Sofonías 3:15 - Qheshwa Biblia DC

¹⁵ Señorqa qhechun contraykipi karqa chay juchachaytaqa. Contrarioyki karqanku chaykunatataj karunchan. Israelpa Señornenqa, Reynintaj qanwan khuska kashan. Mana ima sajrataqa manchachikunaykeqa kanqachu.

DIOSPA QHELQACHISQAN DEUTEROCANONICAL

¹⁵ Tata Diosqa juchachasqa kasqaykichejta oqharipun. Pikunachus awqaykichej karqanku, chaykunatapis karunchan. Israelpa Kuraj Kamachejnin Tata Diosqa qankunawan khuska kashan. Mana ni imamanta manchachikunaykichej kanqañachu.

DIOSPA QHELQACHISQ

¹⁵ Tata Diosqa juchachasqa kasqaykichejta oqharipun. Pikunachus awqaykichej karqanku, chaykunatapis karunchan. Israelpa Kuraj Kamachejnin Tata Diosqa qankunawan khuska kashan. Mana ni imamanta manchachikunaykichej kanqañachu.

Sofonías 3:15 ပူးပေါင်းရင်းမြစ်များ

Génesis 30:23

Ña wawayojña kaspataj nerqa: Dios qhechuwan mana wawayoj kay p'enqayniyta.

Salmos 149:2

Israel ayllu ruwajnimpi kusikuchun, Sión llajta reynimpi qhochukuchun.

Salmos 19:9

Señorta manchachikoyqa ch'uwa, wiñaypajtaj qhepakun. Paypa nisqasnin cheqa, cheqantaj.

Salmos 85:3

Tukuy sinch'i phiñakuyniykipis chinkapun, k'araj phiñakuyniykitaj tiyaykun.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 51:22

Señor Diosniyki, ayllunta jark'akoj Diosniykeqa ajinata nin: Qhaway, umata muyuchej phiñakuyniywan kaj copayta makiykimanta qhechuykiña; kunanqa manaña jayk'ajpis chay phiñakuyniytaqa ujyankichu.

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

Isaías 54:14

Cheqan kajwan sumaj sayachisqa kanki; ñak'ariymanta karunchakunki, manañataj manchachikunkichu, imaraykuchus manchachikoyqa manaña qanman qayllamusonqachu.

Isaías 60:18

Llajtaykipeqa manaña ñak'arichinasmanta parlanqankuchu, manataj urmachinasmanta, nitaj thuñinasmantapis; manachayqa perqasniykita salvación nispa sutichanki, punkusniykipitaj Señorta yupaychaykuna k'askachisqa kanqa.

Isaías 65:19

Chaypacha Jerusalenwan kusikusaj, chanta ayllusniywan ima. Chay llajtapeqa manaña jayk'ajpis waqajkunata uyarenqankuchu, manataj llakiywan qhaparejtapis.

Jeremías 8:19

Aylluypa waqasqasnenqa tukuy jallp'aspiña uyarikun: Señorqa manañachu Siompi kashan? Manañachu reynenqa chaypi kashan?, nispa. Señortaj kutichin: Imaraykutaj phiñachiwarqankichej chay lantikunata yupaychaspa, mana rejsisqa dioskunatari?, nispa.

Ezequiel 35:10

Kay jinata nerqanki: Iskaynin llajtas, chantá iskaynin jallp'aswan noqajta kanqanku. Señorpis chaypi kakushachun, noqapuni jap'ikapusaj.

Ezequiel 36:15

Manataj waj llajtakunaj sajra parlayninkuta uyarinkichejñachu. Qantaj manaña sajra nisusqankuwan ñak'arinkiñachu, imaraykuchus aylluykipi wawas manaña wañonqankuchu. Noqa Señormin kaytaqa nin.

Ezequiel 39:29

Manañataj ujtawampis israelita runasmanta uyayta pakaykukusajchu, imaraykuchus Espirituyta paykunaman jich'amusaj, nin Señorqa.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Joel 3:17

Chaypachamá qankuna yachankichej, noqa Señor Diosniykichej, tiyakusqayta noqaj t'aqasqa Sión orqopi. Jerusalemtaj noqapaj t'aqasqa llajta kanqa. Manataj jayk'ajpis waj llajtayojkuna atipanqankuchu.

Amós 9:15

Chay kikin jallp'ankupi paykunata tiyachisaj, manañataj ni jayk'aj qosqay jallp'ankumanta wijch'usqaschu kanqanku. Ajinatamin nin Señor Diosniykeqa.

Miqueas 7:10

Chay chejnikuwajniypis rikullanqataj, chaytaj p'enqaywan junt'aykuchenqa. Payqa niwaj: Maypitaj Señor Diosniyki kashan?, nispa. Jinapis kunanqa kusisqa kani rikuspa callespi t'uruta jina sarusqata.

Habacuc 2:17

Líbano orqopi chay millay ruwasqasniykeqa contrallaykipitaj kutimonqanku, mancharikunkitaj chay uywasta wañuchisqasninkuwan. Chaytaj jamusonqa chay runasta wañurachisqaykirayku chay jallp'api, llajtasninkupi tiyakojkunaswantaj millay ruwaykunasta ruwasqaykirayku.

Habacuc 2:8

Contraykipi naciones tantaykukuspa tukuy kapuyniykita qhechusonqanku, imaynatachus qampis paykunamanta qhechorqanki jinata. Chaypacha pagachisonqanku; wañurachisqaykimanta, millay ruwaykunasta ruwasqaykimantataj chay jallp'ankupi, llajtasninkupi tiyakojkunaswantaj.

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Sofonías 3:5

Chay tukuywampis Señorqa llajtapi kashan. Allin kajtapuni payqa ruwan, manataj sajra kajtachu. Sapa paqarin cheqa kaj imasta wakichin, manataj pantanchu jayk'ajpis. Sajra runarí mana p'enqakuyllatapis yachanchu.

Zacarías 12:3

Jaqay tiempopeqa, Jerusalenta jatun llasa rumiman jina tukuchisaj jaqay tukuy llajtaspaj. Noqa t'unasaj pichus oqhariyta munajtaqa. Tukuynejmanta Jerusalempa contrampi naciones tantaykukonqanku.

Zacarías 14:11

Arí, Jerusalempi runas tiyakonqanku mana imata manchachikuspa.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

San Juan 1:49

Chaymantataj Natanael nerqa: Maestro, qanqa Diospa Churin kanki, Israelpa Reynin.

San Juan 12:15

Ama manchachikuychu Siompa ususin; qhawariy Reyniyki jamushan burroj uñampi lloq'asqa.

San Juan 19:19

Pilatotaj cruzpi uj escribisqata churarqa, chay escribisqataj nisharqa: JESÚS NAZARENO JUDIOSPA REYNIN.

San Juan 5:30

Jesustaj nerqa: Mana imatapis noqallamanta ruwanichu, uyarisqayman jina noqa juzgani; juzgasqaytaj cheqampuni, imaraykuchus mana noqaj munayniytachu mask'ani; astawanqa kachamuwaj Tataypa munaynillanta.

Apocalipsis 12:10

Janaj pachamanta uj sinch'ita parlamojta uyarerqani, nimojta: Kunanqa Diosninchejpa salvacionnin, atiynin, reinompis chayamunña, Cristompa atiynimpis. Hermanosninchejta ch'atajqa, wijch'usqa kashan, pichus tuta p'unchay Diosninchejpa ñaupaqempi paykunata ch'ataykoj, chay.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

Apocalipsis 7:15

Chayrayku Diospa tronompa ñaupaqempi kashanku, tuta p'unchaytaj templopi yupaychanku; tronopi tiyajtaj wasi toldonta paykunaman qhataykonqa.