Proverbios 27:8 - Qheshwa Biblia DC

⁸ Uj p'isqoqa thapanmanta karupi purimun; ajinallataj maypichus nacesqanmanta karupi purimoj runaqa.

DIOSPA QHELQACHISQAN DEUTEROCANONICAL

⁸ Imaynatachus p'isqo thapanmanta karupi phawaykachamun, ajinallataj ayllunmanta karupi purimoj runaqa.

DIOSPA QHELQACHISQ

⁸ Imaynatachus p'isqo thapanmanta karupi phawaykachamun, ajinallataj ayllunmanta karupi purimoj runaqa.

Proverbios 27:8 ပူးပေါင်းရင်းမြစ်များ

Génesis 21:14

Q'ayantin tutamanta Abrahamqa Agarpaj wakichiporqa, jaywarqataj t'antata, uj qara botaspi yakutawan. Jinaspataj Agarman wawan Ismaelta q'epiriykucherqa, kacharpayarqataj iskayninkuta. Chaymanta Agarqa riporqa mana yachaspa maymanchus rinanta, Beerseba ch'in pampaman chayanankama.

Génesis 4:16

Caenqa Señormanta t'aqakuspa riporqa. Tiyakorqataj Nod jallp'api, Edenmanta inti llojsimuyninnejpi.

1 Reyes 11:22

Faraontaj kuticherqa: Imarayku? Imataj noqajpi mana kasqachu jallp'aykiman ripunaykipaj? Paytaj nerqa: Mana imapis; chay tukuywampis mañakuyki ripojta saqenawaykita.

1 Reyes 19:9

Chaypitaj uj chhanka jusk'uman yaykorqa, chaypitaj chay tutaqa puñorqa. Señorpa palabrantaj payman jamorqa: Elías, imata kaypi ruwashankiri?, nispa.

Proverbios 21:16

Yachay ñanmanta t'aqakoj runaqa, wañusqaswan khuska sayaj renqa.

Proverbios 26:2

Uj chinkasqa phichitanka phawaykachallan, chayri para p'isqopis mana thapayoj phawaykachallan; ajinallataj mana jasut'ichikunapis mana jucha kajtenqa, ni jayk'aj chayamonqachu.

Proverbios 27:7

Pichus sajsasqa kajqa misk'itapis qhesachan; yarqhasqa runarí, k'arkutapis misk'ejta mikhuykun.

Isaías 16:2

Moabpi tiyakojkunaqa Arnón mayu cantopi, mancharichisqas thapanmanta ayqekoj p'isqos jina kashanku.

Jonás 1:3

Jonastaj kasunantaqa, Señorpa ñaupaqenmanta ayqeyta munarqa, jinataj Jonasqa mar qocha cantopi Jopeman ayqerqa. Chaypitaj uj buqueta Tarsisman puririshajtaña taripasqa. Usqhayta pasajeta rantikuspataj wichariytawan riporqa.

1 Corintios 7:20

Sapa uj imayna kausaypichus wajyasqa karqa, chaypi qhepakuchun.

Judas 1:13

Phiñarisqa mar qochaj yakusnin, paykunaqa kikin p'enqayninkuta phosoqonku, ch'eqerasqa purej qoyllurkuna, pikunapajchus laqhayaypa tutayaynin wiñaypaj waqaychasqa kashan.

1 Samuel 22:5

Chaypacha profeta Gadqa Davidta yuyaycharqa: Amaña qhepakuychu chay chhanka jusk'upi. Puririy, ripuytaj Judá jallp'aman. Ajinamanta Davidqa riporqa, chayarqataj Haret nisqa monteman.