Proverbios 27:23 - Qheshwa Biblia DC

²³ Ovejasniykita sumajta qhaway; ovejasniykita allintapuni michiy.

DIOSPA QHELQACHISQAN DEUTEROCANONICAL

²³ Ovejaykikuna imaynachus kasqankuta allinta qhaway. Uywaykikunataqa allinta michiy,

DIOSPA QHELQACHISQ

²³ Ovejaykikuna imaynachus kasqankuta allinta qhaway. Uywaykikunataqa allinta michiy,

Proverbios 27:23 ပူးပေါင်းရင်းမြစ်များ

Génesis 33:13

Jacobtaj nerqa: Munasqa wauqéy, yachanki jina wawasniy pisisllaraj kanku, chantapis ovejasniy, wakasniy juch'uy uñasniyoj kanku, sayk'uspa uj p'unchayllachari wañurankuman.

2 Crónicas 26:10

Oqharillarqataj torresta, ch'in pampanejpi, allarqataj ashkha pozosta. Ashkha uywasniyoj kasqanrayku chay ura pampasnimpi, jinataj orqosnejpipis. Campospi llank'aj runasnimpis kallarqankutaj, uvas sach'asniyoj huertasnimpi chay orqosnejpi, pampasnejpi huertasnimpipis, imaraykuchus payqa chajra sonqo karqa.

Éxodo 7:23

Faraonqa chaymanta kutispa wasinman riporqa, chaytapis manapuni kasuta ruwaspa.

Proverbios 24:27

Jawapi imachus ruwanasniykitaraj allinta ruway, campopi ruwanasniykitapis ruwamuy; chaymantaraj wasiykita ruwakunki.

Proverbios 24:32

Chayta rikuspa umayman churakorqani; chayta qhawarispa kayta yachakorqani:

Jeremías 31:10

Naciones Señorpa palabranta uyariychej, mar qochaj karu cantosnimpi willaramuychej, nimuychejtaj: Señorqa Israel ayllunta ch'eqeracherqa. Jinapis tantaykamonqa, waqaychanqataj imaynatachus uj michejqa ovejasninta waqaychan ajinata.

Ezequiel 34:12

Imaynatachus uj michejqa ch'eqerasqa ovejasnin chaupipi rikhurispa rejsirakapun, ajinata noqapis ovejasniyta rejsirakapusaj. Mayqen cheqamanchus phuyusqa p'unchaypi ch'eqerakaporqanku chaykunamanta tarikampusaj.

Ezequiel 34:31

Qankunaqa ovejasniy kankichej, sumaj pastosniyoj jallp'api kaj tropa ovejasniy. Noqataj Diosniykichej kani, nin Señorqa.

San Juan 10:3

Kancha punkuta qhawajtaj paypaj punkuta kicharin. Ovejastaj michejpa vozninta rejsinku; paytaj sutisninmanta wajyaspa kanchamanta orqhon.

Deuteronomio 32:46

Chaymantataj Moisesqa israelitasman nerqa: Kay tukuy nisqasniyta allinta sonqoykichejpi unanchaychej, kunan nishaykichej chaymanta. Ajinamanta mirayniykichejta kamachinaykichejpaj, tukuy kay leyta waqaychanankuta, junt'anankuta ima.

1 Pedro 5:2

Qankuna ukhupi kashanku, chay Diospa t'aqa ovejasninta michiychej, allinta paykunata qhawaspa, ama kamachisqas jinachu, astawanqa munayniykichejman jina; nitaj qolqeta mask'aspachu; manachayqa ancha munakuywan; chay churasqas kashanku qhawanaykichejpaj; ama qankunajtapis kanman jinachu kamachiychej, astawanqa, ovejas qankunamanta yachakunankupaj jina allinta puriychej.

1 Samuel 17:28

Eliabqa Davidpa kuraj kaj wauqenqa phiñarikorqa chay waj soldadoswan parlasqanta uyarispa, nerqataj: Imamantaj kayman jamorqankiri? Pimantaj chay pisi ovejasta ch'in pampapi saqerqankiri? Noqa rejsiyki wapuykachajpuni kasqaykita, sajra yuyasqasniykitapis. Qanqa jamorqanki maqanakuta qhawakunaykiraykulla, nispa.