Proverbios 22:7 - Qheshwa Biblia DC

⁷ Wajcha runataqa qhapaj runa kamachin; manukojkuna ukhupitaj, pichus manoj runa, kamachin.

DIOSPA QHELQACHISQAN DEUTEROCANONICAL

⁷ Qhapajkunaqa wajchakunata kamachinku, manukojkunataj pichus manurejpa wata runan kanku.

DIOSPA QHELQACHISQ

⁷ Qhapajkunaqa wajchakunata kamachinku, manukojkunataj pichus manurejpa wata runan kanku.

Proverbios 22:7 ပူးပေါင်းရင်းမြစ်များ

2 Reyes 4:1

Ujnin kaj profetaspa warmintaj, Eliseoman qhaparispa willakorqa: Kamachiyki qosayqa wañupun; yachanki jina payqa Señorta allinta yupaychaj. Manuwarqayku chay runataj jamuspa, iskaynin wawasniyta apakapuyta munan kamachisnin kanampaj.

Proverbios 14:31

Wajcha runasta ñak'arichejqa, ruwajnimpa contranta juchallin. Wajcha runasta khuyakojrí ruwajnin Señorta jatunchan.

Proverbios 18:23

Wajcha runaqa khuyakuyta mañakuspa parlakun; qhapaj runarí wapu waputa parlan.

Proverbios 22:16

Pichus qhapajyananrayku wajchasmanta sojsojqa, chayri qhapajman qojqa wajchayaypi tukukonqa.

Proverbios 22:22

Ama wajchamantaqa qhechuychu wajchu kasqanraykoqa, juezkunaj ñaupaqempipis amaña k'umuykachachiychu.

Isaías 24:2

Chay jinaqa tukuypaj kanqa llajtapi tiyakojkunapaj, sacerdotepaj, kamachipaj, patrompaj, warmi kamachipaj, patronapaj, rantikojpaj; jinataj vendejpaj, qolqeta manojpaj, manukojpajwan, reditoyojta manojpaj, reditoyojta manukojpajwan.

Amós 2:6

Ajinata nin Señorqa: Israelitasqa ashkha sajra imasta ruwaspa juchallikunku; chayrayku paykunata jasut'isajpuni, paykunaqa mana juchayoj qolqerayku vendenku; wajcha runastataj ujut'asrayku vendenku.

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

Amós 8:4

Uyariychej kayta: Qankunaqa llamp'u sonqoyojkunamanta ch'irwashankichej, chay jallp'aspi wajcha runastataj mana allimpi rikhurichinkichej.

Amós 8:6

Ajinamanta wajchasta ñak'arichisunchej, paykuna kikinku vendekunawanchejkama wata runas jina, manusninkuta junt'anankukama, uj churakuy ujut'asta manuchakusqallankumanta. Chaypachataj vendesunchej mana allin kaj trigota.

San Mateo 18:25

Mana imaynapi manunta junt'ayta atejtintaj, rey kamacherqa pay vendesqa kananta, chantá, warmin, wawasnin, tukuy imasninwan; ajinamanta manunta junt'anampaj.

Santiago 2:6

Qankunaqa wajchata p'enqacherqankichej, manachu qhapajkunaqa atiyninkuwan llank'achisorqachej, llakichisorqachej? Manachu paykunallataj juecespaman qhatatisorqachej?

Santiago 5:1

Kunanqa, qhapajkuna, waqaychej ari, qhapariychej qankunaman llakiykuna jamunanmanta.

Santiago 5:4

Qankunataj mana pagarqankichejchu, chajraykichejpi llank'ajkunaman cosechata oqharispa, ch'aukiyasqas kasqankurayku. Chay cosechata oqharejkunataj qhaparishanku contraykichejpi; chaytaj atiyniyoj Señorpa ningrinman chayan.