Proverbios 8:14 - Qheshwa Biblia DC

¹⁴ Noqapi kashan yuyaychaywan, ruwaywanqa. Noqa kani yuyay, kallpataj.

DIOSPA QHELQACHISQAN DEUTEROCANONICAL

¹⁴ Yuyaychay, yuyayniyoj kaywan ima noqajta kanku. Jinallataj yachayniyoj kay, atiypis noqajllatataj.

DIOSPA QHELQACHISQ

¹⁴ Yuyaychay, yuyayniyoj kaywan ima noqajta kanku. Jinallataj yachayniyoj kay, atiypis noqajllatataj.

Proverbios 8:14 ပူးပေါင်းရင်းမြစ်များ

Job 12:13

Diosqa yachayniyoj atiyniyojtaj, pay yachan imaynatachus sumaj yachaywan imastapis wakichisqanta.

Proverbios 1:25

Imatachus yuyaychasqasniyta qhesachawankichej, imatachus k'amisqasniyta mana uyariwankichejchu.

Proverbios 18:1

Imatapis payllapaj munaj runaqa, imatachus mask'asqasnin junt'akunallanta munan; imachus allin kashan chaytaqa pantachillampuni.

Proverbios 19:20

Yuyaychasqataqa uyariy, k'amisqatapis jap'ikuy; ajinamanta chayanki sumaj yachayniyoj kayman.

Proverbios 24:5

Yachayniyoj runaqa astawan valen kallpayojmanta nisqaqa, yachayqa atipan atiytapis.

Proverbios 3:21

Wawáy, leyta yuyaychaytawanqa sumajta waqaychay; kay imasqa ñawisniykimanta ama t'aqakuchunchu.

Eclesiastés 7:19

Yachayqa yachayniyoj runata astawan kallpachan, uj llajtapi chunka kamachejkunamanta astawanraj.

Isaías 28:29

Kay jinasta ruwanaqa Tukuy Atiyniyoj Señormanta llojsimun, pay yuyaychaynenqa t'ukunapaj, yachaynintaj jatun.

Isaías 40:14

Pitaj Señorta imatapis yachanampaj tapukunri? Pitaj payman imatapis cheqanta ruwanampaj yachachinri? Pitaj payman ima yachaykunasmantapis yachachinri? Pitaj payman yuyaychan chay jina yuyayniyojpuni kanantari?

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Jeremías 32:19

Qan may jatun kanki ruwasqasniykipi. Qan rikunki runaspa tukuy ruwasqasninkuta, chay ruwasqasninkuman jinataj qan qopunki.

San Juan 1:9

Cheqa k'anchayqa, kay pachapi tukuy runasman k'anchanampaj jamorqa.

Romanos 1:22

Yachaysapasman tukuspa wampuyarqanku.

1 Corintios 1:24

Diospa wajyasqasnimpajtaj, judiospis, griegospis kachun, Cristoqa Diospa atiynin, yachaynintaj.

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

Colosenses 2:3

Cristopi yachaypa, yuyaypatawan qhapaj kaynin pakasqa kashan.