Sofonías 3:14 - Qheshwa Biblia DC

¹⁴ Sión llajtayoj runas, takiychej! Israel ayllumanta kaj runas, kusiymanta qhapariychej! Jerusalempi tiyakoj runas, kusikuychej. Tukuy sonqoykichejwan kusikuychej!

DIOSPA QHELQACHISQAN DEUTEROCANONICAL

¹⁴ Sión llajtayojkuna, takirikuychej. Israel ayllumanta kajkuna, kusiymanta qhapariychej. Jerusalenpi tiyakojkuna, kusikuychej, tukuy sonqoykichejwantaj kusirikuychej.

DIOSPA QHELQACHISQ

¹⁴ Sión llajtayojkuna, takirikuychej. Israel ayllumanta kajkuna, kusiymanta qhapariychej. Jerusalenpi tiyakojkuna, kusikuychej, tukuy sonqoykichejwantaj kusirikuychej.

Sofonías 3:14 ပူးပေါင်းရင်းမြစ်များ

Nehemías 12:43

Chay p'unchaypi ashkha uywa wañuchisqasta jaywarqanku, runastaj mayta kusikorqanku Dios paykunaman jatun kusiyta qosqanrayku. Warmiswan wawaswampis sinch'itapuni kusikusharqanku. Jerusalempi kusikusqankoqa karumantapacha uyarikorqa.

Salmos 14:7

Sión llajtamantapis, Israelpaj salvacionqa chayamunman, Señor apasqa runasninta kutichimojtin, Jacobpa mirayninmanta kajkuna, israelitas tukuyninku kusikonqanku.

Salmos 149:2

Israel ayllu ruwajnimpi kusikuchun, Sión llajta reynimpi qhochukuchun.

Salmos 97:8

Señorníy, Sionqa, Judapis, llajtaspis, kamachisqasniykimanta anchatapuni kusikunku.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Isaías 29:19

Llamp'u sonqo kajkunaqa mayta kusikonqanku Señorpi, aswan wajcha kajkunapis Israelpa Santo nisqa Diosnimpi maytapuni kusikonqanku.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqanku. Líbano orqo jina may k'achitu kanqa, Carmelo jallp'as, Sarón jallp'as jinataj sumajta poqoj jallp'as kanqa. Ajinamanta paykunaqa Señorpa atiyninta rikonqanku, Diosninchejpa k'acha kaynintawan.

Isaías 37:22

Kay jinata Señorqa nin chay reypa contranta: Rey Senaquerib, Sión llajtaqa uj sipas jina qhesachasunki, uyaykipi asiykukusunki. Jerusalén llajtaqa qhepaykimanta umanta khiwirispa asiykakamusunki.

Isaías 40:1

Qankunaj Diosniykichejqa nin: Sonqochakuychej, sonqochakuychej, israelitasníy.

Isaías 40:9

Sión, uj alto orqoman wichariy, jatunmanta qhapariy, sumaj willaykunata willanaykipaj. Jerusalén, ama manchachikuspa qhapariy. Judá llajtasman willay: Kaypi Diosniykichej kashan, nispa.

Isaías 51:11

Cheqamanta Señorpa orqhomusqasnenqa kutimonqanku, may kusiywan takirispa Sión llajtaman chayamonqanku; kusiyllapipuni kanqanku. Paykunaqa kusikonqanku. Nanaywan, waqaywantaj chinkaponqanku.

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

Isaías 54:1

Señorqa nin: Jatunmanta kusikuy ari mana wawa rejsej warmi, mana wachakoj warmi. Jatunmanta takispa kusikuy mana onqokuyta yachaj warmi. Wijch'usqa warmejtaraj ashkha wawasnenqa kanqa, casada warmejmanta nisqaqa.

Jeremías 30:19

Paykuna ukhumanta graciasta qospa takiykunas llojsenqa, kusiywan asirikuykunapis. Mana pisiyanqankuchu, manachayqa astawan ashkhayachisaj. Mana pipis qhesachanqachu, imaraykuchus noqa paykunata allimpaj qhawasaj.

Jeremías 31:13

Chaypacha sipaskunaqa kusikuywan tusurenqanku, jinallataj waynakunapis, unayniyoj runakunapis. Noqa paykunata sonqochaykusaj: Waqayninkutaqa kusiyman tukuchisaj. Noqataj kusiyninkuta qopusaj nanayninkumanta aswan ashkhata.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Joel 2:23

Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

Miqueas 4:8

Qanrí, Jerusalén, Siompata torren, jark'akuntaj qan ujtawan Israel reinoj capitalnin kallankitaj, imaynachus ñaupajpi may uyarisqa warmi karqanki jina.

San Mateo 21:9

Ñaupaqenta qhepanta ima rejkunataj qhaparisharqanku, nispa: Yupaychasqa kachun Davidpa Churenqa! Señorpa sutimpi jamojqa, jatunchasqa kachun! Janaj pachakunapipis yupaychasqallataj kachun!