Proverbios 16:6 - Qheshwa Biblia DC

⁶ Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

DIOSPA QHELQACHISQAN DEUTEROCANONICAL

⁶ Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

DIOSPA QHELQACHISQ

⁶ Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Proverbios 16:6 ပူးပေါင်းရင်းမြစ်များ

Génesis 20:11

Chanta Abraham kuticherqa: Noqa yuyarqani qankuna Diosta mana manchachikusqaykichejta, jinamanta warmiyrayku wañuchinawaykichejta.

Nehemías 5:15

Noqamanta aswan ñaupaj kaj kamachejkunaqa tukuy aylluta llakicherqanku. Paykunaqa tawa chunka qolqesta sapa día pagachikoj kanku mikhunankupaj jinataj vinopajpis. Paykunata, ayllumanta kajkuna yanapajkunasninkuta munasqankuman jina llakiyta ruwaj kanku. Noqarí mana chayta ruwarqanichu Diosta manchachikusqayrayku.

Nehemías 5:9

Noqataj chaypi nerqani: Imatachus ruwashankichej chayqa mana walejchu kashan. Qankunaqa Diosninchejta manchachikunaykichej karqa. Ajinamanta chay enemigosninchej Diosta mana manchachikojkuna ama asipayanawanchejpaj.

Job 28:28

Diosqa runaman nerqa: Señorpa kamachisqallanta ruwanki. Chaymin yachayqa. Sajramanta t'aqakunki. Chaymin sumaj yuyayniyoj kayqa.

Salmos 85:10

Munakuywan cheqa kajwan tinkonqanku, cheqan kaywan, sonqo tiyasqa kaywan ujchakonqanku.

Éxodo 1:17

Onqochej warmistaj Diosta manchachikuspa Egipto reypa nisqanta mana kasorqankuchu, saqellarqanku qhari wawas kausajta.

Éxodo 20:20

Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

Proverbios 14:16

Yachayniyojqa manchachikun, sajramantataj t'aqakun; wampurí may kasqanta yuyakun, chay imaspitaj atienekun.

Proverbios 14:2

Cheqanta purejqa Señorta jatunchan, mana allinta purejrí qhesachan.

Proverbios 14:27

Señorta jatunchayqa kausaypa juturin, wañuypa tojllanmanta orqhon.

Proverbios 16:5

Señorqa runaykachajkunata millachikun; jasut'isqapuni kanqanku.

Proverbios 20:28

Reyqa kamachinanmanta mana orqhosqachu kanqa, munakuywanchus, cheqantatajchus ruwan chayqa.

Proverbios 3:3

Munakuymanta, cheqa kajmantawanqa ama jayk'ajpis t'aqakunkichu; qanqa chaykunata apaykachay uj walqapis kanman jinata, sonqoykipitaj sumaj qelqasqa kachun;

Proverbios 3:7

Ama may yachayniyoj kasqaykita yuyakuychu. Señorta manchachikuy, sajra kajmantataj t'aqakuy.

Proverbios 8:13

Señorta manchachikoyqa sajra kajta qhesachaymin. Jatunchakuyta, runaykachayta, sajra ñanta, llullastawan, noqaqa chejnini.

Daniel (hebreo) 4:24

Kayqa niyta munan, reyníy, contraykipi patapi kaj Dios kay jasut'ita wakichisqanta.

Daniel (hebreo) 4:27

Chayrayku, kay nisusqayta kasuway: Rey kayniykipi cheqanta ruway, amataj aswan juchalliychu. Sajra kausayniykita saqespa, pisipachikoj wajcha runakunata yanapay. Ichapis ajinamantaqa kausakunki mana ima llakiyniyoj, tukuy imapipis allillan risonqa aswan unaykamataj.

Levítico 25:17

Ni pipis ch'aukiyachunchu ni mayqen runa masintapis. Sapa ujpis Diosniykichejta manchachikuychej. Noqamin qankunaj Señor Diosniykichejqa kani.

San Lucas 11:41

Kapuyniykichejmanta wajchasman qoychej. Tukuy imaykichejtaj llimphu kanqa.

San Juan 15:2

Tukuy rama noqapi kashaspa, mana poqonmanchu chayqa, Dios Tata k'utonqa. Poqoyta apaj ramatataj llimphuchanqa, astawan poqoyta apanampaj.

Hechos 15:9

Diosqa gentilesta munakun, noqanchejta jinallataj. Paykunaj sonqosninkutapis juchamanta llimphuchan creesqankurayku.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

Efesios 5:21

Cristota manchachikuspa purajmanta kasunakuychej.

Deuteronomio 30:13

Manataj mar qhochaj wasampichu kashan runas ninankupaj: Pitaj mar qochata chimpapuwasun apampunawanchejpaj, rejsichinawanchejpaj, chayman jina ruwananchejpajtaj?, nispa.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.