Sofonías 1:6 - Qheshwa Biblia DC

⁶ T'unaykullasajtaj noqamanta karunchakojkunata, sutiytataj mana mask'ajkunata, nitaj jamuriwaspa tapurikuwankuchu chaykunata.

DIOSPA QHELQACHISQAN DEUTEROCANONICAL

⁶ Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

DIOSPA QHELQACHISQ

⁶ Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

Sofonías 1:6 ပူးပေါင်းရင်းမြစ်များ

2 Samuel 22:22

Noqa qhaterqani Señorniypa ñanninta; mana jayk'ajpis Diosniymanta t'aqakorqanichu!

2 Crónicas 15:13

Nillarqankutaj pichus Israelpa Señor Diosninta mana mask'ayta munajqa, wañuchisqa kananta, jatumpis, juch'uypis kachun, chayri qharipis warmipis kachun, nispa.

Salmos 10:4

Payqa wapu wapulla senqanta q'entin: Diosqa mana kanchu. Mana kanchu noqata tapuwajqa, nispa. Chayllata payqa yuyan.

Salmos 125:5

Sajra ñanta puriyta munajkunatataj Señorqa juchasapasta jina qhawachun. Israel ayllupitaj allillampuni kachun.

Salmos 36:3

Payqa khuchi simi, llullataj. Sumaj yuyayta qhesachaspa, manaña sumaj kajta ruwanchu.

Isaías 1:4

Ay, juchasapa runas, sajra kajta q'epirisqa ayllu, millay kajpa miraynin, qhenchachakoj wawas! Paykunaqa Señormanta karunchakunku, Israelpa cheqa kaj Diosninmanta t'aqakunku. Payta wasanchanku.

Isaías 43:22

Qantaj Jacobpa miraynin Israel, mana qhaparikuwarqankichu, mana chayqa noqawan amichikorqanki.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Isaías 9:13

Chay tukuywampis israelitasqa manapuni jasut'ejninkuman kutirerqankuchu, Tukuy Atiyniyoj Señortaqa manapuni mask'arqankuchu.

Jeremías 10:25

Phiñakuyniykita kachaykuy, qanta mana rejsisunkuchu chay nacionespa patanman; jinallataj pikunachus sutiykita mana oqharinkuchu chaykunaman, imaraykuchus Judá aylluta mana ujniyojta tukorqochinku, jinamanta llajtataqa raqaykunasllataña saqerparinku.

Jeremías 15:6

Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Jeremías 2:17

Chay tukuy imas qanta qhatirisorqa, noqa Señor Diosniykita saqerpariwasqaykirayku.

Jeremías 3:10

Chay tukuyta ruwaspañapis chay t'aqakuwaj Judaqa nillataj tukuy sonqowanchu noqaman kutirimuwarqa, manachayqa ch'aukiyawarqa. Noqa Señormin chayta nini.

Ezequiel 3:20

Sichus uj cheqa kaj runa cheqan kausayninta saqespa sajra imasta ruwanman, noqataj urmanampaj misk'anata paypaj churayman, juchanmanta reparachispa mana k'amisqaykirayku wañonqa. Noqataj mana yuyarisajchu allin imasta ruwasqasnintaqa, juchampi wañonqa. Chaywampis wañusqanmanta cuentata mañasqayki.

Oseas 11:7

Israel aylloyqa noqamanta karullapipuni kayta munashan. Mayta oqharerqanku pataman, ni pipis paykunata yanapanchu.

Oseas 7:10

Israelpa runaykachasqanqa paypa contrallampitaj sut'inchashan. Chaywampis paykunaqa mana kutirikorqankuchu nitaj Señor Diosninkuta mask'arqankuchu.

Oseas 7:7

Arí, tukuy paykunamanta ruphaykushanku imaynatachus uj horno kamachejkunasninta q'olaykushanman jinata. Tukuy reykunasninku urmarqanku, manañataj ni ujpis kanchu qhaparikuwajkunaqa.

Sofonías 3:2

Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.

Romanos 3:11

Entiendejqa mana pipis kanchu; Diosta mask'ajpis manallataj kanchu.

Josué 23:12

Sichus qankuna ukhupi qhepakunkuraj chay runaswan chajrukunkichej, chaykunawantaj casarankichej, paykunawan ujllaman tukuspa, paykunapis qankunawan chayqa, yachanaykichejpaj Señor Diosniykichejqa qankunawan kashan chay runasta mana qharqonqachu, manachayqa paykunata churanqa waskhata jina chaypi layk'ukuspa urmanaykichejpaj, chicoteta jina wasasniykichejpi jasut'isunaykichejpaj, khishkata jina ñawisniykichejpi t'ojsisunaykichejpaj ima, kay chhika sumaj jallp'ata Señor Diosniykichej qosusqaykichejmanta mana ujniyoj chinkanaykichejkama.