Sofonías 1:14 - Qheshwa Biblia DC

¹⁴ Señorpa jatun p'unchaynenqa qayllamushanña! Qayllapiña, usqhayllata chayamushan! Señorpa p'unchaynimpa suyaynenqa sonqo nanachej kanqa: Chay p'unchaypeqa aswan atiyniyoj kajkunapis qhaparikonqanku!

DIOSPA QHELQACHISQAN DEUTEROCANONICAL

¹⁴ Tata Diospa jatun p'unchaynin qayllamushanña. Qayllapiña kashan, usqhayllatataj jamushan. Tata Diospa p'unchaynenqa waqana p'unchay kanqa. Chay p'unchaypi aswan wapu kajkunapis mancharispa qhaparenqanku.

DIOSPA QHELQACHISQ

¹⁴ Tata Diospa jatun p'unchaynin qayllamushanña. Qayllapiña kashan, usqhayllatataj jamushan. Tata Diospa p'unchaynenqa waqana p'unchay kanqa. Chay p'unchaypi aswan wapu kajkunapis mancharispa qhaparenqanku.

Sofonías 1:14 ပူးပေါင်းရင်းမြစ်များ

Isaías 15:4

Hesbonwan, Elealewampis maytapuni qhaparenqanku, chay jinata qhaparisqankoqa Jahazakama uyarikonqa. Chayrayku Moabmanta soldadospis, maytapuni tukuy almankuwan sapa ujninku mancharikonqanku.

Isaías 33:7

Uyariychej imaynatachus wapus kajkunaqa callespi qhaparisqankuta. Uyariychejtaj allinyakunapaj chay kachasqaspis sonqo nanayta waqasqankuta.

Isaías 66:6

Imaynatachus llajta manchayta qhaparin, Diosta yupaychana wasipipis manchay qhapariy uyarikun, ajinata Señorqa qhaparichenqa enemigosninman aynita kutichispa.

Isaías 8:22

Jallp'ata qhawarispataj rikonqanku llakiyta, laqhayayta, laqhapachata, may waqaytataj, laqha ukhupitaj rikhurenqanku.

Jeremías 25:36

Chay michejkunaqa qhaparinku; nanaywan qhaparenqanku aylluyta pusajkunaqa, imaraykuchus Señormin pastosninkutaqa ch'akirparichin.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Jeremías 46:5

Jinapis imatataj rikuniri? May mancharikuywan kutiripunku. Maqanakojkunasninkoqa atipasqas kaspa ch'eqeranku, usqhay usqhaytataj ayqerapunku qhepaman qhawarikuspa. Tukuynejpi mancharikuylla tiyan. Noqa Señor chayta nini.

Jeremías 48:41

Llajtas chantá pakakuna wasispis urmanqanku enemigospa makisninman. Chay p'unchaypi Moabpa maqanakojkunasnin kharkatenqanku, imaynatachus onqokoj warmi nanaywan kharkatin ajinata.

Ezequiel 12:23

Paykunaman niy ari: Señorqa nin ama chay nisqaqa ujtawampis Israelpi parlachunchu. Nillaytaj paykunaman, profetaman mosqoypi jina rikhurisqan junt'akunampaj p'unchayqa qayllamushanña.

Ezequiel 30:3

Chay p'unchayqa qayllamushanña. Qayllapiñapuni Señorpa p'unchaynenqa kashan! Phuyusniyoj p'unchay kanqa. Llajtakunapaj chay p'unchayqa uj jasut'i jina kanqa!

Ezequiel 7:12

Tiempoqa chayamunña, p'unchaytaj qayllapiña. Qhatupi vendejqa ama kusikuchunchu. Rantikojpis ama phutikuchunchu. Israelpa runaykachayninta phiñakuywan jasut'isaj.

Ezequiel 7:16

Tukuy atipajkunataj lomas pataman mancharisqa palomas jina ayqenqanku, chay tukuywampis juchankuraykoqa wañonqankupuni.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Joel 2:1

Sión orqopi putututa waqachiychej. Señorpata kaj llimphu orqompi sinch'ita putututa waqarichiychej. Judá llajtapi tiyakoj runas tukuyniykichej kharkatitiychej. Imaraykuchus, Señorpa p'unchaynenqa qayllapiña kashan.

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Joel 2:31

Inteqa laqhaman tukonqa. Killataj yawarman jina tukonqa. Chay p'unchayqa mayta mancharinapaj jina Señorpa jatun p'unchay kanqa.

Joel 3:14

Decidikuna Vallepeqa, manchay ashkhapuni kashanku. Señorpa p'unchaynenqa qayllamushanña.

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Amós 8:2

Paytaj tapuwarqa: Amós, imatá rikunki. Kuticherqanitaj: Uj poqosqa frutayoj canastata rikuni, nispa. Señortaj niwarqa: Israel aylluypa jasut'iynin chayamunña, manaña ujtawampis juchasninta pampachasajchu.

Sofonías 1:10

Señorqa kay jinata nin: Jaqay p'unchaypi runas mañakonqanku yanapariway nispa, chay qhapariytaj challwas punkumantapacha uyarikonqa. Qhepa kaj llajtamantapacha runas qhaparikonqanku, orqosmantapacha jallp'a suchuykuna kanqa jatun sonaywan.

Sofonías 1:7

Ch'in kaychej Señorpa ñaupaqempi. Señorpa p'unchaynenqa qayllamushanña! Señor wakichin uj jaywanata, wajyasqasnintataj llimphuchanña!

Malaquías 4:5

Elías profetata kachamusqaykichej, Señorpa p'unchaynin manaraj chayamushajtin, mayqenchus uj jatun p'unchay kanqa, ancha manchachikunataj.

Hechos 2:20

Inti laqhayaykonqa, killataj yawar jina pukayaykonqa, manaraj Señorninchej Jesucristoj jatun p'unchaynin k'ancharispa rikhurimushajtin.

Filipenses 4:5

Tukuy yachachunku k'acha runas kasqaykichejta. Señorqa qayllapiña kashan.

1 Tesalonicenses 4:16

Kikin Señorpuni kamachej qhapariywan, arcangelpa qhaparisqanwan, Diospa pututunwantaj janaj pachamanta uraykamonqa, Cristopi wañojkunataj ñaupajta kausarimonqanku.

Hebreos 12:26

Chaypacha paypa qhapariynenqa jallp'ata kuyuricherqa. Kunanqa willamullantaj: Uj kutitawan kuyuchisaj, mana jallp'allatachu, manachayqa janaj pachatawan.

Santiago 5:9

Hermanosníy, ama ujkuna ujkunawan quejanakuychejchu juchachasqas kanaykichejpaj; juezqa punkullapiña kashan.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.