Santiago 5:3 - Qheshwa Biblia DC

³ Qoriykichej, qolqeykichejpis qorwariyasqas kashanku. Chay qorwariyasqastaj qankunaj contraykichejpi kashan, ninawan jinataj ruphaykonqa tukuy aychaykichejta. Qhapaj kayniykichejta tantarqankichej qhepa p'unchaykunapaj.

DIOSPA QHELQACHISQAN DEUTEROCANONICAL

³ Qoriykichej, qolqeykichejpis qorwariyasqa kashanku, chay qorwariyasqataj juicio p'unchaypi qankunaj contraykichejpi sayanqa, nina jinataj ruphaykusonqachej. Kay tiempo tukukapunanpajña kashajtinpis, qankuna qhapaj kapuyniykichejta tantashallankichejrajpuni.

DIOSPA QHELQACHISQ

³ Qoriykichej, qolqeykichejpis qorwariyasqa kashanku, chay qorwariyasqataj juicio p'unchaypi qankunaj contraykichejpi sayanqa, nina jinataj ruphaykusonqachej. Kay tiempo tukukapunanpajña kashajtinpis, qankuna qhapaj kapuyniykichejta tantashallankichejrajpuni.

Quechua South Bolivia: Dios Parlapawanchej

³ Koriyquichejpis kolkeyquichejpis carcumiskasña cashancu. Chay capuyniyquichejwan mana allinta ruwaskayquichejraycu contrayquichejta uyanchasonkachej. Imaynatachus carcumi tucuchin kolketa ajinallatataj munapayaskayquichej ninajina aycha cuerpoyquichejta tucuchenka. Mana allintachu khapaj capuyniyquichejta jallch'arkanquichej cunan juchachana p'unchaypaj.

Santiago 5:3 ပူးပေါင်းရင်းမြစ်များ

Génesis 31:48

Chaymantataj Labanqa nerqa: Kunan, kay rumi qotoqa kanqa uj señal, iskayninchej tratota allinyakuspa kaypi ruwasqanchejta yachanankupaj. Chayrayku kay cheqaj sutenqa Galaad.

Génesis 31:52

Kay rumis qontu, kay rumi chuku sayachisqaqa kanqa uj señal ni qan, nitaj noqa pasanakunanchejpaj kay mojonta ama imata ruwanakunanchejpaj.

Génesis 49:1

Jacobqa tukuynin wawasninta wajyachispa nerqa: Qayllamuwaychej wawasníy, noqaqa nisqaykichej imaschus qankunapaj qhepaman kananta.

Job 16:8

Qan k'usu p'achata saqeranki, rajchi kasqay chaytaqa sut'inchashan; chay tulluyasqaytaj noqaj contraypi oqharikun.

Isaías 2:2

Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

Jeremías 19:9

Saqellasaj runas kikin qhari wawasninkuta, jinataj warmi wawasninkutapis mikhuykunankuta. Purajmanta mikhunakunankutapis, chay wañuchej enemigosninku llajtata muyuykojtinku, mana aguantayta atisqankurayku.

Miqueas 3:3

Aylluytaqa kausashajllata mikhuykunkichej; qaranta orqhonkichej, tullusnintapis t'unankichej; mankaman churaykunapaj aychata jina ruwankichej.

Miqueas 4:1

Jaqay qhepa kaj p'unchaykunapeqa, Señorpa yupaychana wasin maypichus qhepakun chay orqoqa churasqa qhepakonqa aswan jatun kaj orqo, tukuy orqosmanta aswan jatumpuni kanqa, tukuy llajtas kajkunataj chayman jamonqanku.

Hechos 2:17

Dios nin imaschus qhepa p'unchaykunapi kananmanta. Tukuy runakunaman Espirituyta chayachisaj. Churisniykichejtaj, ususisniykichej pis Diospa sutimpi parlanqanku. Waynakunataj mosqoypi jina rikonqanku. Machu runasniykichejtaj mosqoykunata mosqoykonqanku.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

2 Timoteo 2:17

Palabrankoqa wajkunaman sarna jina chimpan; chaykunamanta kanku Himeneo, Filetowan.

Josué 24:27

Chaymantataj israelitasman nerqa: Kay rumeqa uj señal kanqa, Señorninchej kay tukuy imasta niwasqanchejmanta. Chantapis testigo jina kanqa qankunaj contraykichejpi, ama Señor Diosniykichejta ch'aukiyanaykichejpaj.

2 Pedro 3:3

Ñaupajta kayta yachachiychej, qhepa p'unchaykunapi kay imasta asipayajkuna jamonqanku, aychankoj munayninman jina purispa.

Apocalipsis 17:16

Chay chunka wajras, phiña animalpi rikorqanki chaykuna, qhenchachakoj warmita chejnenqanku, sapanta q'alallata saqerpayanqanku, aychantataj mikhonqanku, ninawantaj ruphachenqanku.

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.