Sofonías 1:7 - Qheshwa Biblia DC

⁷ Ch'in kaychej Señorpa ñaupaqempi. Señorpa p'unchaynenqa qayllamushanña! Señor wakichin uj jaywanata, wajyasqasnintataj llimphuchanña!

DIOSPA QHELQACHISQAN DEUTEROCANONICAL

⁷ Tukuyta Kamachej Tata Diospa ñawpaqenpi ch'inlla kaychej, imaraykuchus Tata Diospa p'unchaynenqa chayamushanña. Tata Diosqa uj jaywanata wakichin, wajyakusqankunapis t'aqasqaña kashanku.

DIOSPA QHELQACHISQ

⁷ Tukuyta Kamachej Tata Diospa ñawpaqenpi ch'inlla kaychej, imaraykuchus Tata Diospa p'unchaynenqa chayamushanña. Tata Diosqa uj jaywanata wakichin, wajyakusqankunapis t'aqasqaña kashanku.

Sofonías 1:7 ပူးပေါင်းရင်းမြစ်များ

Job 24:1

Tukuy Atiyniyojmanta tiempospis mana pakasqa kajtenqa, imaraykutaj payta rejsejkunaqa ima diaschus ruwanantaqa mana yachankuchuri?

Salmos 46:10

K'umuykuycyhej, rejsiwaychejtaj noqa Diosniykichej kani. Tukuy nacionespi noqa yupaychasqa kasaj. Tukuy kay pachapi jatunchasqa kasaj.

Isaías 13:3

Noqa kamachiniña ajllakusqasniyta, chantaqa wajyallanitaj wapu kamachisniyta phiñakuyniyta junt'anankupaj, atipasqaymanta kusikojkunata.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

Isaías 29:2

Chaymanta Arielta llakiypi rikhurichisaj. Chaypi llakiy waqay kanqa. Chay llajtaqa noqapajqa Ariel jinapuni kanqa.

Isaías 34:5

Janaj pachapi Señorpa espadanqa wakichisqa kashan. Chaytaj Edom llajtaman uraykamonqa, wañunampaj juchachasqa llajtaman.

Isaías 34:6

Señorpa espadanqa sumaj yawarchasqa, wiranchasqataj kashan, imaynatachus ovejasta, cabrastapis rikuchikuspaj wañuchinku ajinata. Señorqa uywa wañuchisqa jaywakuta Bosra llajtapi ruwanqa, jinamanta ruwanqa uj jatun ñak'arakuta Edom llajtapi.

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Ezequiel 7:10

Kayqa chay p'unchayqa. Chayamushanña! Sut'iyamushanña! Sajra kajqa tukuynejpi t'ika jina qhallallarishan, alqochakuytaj may karishan.

Ezequiel 7:7

Kay naciompi tiyakojkunaj tukukuynenqa chayamushanña, ch'ajwana p'unchay chayamushan, lomaspi kusikoyqa tukukunña.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Joel 2:31

Inteqa laqhaman tukonqa. Killataj yawarman jina tukonqa. Chay p'unchayqa mayta mancharinapaj jina Señorpa jatun p'unchay kanqa.

Amós 6:10

Imayna jatun manchachikuychus kanqapis, chayrayku mayqen wañusqajtapis ayllun wasi ukhumanta jawaman orqhomojtin, uj nenqa chay ukhupi purejta: Tiyanchu pipis qanwan khuska purej? Chay ujtaj nenqa: Mana; ñaupaj kajtaj nenqa: Ch'in kakuy, pajtá Señorpa sutinta oqharishawaj, nispa.

Amós 8:3

Chay p'unchaypi palaciopi takisqankoqa may llakiyman tukonqa. Ashkha runas wañonqanku, ayasninkoqa jawa ch'in laqhaman wijch'usqas kanqanku. Chaytamin nin Señorqa.

Habacuc 2:20

Chaywampis, Señorqa llimphu yupaychana wasimpi kashan: Chayrayku tukuy jallp'a ñaupaqempi ch'inlla kakuchun!

Sofonías 1:14

Señorpa jatun p'unchaynenqa qayllamushanña! Qayllapiña, usqhayllata chayamushan! Señorpa p'unchaynimpa suyaynenqa sonqo nanachej kanqa: Chay p'unchaypeqa aswan atiyniyoj kajkunapis qhaparikonqanku!

Zacarías 14:1

Jamushanña Señorpa p'unchaynenqa maypachachus Jerusalempi qankuna ukhupi puchojkunapis rak'irasqas kanqanku chaypacha.

Zacarías 2:13

Tukuy kay pachapi kajkuna ch'inyarichunku Señorpa ñaupaqempi, imaraykuchus Payqa jamun noqanchejman santo cheqamanta, maypichus tiyakun chaymanta.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

San Mateo 22:4

Ujtawan waj kamachisnintañataj kacharqa, nispa: Tukuy ima wakichisqaña, jamullachunkuña; wira uywasta, wira torosta ima ñak'achiniña. Chayrayku jamullachunkuña jatun mikhuyman.

Romanos 3:19

Yachanchej, leypa tukuy nisqanta, leypi kajkunapaj churasqa kasqanta; tukuy runa ch'inyanampaj, mundontintaj Diospa ñaupaqempi juchachasqa rikhurinampaj.

Romanos 9:20

Qanrí, runa, pitaj kanki Dioswan churanakunaykipaj? T'uru vasoqa ninmanchu ruwajninman: Imapaj ajinata ruwawarqanki, nispa?

Filipenses 4:5

Tukuy yachachunku k'acha runas kasqaykichejta. Señorqa qayllapiña kashan.

Colosenses 1:12

Jatun kusiywantaj Dios Tataman graciasta qonkichej. Payqa wakichisorqachej chayaqeta jap'inaykichejpaj, Diospa ajllasqasninwan janaj pacha k'anchaypi.

1 Samuel 16:5

Samueltaj kuticherqa: Arí, nispa. Jamushani Señorman uj rikuchikuta jaywaj. Llimphuchakuychej, noqawan khuskataj Señorman jamuychej rikuchikuta jaywaj. Chaymantataj Samuelqa Isaita wawasnintawan llimphucharqa, wajyarqataj Señorpa rikuchikunman.

1 Samuel 20:26

Chay p'unchaypi Saulqa mana imatapis nerqachu, jinapis yuyaynimpeqa nisharqa: Ichapis imapi juchallin, mana llimphuchasqa kaspa mana jamunchu, nispa.