Proverbios 1:23 - Qheshwa Biblia DC

²³ Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

DIOSPA QHELQACHISQAN DEUTEROCANONICAL

²³ K'amisqayta uyariwaychej, noqataj yachaywan junt'achisqaykichej, imatachus yachasqaytataj rejsichisqaykichej.

DIOSPA QHELQACHISQ

²³ K'amisqayta uyariwaychej, noqataj yachaywan junt'achisqaykichej, imatachus yachasqaytataj rejsichisqaykichej.

Proverbios 1:23 ပူးပေါင်းရင်းမြစ်များ

Salmos 145:1

Diosníy, reyníy, jatunchasqayki; wiñaypa wiñaynimpajtaj sutiykita yupaychasaj.

Proverbios 1:25

Imatachus yuyaychasqasniyta qhesachawankichej, imatachus k'amisqasniyta mana uyariwankichejchu.

Proverbios 1:30

Mana imatachus nisqasniyta jap'iyta munankichejchu, k'amisqasniytapis qhesachankichej.

Proverbios 10:17

K'amisqata kasukoj runaqa kausay ñanta purin; k'amisqata mana kasukojrí, chinkay ñanta rin.

Proverbios 12:1

K'amisqata munakoyqa yachayta munakuymin; k'amisqata chejniyrí mana ima yachayniyoj wampu kaymin.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Proverbios 6:23

Cheqamanta kamachiykunaqa lamparamin, yachachiykunaqa k'anchaymin; k'amiykunawan reparachiykunawantaj kausay ñanmin.

Isaías 32:15

Chanta Señorpa atiynin ujtawan noqaykuman jamonqa. Ch'aki ch'in pampaqa sumaj chajra poqonaman tukonqa. Sumajta chajra poqona jallp'astaj monteman tukonqa.

Isaías 45:8

Cielo, qanqa patamanta ch'ajchumuy, phuyus, qankunapis cheqanchayta parachimuychej; chaytataj jallp'aqa jap'enqa, chaywantaj jallp'aqa salvacionta cheqanchaytapis poqochun. Kay imastaqa noqa Señor ruwachini.

Jeremías 3:14

Señor nillantaj: Kutirimuychej mana kasukoj wawas, imaraykuchus noqa qankunaj Señorniykichej kani. Noqa jap'isaj sapa llajtamanta ujta, iskaytataj sapa ayllumanta. Sionmantaj kutichisqaykichej.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

Joel 2:27

Qankunataj, Israelmanta runakuna, yachaychej, noqa Tukuy Atiyniyoj Señor kashasqayta qankunawan. Noqa Diosniykichej kasqayta, manataj aswan waj Dios kasqanta. Mana jayk'ajpis llajtayqa ujtawan penqaypi rikhurenqañachu!

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

Joel 3:1

Nin Señorqa: Chay p'unchaykuna chayamonqa chaypachaqa, Judapi kaj runasta, Jerusalempi kajkunata preso kayninkumanta orqhosaj. Jinamanta kausayninkuta uj jinaman tukuchisaj.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

San Lucas 11:13

Chayrayku, qankunachus sajra runas kashaspa, allin kajta wawasniykichejman qoyta yachankichej chayqa, mashkhatarajchus janaj pachapi kaj Tataykichejqa Santo Espirituta qonqa mañakojkunaman.

San Juan 7:39

Chayta Jesús nerqa sutimpi creejpa sonqonman Santo Espíritu jamunanmanta; chaywampis Santo Espiritoqa manaraj jamorqachu, Jesús Tatampaman manaraj wicharisqanrayku.

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

Hechos 3:19

Chayrayku sajra kausayta saqespa Diosman kutiriychej, juchasniykichej pampachasqas kanankupaj, Diosmantapacha samakuy p'unchaykuna jamunankupaj; Cristota kachamunampaj, pimantachus qankunaman willasqaña karqa.