Sofonías 1:4 - Qheshwa Biblia DC

⁴ Judapi tiyakoj runaspa contrampi makiyta churamusaj, Jerusalempi tiyakoj tukuynin runaspa contrampi ima. Chinkachisajtaj kay lugarmanta Baal llulla diosta tukuy laya yupaychana kajta. Sacerdotesnimpa sutisnintawampacha chinkachisaj.

DIOSPA QHELQACHISQAN DEUTEROCANONICAL

⁴ Judá suyupi tiyakojkunaj contrankupi makiyta oqharisaj, Jerusalén llajtapi tukuy tiyakojkunaj contrankupi ima. Chaymanta Baal diosta yupaychanata chinkachisaj. Sacerdotenkunaj sutinkutapis chinkachillasajtaj.

DIOSPA QHELQACHISQ

⁴ Judá suyupi tiyakojkunaj contrankupi makiyta oqharisaj, Jerusalén llajtapi tukuy tiyakojkunaj contrankupi ima. Chaymanta Baal diosta yupaychanata chinkachisaj. Sacerdotenkunaj sutinkutapis chinkachillasajtaj.

Sofonías 1:4 ပူးပေါင်းရင်းမြစ်များ

2 Reyes 21:13

Samariaj jasut'iynintapuni Jerusalenman kachamusaj. Acabpa mirayninta junt'arqani chayllawantaj jasut'isaj, imaynatachus kharka chuwata khituraspa, mayllaspataj k'umpurparinchej ajinata ruwasaj.

2 Reyes 23:12

Ajinallatataj rey Josiasqa, Judamanta rey Acazpa wasin patapi ruphaykucherqa, altarestapis urmacherqa, Señorpa wasimpi iskaynin, patiosnimpi, Manasespa altares ruwasqasnintapis t'unaraspa Cedrón wayq'oman wijch'uchimorqa.

2 Crónicas 34:4

Ñaupaqempitaj thuñerqanku Baal lantispa altaresninta. Thuñichillarqataj patampi kasharqanku chay incienso q'osñichina altarestapis, chanta thuñichillarqankutaj Asera lantista, llajllasqa lantista, metalmanta jich'asqa karqanku chay lantistapis, chay tukuyta ñut'uman tukuchispa. Chaywan qhalliykorqa uywasta chay lantisman ñak'aspa jaywarqanku chaykunaj sepulturasninkoj patanman.

Éxodo 15:12

Paña makiykita oqharejtiykikama, jallp'a paykunata millp'uykun.

Jeremías 15:6

Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

Jeremías 6:12

Wasisninku, llank'anasninku, chanta warmisninkupis, wajkunaj makinkuman chayanqanku. Noqaqa makiyta oqaharisaj kay jallp'api tiyakojkunata jasut'inaypaj. Noqa Señormin chayta nini.

Ezequiel 25:7

Chayrayku makiyta oqharisaj qankunata jasut'inaypaj, waj llajtayojkunaj makisninmantaj jaywaykusqaykichej, paykuna tukuy kapuyniykichejta qhechusunaykichejpaj, ayllukunaj chaupinmanta orqhomuspa t'unaykusqaykichej, llajtakuna chaupimanta mana imayojta chinkasqata chinkachisqaykichej, chantá yachankichej noqa Señor kasqayta.

Ezequiel 6:14

Makiyta oqharisaj paykunata jasut'inaypaj, uray ladopi ch'in pampamanta wichaypi kaj Ribla nisqa chaykama. Tukuynejpi tiyakunku chay jallp'astaqa, ch'inmantapis aswan ch'inman tukuchisaj. Chaypacharaj rejsiwanqanku noqa Señor kasqaytaqa.

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Miqueas 5:13

Phirisaj chay lantisniykita, chay sumaj ruwasqa rumisniykitapis, amaña jayk'ajpis chaykunaman yupaychaj kutinaykipaj chay kikin makisniykej ruwasqan dioskunasniykiman.

Sofonías 2:11

Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.

Sofonías 2:13

Payqa makinta oqharenqa chimpa ladoj contranta, Asiria llajtata t'unaykunampaj. Nínive llajtatarí ch'impachata saqerparenqa, uj ch'in pampaman tukuchispa.