Sofonías 3:1 - Qheshwa Biblia DC

¹ Way qanmanta Jerusalén, mana kasukoj llajta, ch'ichichasqa, mana khuyakuyniyojtaj.

DIOSPA QHELQACHISQAN DEUTEROCANONICAL

¹ Ay, Jerusalenpi tiyakojkuna, mana kasukuyta munajkuna, juchawan junt'a kajkuna, runa masiykichejta ñak'arichejkuna.

DIOSPA QHELQACHISQ

¹ Ay, Jerusalenpi tiyakojkuna, mana kasukuyta munajkuna, juchawan junt'a kajkuna, runa masiykichejta ñak'arichejkuna.

Sofonías 3:1 ပူးပေါင်းရင်းမြစ်များ

Isaías 30:12

Chayrayku Israelpa Santo Diosnenqa nin: Qankunaqa kay k'acha palabrasta qhesachankichej. Qankunaqa mana allin ruwaykunaman, sajra ruwaykunaman ima atienekunkichej. Chay sajra imasman sayasqa qankunaqa kankichej.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Isaías 59:6

Kusikusi llikhanmanta awasqa p'achaqa churakunapaj mana walejchu, manataj ukhunkutapis jark'anqachu. Chay ruwasqasninkoqa sajrallapuni, chay jina jucha ruwaylla makisninkupeqa kashan.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Jeremías 5:23

Qankunaj sonqoykichejri ancha rumiyasqa, mana kasukojtaj, saqerpayawaspataj riporqankichej.

Jeremías 6:6

Tukuy Atiyniyoj Señorqa kay kamachita qon: Sach'asta k'utuychej, perqasmantaj jallp'ata qolluykuychej Jerusalenman maqanakoj yaykunapaj. Llajtaqa jasut'isqa kanampaj qhawasqaña, imaraykuchus millay ruwaykunawan junt'a kashan.

Jeremías 6:7

Jerusalenmanta sajra kay llojsimun, uj pujyumanta yaku llojsimun ajinata. Chay llajtapeqa millay ruwaykunaslla, ch'ajwachinakuyllataj uyarikun, chaypi rikuni nanachisqasta, ayqhoyllatawan.

Ezequiel 22:29

Llajta runasqa mayta sajrayanku, suwankutaj. Wajcha runasta mana kapuyniyojkunatapis munasqankuta ruwanku. Waj llajtamanta kajkunatapis mana allinta ruwaspa ñak'arichinku.

Ezequiel 22:7

Kay llajtapeqa, tatasninkuta, mamasninkutapis mana kasuta ruwankuchu. Waj llajtamanta jamoj runasta ñak'arichinku. Wajcha wawasmanta, viuda warmismantataj lluch'unku.

Ezequiel 23:30

Kay imasta qanwan ruwanqanku, chay jallp'aspi tiyakojkunaj qhepanta risqaykirayku, qhasi mana kaj dioskunasninkuta yupaychaspa ch'ichichakusqaykirayku.

Levítico 1:16

Buchenta orqhoytawan, inti llojsimuynejman altarpa ladompi chay ushphaman choqaykonqa.

Amós 3:9

Asdodpa palaciosnimpi, Egiptoj palaciosnimpiwan willamuychej, niychejtaj: Samaria orqosman tantakamuychej, qhawaychejtaj imayna pejtuchus chaypi kasqanta, imaynatatajchus runasta ñak'arichisqankuta.

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

Miqueas 2:2

Jallp'asta munapayanku, jap'ikapunkutaj; wasista munapayanku, suwankutaj. Runastapis mayta ñak'arichinku, ayllusninkutapis chantá tukuy kapuyninkutapis.

Zacarías 7:10

Ama ñak'arichiychejchu warmi sapasta nitaj wajcha wawasta, nitaj waj llajtayojkunata, nillataj wajchastapis. Ama yuyallaychejpischu ujkuna ujkunata ima sajratapis ruwanakuytaqa.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.