Proverbios 14:2 - Qheshwa Biblia DC

² Cheqanta purejqa Señorta jatunchan, mana allinta purejrí qhesachan.

DIOSPA QHELQACHISQAN DEUTEROCANONICAL

² Cheqanta kawsajqa Tata Diosta may jatunpaj qhawan. Mana allinta kawsajrí Tata Diosta pisipaj qhawan.

DIOSPA QHELQACHISQ

² Cheqanta kawsajqa Tata Diosta may jatunpaj qhawan. Mana allinta kawsajrí Tata Diosta pisipaj qhawan.

Proverbios 14:2 ပူးပေါင်းရင်းမြစ်များ

1 Reyes 3:6

Chanta Salomonqa nerqa: Qanqa khuyarqanki jatun khuyakuyniykiwan tatay David kamachiykita, imaraykuchus payqa purerqa qampa ñaupaqeykipi cheqanta, cheqa kaypi, cheqan sonqowantaj, qantaj mayta khuyakorqanki, uj wawatapis qorqanki tronompi tiyakunampaj, imaynachus kunan p'unchay kashan jina.

2 Reyes 17:34

Unay ruwaj kanku jinata ruwashallankupuni kunankamapis. Señorta mana yupaychankuchu, nitaj waqaychankuchu nisqasninta, kamachisqasninta, nitaj leyesninman jinachu, nitaj yachachisqasninman jinachu. Chaykunata Señorqa Jacobpa mirayninman qoporqa; paytataj Israel nispa suticharqa.

Job 1:1

Uz jallp'api uj runa Job sutiyoj tiyakorqa. Payqa sumaj cheqan karqa, Diostaqa tukuy imapi sumajta kasoj, sajramantataj karunchakoj.

Job 12:4

Noqaqa mana juchayojchu, nitaj k'aminachu kani; ñaupaj tiempospi Diosqa mañakusqasniyta uyariwaj; kunantaj kausaqesneyqa asikuwanku.

Job 28:28

Diosqa runaman nerqa: Señorpa kamachisqallanta ruwanki. Chaymin yachayqa. Sajramanta t'aqakunki. Chaymin sumaj yuyayniyoj kayqa.

Salmos 112:1

Señorqa yupaychasqa kachun! Kusikuyniyojmin Señorta kasukoj runaqa, kamachisqasnintataj kasukojqa.

Salmos 25:21

Allin kajniywan, cheqan kajniywan, waqaychawachunku, imaraykuchus qampi suyani Señor.

Proverbios 11:12

Uj wampu runaqa runa masimpaj sajrata riman; uj yuyayniyoj runarí ch'inlla kakun.

Proverbios 16:17

Cheqanta purejkunaj ñannenqa sajra ñanmanta t'aqakun; cheqanta purejqa pay kikinta waqaychakun.

Proverbios 16:6

Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

Proverbios 19:1

Cheqanta kausakoj wajcha runaqa aswan allin, pipajpis rimaj wampu runamanta nisqaqa.

Proverbios 2:15

Wist'u ñankunata purinku, ñanninkoqa pantasqa.

Proverbios 28:6

Wajcha kay, allinta puriytaj aswan allenqa, qhapaj kaspa mana allintataj purinamanta nisqaqa.

Eclesiastés 12:13

Kay tukuy imasta uyarisqaykimantaqa kayta ruwan: Diosta munakuy, kamachisqasnenqa waqaychay. Kay imasllata runaqa astawan ruwanan tiyan.

San Lucas 10:16

Pichus qankunata uyarejqa, noqata uyariwan; pitajchus qankunata qhesachajqa, noqata qhesachawan; noqata qhesachawajrí, kachamuwajniyta qhesachan.

San Lucas 16:14

Kay tukuyta uyarisharqanku qolqe munapayaj fariseos, asipayarqankutaj.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diospa manchaynimpitaj kakun. Judiostaj jatumpi jap'inku. Diospa angelnintaj Cornelioman nerqa wasinman wajyachisunanta, qampa parlasqaykita uyarinampaj.

Hechos 9:31

Ajinamanta iglesiaqa sonqo tiyasqalla kasharqa tukuy Judeapi, Galileapi, Samariapi ima. Creejkunataj kallpachakuspa yapakusharqanku, Señorta kasuspataj purisharqanku. Santo Espiritutaj paykunata yanaparqa sonqochaspa.