Sofonías 2:13 - Qheshwa Biblia DC

¹³ Payqa makinta oqharenqa chimpa ladoj contranta, Asiria llajtata t'unaykunampaj. Nínive llajtatarí ch'impachata saqerparenqa, uj ch'in pampaman tukuchispa.

DIOSPA QHELQACHISQAN DEUTEROCANONICAL

¹³ Payqa wichaynejpi Asiria suyuta chinkarparichenqa. Nínive llajtatapis ch'inpachata saqerparenqa, ch'in t'ajra pampamantaj tukuchenqa.

DIOSPA QHELQACHISQ

¹³ Payqa wichaynejpi Asiria suyuta chinkarparichenqa. Nínive llajtatapis ch'inpachata saqerparenqa, ch'in t'ajra pampamantaj tukuchenqa.

Sofonías 2:13 ပူးပေါင်းရင်းမြစ်များ

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

Isaías 10:16

Chayrayku Tukuy Atiyniyoj Señorqa, kallpayoj runasninman llauchhuyayta apachimonqa, qhapaj kayninkutataj ninawan jap'iykuchenqa llant'ata jina.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 14:26

Kaymin chay yuyasqayqa tukuy jallp'aj contrampi. Makeyqa tukuy llajtasta jasut'inampaj wakichisqa kashan.

Isaías 37:37

Chaymanta Asiria rey Senaqueribqa tukuy imasninta oqharikuspa Ninivepi tiyakoj riporqa.

Jeremías 49:33

Hazor llajtaqa ch'inman tukuchisqa kanqa, atojkunaj tiyakunallanña kanqa. Mana pipis chaypi tiyakonqañachu, nitaj ñan purejkunallapis chaypi qhepakonqankuñachu.

Miqueas 5:6

Paykuna Asiriata kamachenqanku, Nimrodpa jallp'antapis t'ojsinasninkoj puntampi apaykachanqanku, jallp'asninchejta yaykumorqanku jallp'anchejmantaj. Junt'aykamorqanku chay asiriosmantataj librawasunchej.

Nahúm 1:1

Kaymin chay Nínive llajtaman apachisqa willayqa. Elcosmanta Nahumpa mosqoypi jina rikusqanmanta willay libro.

Nahúm 3:15

Ladrillosta ruwanaykipajtaj wakichikuy espadapitaj t'ukuychakunki, jinataj langosta khuruta jina tukuchisonqa. Langostas jina mayta miraychej! Chay phawaykachaj monte khuru jinataj miraychej!

Nahúm 3:7

Tukuy rikusojkunaqa qanmanta ayqenqanku nispa: Niniveqa phirisqa kashan! Pitaj paymanta khuyakunmanri? Maypitaj kanman sonqochaykojri?, nispa.

Sofonías 1:4

Judapi tiyakoj runaspa contrampi makiyta churamusaj, Jerusalempi tiyakoj tukuynin runaspa contrampi ima. Chinkachisajtaj kay lugarmanta Baal llulla diosta tukuy laya yupaychana kajta. Sacerdotesnimpa sutisnintawampacha chinkachisaj.