Sofonías 3:11 - Qheshwa Biblia DC

¹¹ Munasqa runasníy, jaqay p'unchaykunapeqa, mana p'enqakunkichejñachu, ni mayqen sajra ruwasqaykichejmantapis, contraypi sayarejtiykichejpis. Chaypachaqa jatunyakojkunata, mana respetoyojkunata ima, qankuna chaupimanta wijch'usaj. Manataj jayk'ajpis ujtawan wapuykachankichejchu llimphu orqoypi.

DIOSPA QHELQACHISQAN DEUTEROCANONICAL

¹¹ Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

DIOSPA QHELQACHISQ

¹¹ Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Sofonías 3:11 ပူးပေါင်းရင်းမြစ်များ

Salmos 131:1

Señorníy, sonqoyqa mana jatunchakunchu, ñawisniypis mana pitapis pisipaj qhawanchu. Mana jatuchaj imaspa qhepantachu purini, nitaj mana ruway atina imaspipis.

Salmos 49:5

Imaraykutaj manchachikuyman, sajra p'unchaykuna jamojtin?

Salmos 59:12

Tukuy ima nisqankupi juchallikunku. Jatunchakuyninkuwan ch'ipasqas kachunku. Mana cheqanta jurasqasninku ima urmachichun.

Isaías 11:9

Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

Isaías 45:17

Señorqa israelitasta wiñaypaj salvarqa. Qankunaqa mana p'enqakunkichejchu, manataj k'umuykachankichejchu jayk'ajpis.

Isaías 5:15

Runasqa k'umuykachachisqas kanqanku. Mayta runaykachajkunapis k'umuykuchisqas kanqanku.

Isaías 54:4

Ama manchachikuychu ari. Qanqa mana ch'aukiyasqachu kanki. Ama qanqa p'enqakuychu, manamin p'enqachisqachu kanki. Qanqa qonqapunki sipas kashaspa p'enqakoj kasqaykita, jinallataj viuda kashajtiyki qhesachasusqankutapis.

Isaías 61:7

Chay jina p'enqaypi kasqaykichejmanta, chay jina chejnisqa mana allimpaj qhawasqa kasqaykichejmanta, may jina allimpaj qhawasqas kankichej, wiñaypaj kusikuyniyojtaj,

Jeremías 7:4

Ama atienekuychejchu, chay ch'aukiyajkuna kay jinata nisojkunaman: Señorta yupaychana wasin kaypi kashan. Señorta yupaychana wasin kaypi kashan, nispa.

Ezequiel 20:40

Señorqa kay jinata nin: Ajllakusqay orqopi, Israelpa jatun lomampi tukuynin Israel aylloqa yupaychawanqa. Chaypi noqa tukuy sonqowan jap'ikapusqaykichej. Chayllapitaj qankunamanta mañasqaykichej rikuchikusniykichejta jaywanawaykichejta, ñaupajta poqojkunata apamunawaykichejta, imastachus qonawaykichejpaj t'aqankichej chaykunatawan.

Daniel (hebreo) 9:16

Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

Daniel (hebreo) 9:20

Diosmanta mañakushallarqanipuni, juchasniyta willakuspa, jinallataj Israel aylluypa juchasninta willaspa, Señor Diosniypa ñaupaqempi majakuspa ajllakusqan lomanrayku.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Números 16:3

Tukuyninku tantaykukuytawan Moisesman Aaronmanwan nerqanku: Kaykamalla qankunaqa kamachiwasqayku. Tukuynin israelitas Diosman k'umuykukunku, llimphuchasqastaj kanku; Señorpis tukuyninkuwan kashan. Imaraykutaj qankuna Señorpa llajtanta kamachiyta munankichejri?, nispa.

San Mateo 3:9

Ama niychejchu qankunaqa: Abrahampa wawasnin kayku, nispa. Noqa niykichej, Diosqa kay rumismantapis wawasta sayarichiyta atin Abrahampaj.

Romanos 2:17

Qanqa, judío nisqa kanki, alabakunkitaj leypi allinta sayani, Dioswantaj kani, nispa.

Romanos 9:33

Escribisqapi nisqanman jina: Kay Siompi churani misk'ana rumita, urmana qaqatawan. Paypi creejqa, mana p'enqaypi rikhurenqachu.

1 Pedro 2:6

Chayrayku Escriturapi nisqa kashan: Noqa Siompi churani aswan sumaj esquina rumita, ajllasqa k'acha rumitataj. Chaypi creejqa mana p'enqakonqachu.