Proverbios 5:22 - Qheshwa Biblia DC

²² Sajra runataqa kikin sajra ruwasqallantaj qhatiykachan, kikin juchallantaj waskha jina jap'iykun.

DIOSPA QHELQACHISQAN DEUTEROCANONICAL

²² Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

DIOSPA QHELQACHISQ

²² Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Proverbios 5:22 ပူးပေါင်းရင်းမြစ်များ

1 Reyes 18:18

Paytaj kuticherqa: Mana noqachu Israeltaqa musphachini, aswampis qanwan tataykej ayllunwan ima musphachishankichej Señorpa kamachisqasninta saqerpayaspa, baalestataj yupaychaspa.

Ester (hebreo) 9:25

Estertaj reypaman rejtin, reyqa uj cartata qelqaspa apacherqa, Amampa tukuy sajrata judiospaj yuyasqasnenqa payllamantaj urmananta, ajinamanta paywan wawasninwanqa sipinapi warkhusqas karqanku.

Job 18:8

Chakisninman uj ch'ipa churasqa kanqa, chay ch'ipa patata maniyakuspa purenqa.

Salmos 40:12

Chay chhika llakiykuna qhatiriwan. Willakunaypaj ni yupaytapis atinichu, sajra ruwasqasniy ch'ipaykuspa urmachiwanku. Niña qhawaytapis atiniñachu. Juchasneyqa chujchasniymantapis aswan jatun. Chaytaj kallpayta wañuchin.

Salmos 9:15

Diospi mana creejkunaqa jusk'u allasqallankupitaj urmanku. Ch'ipasta pakasqallankupitaj chakisninkupis jap'ichikunku.

Salmos 9:17

Sajra runaswan Diospi mana creejkunawan, wañusqaspaman riponqanku, Diosmanta qonqapusqankurayku.

Proverbios 1:18

Chay runasqa misk'anata paykunallapajtaj churakunku, kausayninkuta chinkachinallankupajtaj chay imasta ruwanku.

Proverbios 11:3

Cheqanta purej runataqa cheqan kaynin pusaykachan; llulla runastarí mana allin kayninku chinkachin.

Proverbios 11:5

Cheqanta ruwayqa cheqan runaj ñanninta cheqanchanqa; sajra runarí mana allinta purisqallampitaj misk'anqa.

Proverbios 11:6

Cheqan runastaqa cheqanta ruwasqallankutaj libran; juchasapastarí, juchallankutaj ch'ipaykun.

Proverbios 12:14

Sapa uj jap'inku parlasqankuman jina; ruwasqankuman jinataj t'inkataqa jap'enqanku.

Proverbios 14:32

Juchasapataqa sajra ruwasqallantaj urmachin; allin runatarí cheqan kaynin jark'an.

Proverbios 18:7

Wampoj palabrasnenqa pay kikin urmanallampajtaj kashan, palabrasnillantaj ch'ipaykun.

Proverbios 24:12

Sichus qan niwaj mana yachasqaykita chayqa, pichus sonqoykita rikojqa yachanqapuni, chay qhawasojniykeqa allinta yachanqa. Chay qhawajqa sapa ujman ruwasqanman jina qoponqa.

Proverbios 26:27

Jusk'uta allajqa chayllamantaj urmaykun; jatun rumita tanqajqa, chayllawantaj p'altachikonqa.

Eclesiastés 7:26

Noqa rikuni warmeqa wañuymantapis aswan mana allin kasqanta: Uj warmej sonqonta uj lazo jina, ch'ipa jinataj, makisnimpis jap'ispa mana kacharinchu. Diosta munakoj runaqa chay warmimanta ayqekonqa; uj juchasapa runarí chay warmiwampuni jap'ichikonqa.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Lamentaciones 1:14

Señorqa juchasniyta rikuwan, chay juchasnillaywantaj yugowan jina wataykuwan. Chaytaj manchayta llasaykuwan, kallpayta tukuchinawankama. Señorqa sajra kaykunaman jaywaykuwan, noqataj manaña atipayta atinichu.

Abdías 1:15

Wajkunata chay kikin ruwasqasniyki jinallatataj qanwampis ruwakonqa. Chay ruwasqasniykiman jina jap'ikapunki! Qallapiñamin kashan tukuy nacionespaj Señorpa p'unchaynenqa.

Números 32:23

Sichus mana ajinata nisqaykichejman jinachu ruwankichej chayqa, uj jatun juchata ruwankichej Señorpa contranta, Señorpa jasut'iynintaj ima ratollapis chayamusonqachej chay juchasniykichejrayku.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

Jueces 20:41

Chaypacha israelitasqa maqanakoj churakorqanku, Benjaminmanta kajkunataj q'ewayayta qallarerqanku llajtankuwan chay llakiy qhatirishasqanmanta.

Jueces 9:57

Ajinallatataj Diosqa Siquem llajtapi kaj runaswan pagachikorqa tukuy sajrata ruwasqankumanta. Jinamanta junt'akorqa paykunapi Jerobaalpa wawan Jotampa maldicisqanqa.