasqastaj kanaykichejpaj kay pachapi tukuy llajtas ukhupi. Noqa Señor kayta nini.