Oseas 9:16 - Qheshwa Biblia DC

¹⁶ Efraenqa nanasqasniyoj kashan; imaynatachus uj ch'aki saphisniyoj sach'a manaña poqonchu jinata. Wawasnin kajtimpis noqa tukuyta wañurachisaj.

DIOSPA QHELQACHISQAN DEUTEROCANONICAL

¹⁶ Efrainqa parti wañusqa kashan, ch'aki saphiyoj sach'a jina. Chayrayku manaña poqonqachu. Wawankuna kajtinpis, noqa chay wawakunata wañurachisaj, nispa.

DIOSPA QHELQACHISQ

¹⁶ Efrainqa parti wañusqa kashan, ch'aki saphiyoj sach'a jina. Chayrayku manaña poqonqachu. Wawankuna kajtinpis, noqa chay wawakunata wañurachisaj, nispa.

Oseas 9:16 ပူးပေါင်းရင်းမြစ်များ

Génesis 41:23

Chay qhepata chay wiñayllamantataj qanchis millay ch'aki ch'usu espigas inti llojsimuymanta jamoj wayraj ch'akichisqan.

Job 18:16

Saphin ch'akisqa sach'a jina, khawisqa ramasniyoj.

Isaías 40:24

Paykunaqa chaypachallaraj plantasqa sach'aman rijch'akunku, manaraj allinta saphinchakojman. Paykunaman sinch'ita Dios wayrachimojtenqa ch'akipunkupacha, muyu wayrapis jamuytawan q'opata jina apakapun.

Isaías 5:24

Chayrayku, imaynatachus ninaqa ichhuta q'olaykun, larwaynintaj ch'aki laqhesta ujllata rupharparin, ajinata qankunaqa chinkarparinkichej. Saphinmanta ismoj yura jina, t'ikasnintaj ñut'u jallp'aman tukupun, ajinata. Qankunaqa Tukuy Atiyniyoj Israelpa Santo Diosnimpa kamachisqantaqa mana kasunkichejchu.

Oseas 5:11

Efraenqa ñak'ariyman ñit'isqa kashan atipasqa tukuy ruwanan kajpi, imaraykuchus mana rejsisqa lantikunasllata qhatej churakorqanku.

Oseas 8:7

Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

Deuteronomio 32:25

Guerra chayamojtin callespi wawasninkoqa wañonqanku, wasi ukhuspitaj manchay manchachikuy kanqa. Jinata wañonqanku waynas, sipaskuna, machu runas, ñuñoj wawas ima.