Sofonías 1:17 - Qheshwa Biblia DC

¹⁷ Señorqa nin: Runasta llakikuyman churasaj. Ciegos jina purenqanku, imaraykuchus noqaj contraypi juchallikorqanku. Yawarnenqa ñut'u jallp'a jina qhallasqa kanqa. Aychantaj wanu jina qollusqa kanqa.

DIOSPA QHELQACHISQAN DEUTEROCANONICAL

¹⁷ Tata Dios nin: Noqa runakunata llakiyman churasaj, paykunataj ñawsapis kankuman jina purenqanku, imaraykuchus contraypi juchallikorqanku. Yawarninkoqa jallp'a jina qhallisqa kanqa, aychankutaj wanu jina qollusqa kanqa.

DIOSPA QHELQACHISQ

¹⁷ Tata Dios nin: Noqa runakunata llakiyman churasaj, paykunataj ñawsapis kankuman jina purenqanku, imaraykuchus contraypi juchallikorqanku. Yawarninkoqa jallp'a jina qhallisqa kanqa, aychankutaj wanu jina qollusqa kanqa.

Sofonías 1:17 ပူးပေါင်းရင်းမြစ်များ

Salmos 83:10

Paykunaqa Endorpi t'unasqas karqanku, wanu jallp'amantaj tukuchisqas karqanku.

Isaías 29:10

Señorqa qankunaman uj sayk'uy puñuyta apachimusunkichej. Profetasniykichejtapis Señorqa puñurparichin, ñawisninkuman velowan jina qhataykuspa.

Isaías 50:1

Señorqa nin: Ama yuyaychejchu mamaykichej Israel aylluyta qharqosqayta, uj runa warminta wijch'un jinataqa. Chayrí, yuyankichejchu mayqen manu runayman vendeykususqayta? Qhawariychej, qankunaqa sajra juchaykichejrayku vendechikunkichej. Diospa contranta oqharikusqaykichejrayku mamaykichej Israelqa wijch'usqa karqa.

Jeremías 10:18

Imaraykuchus Señorqa nin: Kunan kutipeqa kay jallp'api tiyakojkunata karuman wijch'usaj. Ñak'ariykunasmantaj churasaj, ichachus jinamanta tariwankuman. Nación kutichin:

Jeremías 15:3

Noqa Señor nini: Noqa apachimusqaykichej tawa laya jasut'ista: Wañuchisonqachej, maqanakupi alqos qhatatasonqachej, suweq'aras mikhusonqachej, chhikachaj millay animalesataj oqoykusonqachej.

Jeremías 18:21

Kunanqa wawasninkuta yarqhaywan wañuchiy, chayri espadawan; warmisninku viudas qhepakuchunku, manaña wawasniyojtaj. Qosasninkupis onqoywan wañurachunku. Wayna wawasninkupis maqanakupi wañurachunku.

Jeremías 2:17

Chay tukuy imas qanta qhatirisorqa, noqa Señor Diosniykita saqerpariwasqaykirayku.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 4:18

Purisqasniyki, ruwasqasniykitaj, kay imaschus qhatirisunki chaytaqa apamun, juchasniykirayku kay jatun llakiykunaqa jamun, chaytaj sonqoykita mayta nanachisunki.

Jeremías 8:2

Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

Lamentaciones 1:14

Señorqa juchasniyta rikuwan, chay juchasnillaywantaj yugowan jina wataykuwan. Chaytaj manchayta llasaykuwan, kallpayta tukuchinawankama. Señorqa sajra kaykunaman jaywaykuwan, noqataj manaña atipayta atinichu.

Lamentaciones 1:18

Señorqa cheqampuni, noqarí paypa contranta oqharikorqani. Kunanqa, runakuna, tukuy qhawaychej, rikuychejtaj imaynachus nanayniy kasqanta. Llimphu sipaskunasniywan, waynakunasniywan karuman apachisqas kanku.

Lamentaciones 1:8

Jerusalenqa anchatapuni juchallikorqa. Chayrayku qharqosqa karqa. Tukuy payta sumajpaj qhawajkunaqa qhesacharqanku, q'alallata rikusqankurayku. Chaynejta kunan payqa qhepaman kutirispa jik'un jik'unta waqashan.

Lamentaciones 2:21

Kaynejpi jaqaynejpi wijch'u wijch'ulla espadawan wañuchisqas kashanku, wawas, machu runas, sipaskuna, wayna runas ima. K'ajaj phiñakuyniyki p'unchaypi wañuracherqanki, ñak'ararqankitaj mana khuyakuspa.

Ezequiel 16:38

Casarakuspaña waj qhariwan qhenchachakoj warmita jina jasut'isqayki, runa wañuchista jinataj. Phiñakuywan, tumpaywantaj wañuchichisqayki.

Ezequiel 24:7

Kay llajtaj yawar jich'asqanqa juntasqa kashan. Sumaj llusq'o rumis patapimin jich'asqa kashan, manataj jallp'a patapichu qhatasqa kanampajqa.

Ezequiel 24:8

Noqa chay yawartaqa llosq'o rumis patapi p'achanta saqesaj, ama jallp'awan chinkachisqa kanampaj. Chay jinamanta phiñakuyniyta patampi urmachimuspa, cheqanchanampa, ruwakunampaj.

Amós 4:10

Uj jasut'ita apachimorqaykichej imaynatachus Egiptoman apachimorqani jinata; saqerqani wayna runasniykichejta maqanakupi wañuchinankuta; saqerqani enemigos caballosniykichejta apakapunankuta; muskhicherqaykichejtatj wañusqaspa asnasqankuta. Qankunataj mana kutirimuwarqankichejchu. Ajinata nin Señorqa.

Miqueas 7:13

Kay pacha jallp'aqa ch'in pampaman tukuhisqa kanqa chaypi tiyakojkunaspa juchasninkurayku tukuy sajra kajta ruwasqankuman jinataj.

San Mateo 15:14

Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.

Romanos 11:25

Hermanos, kay pakasqa yachaytaqa rejsinaykichejta munani, ama yachaysapas kasqaykichejta yuyakunaykichejpaj. Wakin israelitaspa sonqon rumiyarqa gentilespa salvacionnin junt'akunankama.

Romanos 11:7

Chantá imatajri? Israelitasqa imatachus mask'asqankuta mana tarerqankuchu. Diospa ajllasqasnintaj tarerqanku. Wajkunataj sonqonkuta rumiyacherqanku.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

2 Pedro 1:9

Pejpatachus chay imas mana tiyapunchu chayqa, chay runaqa pisi ñawiyoj, nitaj rikunñachu; ñaupa juchasnin llimphuchasqa kasqanta qonqapusqanrayku.

1 Juan 2:11

Wauqenta chejnikojrí, laqhapi kashan, laqhallapitaj purishan; manataj yachanchu maymanchus rishasqanta; imaraykuchus laqhaqa ñawisninta tutayachin.

Apocalipsis 3:17

Qanqa nishanki: Qhapaj kani, allin riwarqa, manataj imapipis pisisqachu kani. Qanqa mana reparakunkichu, khuyana, mana imayoj, wajcha, mana rikoj, q'alallataj kasqaykita.