Proverbios 10:17 - Qheshwa Biblia DC

¹⁷ K'amisqata kasukoj runaqa kausay ñanta purin; k'amisqata mana kasukojrí, chinkay ñanta rin.

DIOSPA QHELQACHISQAN DEUTEROCANONICAL

¹⁷ K'amisqata uyarikoj runaqa kawsay ñanta purin, k'amisqata mana uyarikojrí pantay ñanta rin.

DIOSPA QHELQACHISQ

¹⁷ K'amisqata uyarikoj runaqa kawsay ñanta purin, k'amisqata mana uyarikojrí pantay ñanta rin.

Proverbios 10:17 ပူးပေါင်းရင်းမြစ်များ

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

Proverbios 1:30

Mana imatachus nisqasniyta jap'iyta munankichejchu, k'amisqasniytapis qhesachankichej.

Proverbios 12:1

K'amisqata munakoyqa yachayta munakuymin; k'amisqata chejniyrí mana ima yachayniyoj wampu kaymin.

Proverbios 15:10

Pichus cheqan ñanta chejnejtaqa, aswan sinch'itaña k'amina; pichus chay k'amisqata qhesachajqa, wañonqa.

Proverbios 15:32

Pichus k'amisqasta qhesachajqa, pay kikinta qhesachakun; pichus k'amisqata jap'ikojqa, astawan yachayta jap'in.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Proverbios 3:18

Yachayta jap'eyqa kausaymin, kusikuyniyojmin chayta jap'ejkunaqa.

Proverbios 4:13

Imatachus nisqayta sumajta jap'ikuy, ama saqeychu; chay nisqasniyman jina ruwan, chaymin kausayniykeqa.

Proverbios 4:4

Tatayqa yachachiwaj kay jinata: Sonqoykipi jap'iy nisqasniyta; kamachisqasniyta ruway; chantá kausankitaj.

Proverbios 5:12

Chaypitaj qanqa ninki: Ima nispataj allin imasta niwasqankuta qhesacharqaniri. Ima nispataj k'amiwasqankutapis mana jap'erqanichu?, nispa.

Proverbios 5:14

Yanqhalla tukuy ima sajraspi purini, tukuy llajta masisniypa rikunanta.

Proverbios 6:23

Cheqamanta kamachiykunaqa lamparamin, yachachiykunaqa k'anchaymin; k'amiykunawan reparachiykunawantaj kausay ñanmin.

Eclesiastés 5:6

Ama saqeychu simiyki juchallichisunanta, ama imatapis Diospa kachamusqan angelpa ñaupaqempi pantani niychu. Imajtintaj qanqa Diosta chay parlasqaykiwanqa phiñachiwajri, ruwasqasniykitataj Dioswan chinkachichiwajri?

San Lucas 11:28

Jesustaj kuticherqa: Diospa palabranta uyarispa kasojkunarajmá aswan kusikuyniyojqa kanqanku.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

Hebreos 2:1

Chayrayku allimpuni noqanchejpaj, tukuy uyarisqanchejta aswan k'uchi kaywan kasunanchejqa, ama llusk'ananchejpaj.

Jueces 19:17

Levitata plazapi tiyashajta rikuspa chay machu runaqa payta tapurerqa: Maymantataj jamushanki, maymantaj rishankiri?, nispa.