Oseas 9:3 - Qheshwa Biblia DC

³ Efraenqa Egiptoman kutiponqa, Asiriapitaj mikhonqa ch'ichi mikhunasta. Manaña Señorpa jallp'ampeqa tiyakonqachu.

DIOSPA QHELQACHISQAN DEUTEROCANONICAL

³ Efrainqa Egiptoman kutirenqa, Asiriapitaj ch'ichipaj qhawasqa mikhunata mikhonqa. Manañataj Tata Diospa suyunpi tiyakonqachu.

DIOSPA QHELQACHISQ

³ Efrainqa Egiptoman kutirenqa, Asiriapitaj ch'ichipaj qhawasqa mikhunata mikhonqa. Manañataj Tata Diospa suyunpi tiyakonqachu.

Oseas 9:3 ပူးပေါင်းရင်းမြစ်များ

2 Reyes 17:6

Oseas isq'on watataña kamachishajtin Asiriamanta reyqa Samariata jap'erqa, runasnintataj Asiriaman presosta apakaporqa, chaypitaj Halahman, Haborman, Gozán mayu qayllaman, medospa llajtasninmanwan churarqa.

Jeremías 16:18

Jinapis, ñaupajtaqa uj jinatawan pagachikusaj tukuy sajra ruwasqasninkumanta, jinataj juchasninkumantapis, imaraykuchus jallp'ayta ch'ichicharqanku chay millay wañusqa lantisninkuwan, paykuna ruwarqanku chay mana munasqay imasta, chayaqepaj jina qorqani chay tukuy jallp'api.

Jeremías 2:7

Noqamin pusamorqaykichej kay sumaj poqoj jallp'amin, chay sumaj poqoykunasninta mikhunaykichejpaj, imaschá allinta poqon chaykunatawan. Chantá qankunataj jamuytawan jallp'asniyta ch'ichicharqankichej. Ruwasqasniykichejqa kay kikin jallp'aypi millachikunaypaj jina kashan.

Lamentaciones 5:6

T'antawan sajsakunaykupajpis egipciosman, asiriosman ima makisniykuta jaywarqayku.

Ezequiel 4:13

Chantapis Señorqa nillarqapuni: Israelpa wawasnenqa ajina ch'ichi t'antata mikhonqanku, maymanchus wijch'usaj chay llajtakunapi.

Daniel (hebreo) 1:8

Danieltaj umachakorqa, reypa mikhunanwan ujyananwantaj mana ch'ichichakuyta. Palaciopi sirvejkunaj kurajninmanta mañakorqa, reypa wakichisqa mikhunamantaqa ama payman mikhuchinankuta.

Oseas 11:11

P'isqos jina Egiptomanta kharkatitispa jamonqanku; Asiriamanta palomas mina jamonqanku, jinamanta watejmanta wasinkupi tiyakunankuta ruwasaj. Noqa Señor chayta nini.

Oseas 11:5

Chaywampis paykunaqa manapuni kutirimuwayta munarqankuchu. Chayraykumari Egiptoman kutirinanku karqa. Asiriataj paykuna patapi kamachenqa.

Oseas 7:11

Efraenqa, uj paloma jina umphu, mana allin yuyayniyoj; Egiptomanta yanapata mañakun, chantarí Asiriamampis qayllaykullantaj.

Oseas 7:16

Lantikunaman kutiporqanku; uj wist'u arcoj wach'in waj ladollaman ripun ajinata, paykunapis waj ladollaman ripunku. Phiña palabraswan parlasqankurayku kurajkunasninku t'ojsinaswan t'ojsisqas wañonqanku, Egiptopitaj paykunamanta asiykukonqanku.

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

Oseas 9:6

Paykunaqa chinkachisqas kanamanta ayqenku. Egiptotaj jap'ikaponqa, Menfispitaj p'ampasqas kanqanku. Qolqe jallch'anasninkupirí itapallu qhoraslla junt'aykonqanku, jarasninkupipis khishkaslla junt'aykonqanku.

Levítico 18:28

Pajtataj qankunatañataj chay jallp'aqa wijch'umusunkichejman chay millay juchasrayku, imaynatachus qankunamanta ñaupajta kaj runasta wijch'orqa jinataqa.

Levítico 20:22

Tukuy kamachiykunasniyta, imastachus nisqasniytawan kasuychej, junt'aychejtaj. Ajinamanta chay jallp'aqa mana wijch'usonqachejchu, maymanchus tiyakunaykichejpaj chayachisqaykichej chaymanta.

Levítico 25:23

Chay jallp'astaqa ama wiñaypaj vendenkichejchu, imaraykuchus noqajtamin jallp'aqa. Qankunaqa karu llajtayoj, noqaj wajyarisqay jinalla kankichej.

Amós 7:17

Kay jinatamin nin Señorqa: Warmiyki llajta chaupipi qhenchachakonqa, qhari wawasniyki, jinataj warmi wawasniykipis wañurachisqas kanqanku espadawan. Jallp'asniykitaj sorteopi rak'ikonqanku, qantaj wañumunki mana cheqan Diospi creejkunaj llajtampi, israelitastaj karu llajtasman presos apachisqas kanqanku jallp'asninkumanta.

Miqueas 2:10

Jatarikuychej rillaychejpunitaj, kayqa mana samarikuna lugarchu; may jinaña sajraman qokapusqaykichejqa.

Hechos 10:14

Pedrotaj kuticherqa: Manapuni Wirakochi; ni jayk'aj mikhorqanichu imachus mana allin kajta, nitaj ch'ichi kajtapis.

Deuteronomio 28:63

Imaynatachus ñaupajta Señor kusikorqa yanapasuspa, mirachisuspataj, ajinallatataj kunanqa tukuchisuspa chinkachisuspa ima kusikonqa. Ujllata orqhosqas kankichej chay jallp'aman tiyakoj yaykunkichej chaymanta.

Deuteronomio 28:68

Señorqa Egiptoman barcospi kutirichimusonqachej nishasojtiykichejpis mana ni jayk'aj chay jallp'aman kutirinkichejchu, nispa. Qankuna kikiykichej enemigosniykichejman vendekuyta munankichej wata runas kanaykichejpaj. Chaypitaj ni pipis rantiyta munasonqachejchu.

Deuteronomio 4:26

Chayta ruwawajchej chayqa, noqa janaj pachaj, kay pachaj ñaupaqempi niykichej ujllapi chinkachisqas kanaykichejta, chay Jordán chimpapi tiyakunaykichej chay jallp'amanta. Jinamanta chay jallp'api mana unaytachu tiyakunkichej, manachayqa tukuyniykichej chinkachisqas kankichej.

Josué 23:15

Kunanqa imaynatachus Señor Diosniykichejpa k'acha palabrasninta uyarerqankichej, ajinallatataj Señorqa tukuy ima mana allin kajta qankunaman apachimusonqachej mana ujniyoj tukukunaykichejkama, kay sumaj jallp'ata pay qosorqachej, chaypi, sichus Señorpa trato ruwasqanta p'akinkichej chayqa. Sichus qankuna waj dioskunata yupaychankichej, chaykunaj ñaupaqempitaj qonqorikunkichej chayqa, Señor qankunapaj phiñakonqa, manaraj imapitaj kay jallp'a patamanta chinkachisqas kankichejchu kay chhika sumaj jallp'ata Señorniykichej qosorqachej chaymanta.