Oseas 9:4 - Qheshwa Biblia DC

⁴ Mana ujyanqankuchu vinotapis Señorpa sutimpi nillataj rikuchikusninkutapis chaypi jaywanqankuchu. Mikhunanku t'antapis qorpacha t'anta jina kanqa, pischus mikhojkunapi khuchichasqas rikhurenqanku. Paykuna mikhuykonqanku chay t'antata, manataj Señorpa yupaychana wasinman apayta atenqankuchu.

DIOSPA QHELQACHISQAN DEUTEROCANONICAL

⁴ Manaña vinotapis Tata Diosman jaywanqankuchu, nillataj Diospis uywa ñak'asqatapis tukuy sonqo jap'ikonqachu. Israelitakunaj mikhunanku t'antapis wañuypi mikhuna jina kanqa. Pikunachus mikhojkunaqa mana llimphupaj qhawasqa rikhurenqanku. Chay t'antaqa paykunallapaj kanqa. Chaywanpis Tata Diospa Templonman mana apaykuyta atenqankuchu.

DIOSPA QHELQACHISQ

⁴ Manaña vinotapis Tata Diosman jaywanqankuchu, nillataj Diospis uywa ñak'asqatapis tukuy sonqo jap'ikonqachu. Israelitakunaj mikhunanku t'antapis wañuypi mikhuna jina kanqa. Pikunachus mikhojkunaqa mana llimphupaj qhawasqa rikhurenqanku. Chay t'antaqa paykunallapaj kanqa. Chaywanpis Tata Diospa Templonman mana apaykuyta atenqankuchu.

Oseas 9:4 ပူးပေါင်းရင်းမြစ်များ

Éxodo 29:40

Chantapis, ñaupaj kaj corderowanqa jaywallankitaj iskay kilo sumaj jak'uta, uj litro olivo aceitewan chajrusqata. Chaymantaj ch'ajchuykunki uj litro ofrenda vinowan.

Éxodo 40:23

Chay mesa patamantaj t'antasta churaykorqa sumaj k'achanchasqasta Señorpa ñaupaqenman, imaynatachus Señor payman kamachisqanman jina.

Isaías 57:6

Jerusalén valles mayuspi llusk'a rumis qanmanqa chayasunki; arí, chay rumis qampajqa kashan; chay rumisman qanqa vinoswan ch'allanki, chayman rikuchikustapis jaywamunki. Chay imastaqa manachu jasut'isaj?

Isaías 66:3

Pichus uj wakata ñak'aspa rikuchikuta apamuwajqa, uj runatapis wañuchishanman jina. Uj ovejata wañuchispa rikuchikuta apamojqa, alqotapis apamunman jina. Rikuchikuta apamojqa, khuchej yawarnintapis apamunman jina. Inciensota q'osñichejqa, lantimampis jaywashanman jina. Paykunaqa sapa ujninku imatachus munasqankuta ajllakunku, sonqonkoqa sajrallatapuni munan.

Jeremías 16:7

Chay wañojpa ayllusninta sonqochaykunampaj mana pipis qorpachakusta ruwanqachu, nitaj tatan wañupojtin, chayri maman wañupojtimpis.

Jeremías 6:20

Imapajtaj qankuna Sabá inciensota apamuwankichejri? Jinallataj chay karu llajtasmanta q'apaj qhorastapisri? Noqapaj manapuni allinchu rijch'awan chay ruphachina, nitaj chay waj rikuchikusninkupis.

Ezequiel 24:17

Ch'inllamanta phutikuy, amataj llakiy p'achata churakuychu wañusqayoj runa jinataqa. Umaykita mayt'ukuy, ujut'asniykitataj churaykukuy. Umaykitapis ama p'antawan llakiyniyoj jinataqa qhatakuychu, amataj llakiypi kashaspa mikhuna imasta mikhuychu.

Ezequiel 24:22

Qankunapis imaynatachus noqa ruwani, chay kikillantataj ruwankichej: Uyaykichejtaqa ama qhataykukunkichejchu llakisqa runa jinaqa, nitaj mikhunkichejchu llakikuy p'unchaykunapi mikhuna kajta.

Daniel (hebreo) 1:8

Danieltaj umachakorqa, reypa mikhunanwan ujyananwantaj mana ch'ichichakuyta. Palaciopi sirvejkunaj kurajninmanta mañakorqa, reypa wakichisqa mikhunamantaqa ama payman mikhuchinankuta.

Oseas 3:4

Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

Oseas 7:16

Lantikunaman kutiporqanku; uj wist'u arcoj wach'in waj ladollaman ripun ajinata, paykunapis waj ladollaman ripunku. Phiña palabraswan parlasqankurayku kurajkunasninku t'ojsinaswan t'ojsisqas wañonqanku, Egiptopitaj paykunamanta asiykukonqanku.

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

Joel 1:13

Qankuna, altarpi sirvejkuna sacerdotes, qhasqa pachata churakuspa nanaywan waqaychej, imaraykuchus Diosniykichejpa templompi ofrendata qonapajqa, manaña kanchu ch'aki mikhuykuna, nitaj vinopis.

Joel 1:9

chay kikinta sacerdotes waqanku; imaraykuchus templopi mana kanñachu poqojkunaqa, ni vinopis ofrendata Señorman jaywanapaj.

Joel 2:14

Ichapis yuyaychakunman qankunata mana jasut'iyta, aswantataj bendicionninta apachimusunkichejman. Ajinamanta poqoj granosmanta, vinomantataj ofrendasta Tukuy Atiyniyoj Diosniykichejman jaywanaykichejpaj.

Levítico 17:11

Imaraykuchus tukuy kausajpataqa yawarnimpi kausaynin kashan. Noqa kamachiykichej yawarta altarman ch'ajchumunaykichejta juchasniykichej perdonasqa kanampaj. Yawarqa kausaymin, chaynejta juchasqa pampachasqas kanku.

Levítico 21:21

Aarompa mirayninmanta mana mayqempis, sichus ajina imallankupis mana allinchu kanman chayqa, Señorman qayllachiyta mana atinchu, Señorpaj rikuchiku ofrendasta ruphachipuspa. Chayrayku mana qayllachiyta atenqachu Diosnimpa rikuchiku t'antanta.

Levítico 21:6

Manachayqa Diosninkupaj llimphuchasqas kachunku, Diosninkoj sutinta ama p'enqaypi qhawachichunkuchu; imaraykuchus paykuna rikuchikusta ruphachispa jaywanku. Jinallataj Señorpaj nisqa t'antatapis Diosman jaywanku, chayrayku llimphuchasqapuni kachunku.

Levítico 21:8

Chayrayku paykunaqa tukuy imamanta karunchasqas kachunku, imaraykuchus paykunaqa rikuchiku t'antata Diosniykiman jaywanku. Qampajqa santos kanqanku, imaraykuchus noqa Señorqa santopuni kani, pichus qankunatapis paykunatataj santoyachini.

Amós 5:22

Mana noqaqa munanichu rikuchikusta sutiyrayku ruphachipuwasqaykichejta, ch'aki mikhuykunamanta ofrendasta apamuwasqaykichejtapis mana munanichu. Manallataj jap'isqaykichejchu sumachaj wira waka uñasta allinyakunawaykichejpaj ruphachisqaykichejtapis.

Malaquías 2:13

Qankunataj chaymantapis aswan imastaraj ruwankichej. Señorpa altarninta waqaywan p'ampaykunkichej, jatun ayqoywantaj waqankichej, imaraykuchus Señorqa ofrendaykichejta manaña tukuy sonqowanchu jap'ikun.

Números 19:11

Pillapis ima ayatapis llankhajqa, qanchis p'unchayta ch'ichipaj qhawasqa kanqa.

San Juan 6:51

Noqa janaj pachamanta uraykamoj t'antaqa kani. Pillapis kay t'antamanta mikhojqa, wiñaypaj kausanqa. Noqa qosaj chay t'antaqa aychay; chayta qoni mundo kausanampaj.

Deuteronomio 26:14

Chay t'aqasqaykumantaqa mana mikhuykuchu wañusqayoj llakisqa kashajtiykupis, nitaj mana llimphupaj qhawasqa kashajtiykupis, nitaj wañusqasmampis apaykuchu. Señor Diosniyku imatachá niwasqaykuta kasuyku tukuy imata ruwaspa kamachiwasqasniykuman jina.