Sofonías 2:7 - Qheshwa Biblia DC

⁷ Judá ayllumanta kausaypi puchojkunataj chay runaspa jallp'ankuta jap'ikaponqanku, maypachachus Señor Diosninku paykunata yanapaj jamonqa, preso kaymantataj paykunata kutirichimonqa chaypacha, jaqaypitaj ovejasninkuta michenqanku. Tutasnimpitaj samarikonqanku Ascalompi kaj wasispi.

DIOSPA QHELQACHISQAN DEUTEROCANONICAL

⁷ Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.

DIOSPA QHELQACHISQ

⁷ Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.

Sofonías 2:7 ပူးပေါင်းရင်းမြစ်များ

Génesis 50:24

Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

Salmos 80:14

Atiyniyoj Dios, kutirimullay ari, cielomantapacha qhawarimullayña. Sonqoykita nanachikuspa watukapullayña kay uvas chajraykita.

Salmos 85:1

Señor, qanqa may k'acha kanki kay aylluykiwan, Israelman kusikuyta kutichinki.

Éxodo 4:31

Israelitastaj creerqanku chay nisqanta. Yachaspa Señorqa Israelpa wawasninmanta yuyarikusqanta llakiyninkuta rikusqanta. Jinaspataj tukuyninku qonqoriykukuspa Señorta yupaycharqanku.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 11:14

Iskaynintaj inti yaykuynejman kachaykukonqanku, filisteosmantaj wasankumanta urmaykonqanku, jinallataj inti llojsimuynejpi tiyakojkunajmanta tukuy imankuta qhechumonqanku. Edom nación, Moab nacionwampis paykunata sirvenqanku, jinallataj Amón naciompi kajkunapis paykunata kasonqanku.

Isaías 11:16

Asiriamanta Señorpa puchoj runasnin kutimunampajqa, allin ñan wakichisqa kanqa, imaynachus israelitas Egiptomanta llojsimunankupaj karqa, ajina.

Isaías 14:1

Señorqa Jacobpa ayllunmanta khuyakonqa, israelitastaqa ajllakonqaraj, jallp'ankupitaj watejmanta tiyachenqa. Karu llajtayojkuna paykunaman ujchakonqanku, Jacobpa ayllunwantaj tiyakonqanku.

Isaías 32:14

Reypa palacionqa ch'in pacha qhepakonqa, chay chhika runayoj llajtapis ch'in pacha kanqa, qhawana torreswan, pakakuna wasiswanqa wiñaypaj saqerpasqas qhepakonqanku. Chaypeqa k'ita burroslla mayta kanqanku, wakas ima chaypi mikhonqanku.

Jeremías 23:3

Noqa kikiytaj chay puchoj ovejasniyta apakapusaj, maymanchus ayqecherqani chay jallp'asmantapacha tantaykusaj, watejmanta pastosninkuman kutiykuchisaj ashkha uñasniyoj kanankupaj.

Jeremías 29:10

Noqa Señor nini: Qanchis chunka watas Babiloniapi junt'akojtinkama, qankunaman kutisqatañataj ruwasaj. Qankunata kay cheqaman kutichimunay karqa chayta junt'asaj.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 3:18

Maypachachus chay p'unchay chayamojtin, Judá aylluwan tantaykukonqa Israel aylluwan khuska. Kutimonqanku wichaynej jallp'amanta qankunaj ñaupa tatasniykichejman chayaqenkupaj jina qarqani chay jallp'asman.

Jeremías 31:7

Señorqa nin: Kusiy takiykunasta kusiywan takiychej Jacobpa ayllunrayku. Paymin tukuy nacionesmanta aswan kurajqa. Uyariychej yupaychaykunasta, niychejtaj: Señorqa ayllunta salvarqa, Israelmanta puchojkunata.

Jeremías 32:44

Chaypi rantirakonqanku chay trato papelestataj selloyojta qelqaspa ruwakonqanku, testigosniyojta ima. Kay tukoyqa Benjamimpa jallp'asnimpi kanqa, Jerusalempi qayllasnimpitaj, jinataj Judajpa llajtasnimpipis, chay sach'arara orqospi, jinataj mar canto pampaspipis, jinataj Néguev llajtaspipis, imaraykuchus noqa kutichimpusaj chay kausayinkuta. Noqa Señor chayta nini.

Jeremías 33:12

Tukuy Atiyniyoj Señorqa nin: Kay jallp'api, kunan ch'in pacha kashan chaypi mana runas, nitaj uywaspis kashanchu chaypi, tukuynin llajtasnimpi, watejmanta pastos wiñallanqataj, tukuy michejkuna chaykunapi ovejasninkuta michimunankupaj.

Jeremías 33:7

Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

Jeremías 47:5

Gaza llajtamanta runasqa chujchasninkuta ruthukunku. Ascalón llajtamanta runasqa upayasqas qhepakunku. Chay ñaupa jatun karay runasmanta puchojkuna, mayk'ajkamataj ukhuykita llik'irakunki llakiyniykita rikuchispari?

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Oseas 6:11

Qampajpis, Judá, ñapis nisqaña ima p'unchaypichus jasut'isqa kanaykeqa.

Abdías 1:19

Neguevmanta kajkuna israelitas, Esaojpa chaynejpi chay orqosta jap'ikaponqanku, Sefelamanta kajkunataj filisteospa jallp'asninkuta jap'ikaponqanku. Chantapis jap'ikapullanqankutaj Efraimpa jallp'asninta, Samariaj jallp'asninta, jinataj Benjamimpata kajkuna Galaadta jap'ikaponqanku. Chay chhika wijch'usqasmanta kajkunamanta israelitas cananeospa jallp'asninmanta, Sarepta chaynejkama. Jerusalempi presos kajkunamanta, chay Sefarad chaynejpi jina kashanku. Chaykunamantaqa Neguedpi chay llajtasta jap'ikaponqanku.

Miqueas 2:12

Jacobpa ayllunmanta kajkunata tukuyninta tantasaj; Israelmanta uj chhika puchojta oqharikapusaj. Tantaykusaj, ovejasta tropanman tantaykunchej ajinata, pastos chaupipi michisqa ovejas jina kanqanku, may chhika tunas jinataj ch'ajwarenqanku.

Miqueas 4:10

Sión llajta, wijsayoj warmi nanayninwan jina q'ewiykachakuy qhapariytaj, imaraykuchus runasniyki qanmanta llojsenqanku, q'ara pampapi tiyamonqanku, Babiloniakamataj chayanqanku. Jinapis Señor chaypi ayllunta kacharichejqa, enemigosninmanta salvanqa.

Sofonías 3:13

Israel ayllumanta kausaypi qhepakojkuna imachus mana cheqa kajtaqa mana ruwanqankuchu, nitaj llullata parlanqankuchu, nitaj ch'aukiyaspa parlanqankuchu. Sumajta mikhurikonqanku, nitaj pimanta mancharikuspa samarikonqanku.

Sofonías 3:20

Jaqay p'unchaypi qankunataqa pusarimusqaykichej, tantaykusqaykichejtaj. Presochasqamanta kutirichimusqaykichej. Qosqaykichejtaj alabasqas honrasqastaj kanaykichejpaj kay pachapi tukuy llajtas ukhupi. Noqa Señor kayta nini.

Hageo 1:12

Zorobabel, Josué, jinallataj tukuy runakuna manchachikorqanku uyarispa Señorpa nisqanta paykunapaj, Hageo profetanejta. Chaytarí, Señor Dios, profetaman kamachisqa sut'inchanampaj.

San Lucas 7:16

Chayta rikuspataj tukuyninku mancharikorqanku. Diosta yupaychayta qallarerqanku nispa: Jatun profeta noqanchej ukhupi rikhurin. Dios ajinata ayllunta watukoj jamun.

Hechos 8:26

Chay qhepatataj Diospa angelnin Felipeman nerqa: Jatarispa riy ura kaj ñanman. Chay ñanqa, Jerusalenmanta llojsimuspa Gaza llajtaman rishan ch'in pampanejta.

Hechos 8:40

Chay qhepata Felipeqa, Azoto llajtapi rikhurerqa. Chaymantataj llajtamanta llajta purispa, evangeliomanta willarqa, Cesarea llajtaman chayanankama.

Romanos 11:5

Ajinallatataj kay p'unchaykunapipis israelitasmanta pisi runaslla puchunku, Diospa khuyakuyninman jina ajllasqas.

Rut 1:6

Uj p'unchaypirí Noemí Moabpi uyarisqa nejta Señorqa ayllunmanta khuyakusqanta, chanta chay yarqhay watasta tukuchisqantaña.