Oseas 9:10 - Qheshwa Biblia DC

¹⁰ Señor nin: Maypachachus Israelta tarerqani chaypachaqa, kusikorqani, ch'in pampapi uvasta tarikuspa kusikunku jinata. Ñaupa tatasniykichejta noqaj rijch'ayniyman kawarqa, chay ñaupa poqoj higoskuna jina. Pero maypachachus Baal-peorman chayarqanku chaypachaqa, chay qhasi llulla dioskunasnillankuman sirvej churakorqanku, jinamanta q'ala millachikunasman tukorqanku chay mayqentachus munakusharqanku chay lantikunaman jina.

DIOSPA QHELQACHISQAN DEUTEROCANONICAL

¹⁰ Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

DIOSPA QHELQACHISQ

¹⁰ Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Oseas 9:10 ပူးပေါင်းရင်းမြစ်များ

1 Reyes 16:31

Imaraykuchus Nabatpa wawan Jeroboampa ñankunasnimpi usqhayllata purerqa, casarakorqataj sidoniospa reyninku Et-baalpa wawan Jezabelwan, chaymantaqa Baalta yupaychamorqa sirverqataj.

2 Reyes 17:11

Chaykunapi inciensota q'osñicherqanku, ñaupaqenkumanta Señorqa qharqorqa, chay runas ruphachej kanku ajinata. Israelitasqa ancha sajratapuni ruwarqanku, chay jinamanta Señorta phiñachispa.

Salmos 115:8

Chay qhasi dioskunata ruwajkunaqa chaykunaman rijch'akunku, tukuy chaykunapi creejkunapis.

Salmos 81:12

Chayrayku munasqampi saqerqani; yuyasqankuman jinataj kausarqanku.

TAKIYKUNA 3:6

Imataj chayri? Ch'in pampamanta q'osñi jina rikhurimushan chay? Mirrawan, inciensowan, tukuy ima sumaj q'apaykunawan q'aparishajri?

Isaías 28:4

Chay valle patapi kaj, qawisqa t'ikaswan kachanchasqa kajqa, higospa ñaupaj poqoynin jina kanqa. Chayta rikojqa, makinwan p'itiytawan mikhuykun.

Jeremías 11:13

Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

Jeremías 24:2

Ujnin canastaqa sumaj poqosqa higosniyoj karqa, ñaupajta poqojkunamanta. Chay ujninrí mana allin poqosqa higoskunasniyoj karqa, may millay mana mikhunapaj jinachu karqa.

Jeremías 3:24

Lantista yupaychasqasniyku p'enqayta chinkachiwarqayku unaymantapacha tatasniykoj tarisqanku chay ovejasta, uywasta, qhari wawasta, warmi wawastapis.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 31:2

Señor nin: Ch'in pampapi wañojmanta ayqej ayllumanta khuyakorqani, maypachachus Israelqa samakuna cheqata mask'asharqa chaypacha.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Ezequiel 20:8

Paykunataj contraypi sayarerqanku, manataj uyariyta munawarqankuchu. Ñawisninkuta ch'aukiyaj millay juchasninkumanta ni pipis t'aqakorqankuchu, nitaj Egiptopi kaj lantistapis saqerqankuchu. Yuyarqani paykunaj patampi k'aj phiñakuyninmanta samariyta, Egipto jallp'api kikin phiñakuyniyta paykunapi junt'anaypaj.

Oseas 11:1

Maypachachus Israel ayllu wawallaraj kashajtin, munakoj kani payta, waway kasqanrayku, chayrayku Egiptomanta wajyakaporqani.

Oseas 13:5

Noqamin waqaycharqayki chay rupha q'oñi ch'in pampaspi.

Oseas 2:15

Chaymantaraj viña sach'asninta kutichipusaj, jinataj Acor valletapis chayman suyayninta kicharinampaj. Chaypimá kutichiwanqa joven kashaspa kutichiwarqa jinata, chantá, maypachachus Egiptomanta llojsimusharqa chaypacha jina.

Oseas 4:14

Chaywampis mana jasut'isajchu warmi wawasniykichejta qhenchachakusqankumanta nitaj ñojch'asniykichejtapis, waj qhariswan qhenchachakusqankumantapis. Qankuna kikiykichejpis qhenchachakuyman qokaporqankichej; rikuchikusta jaywanaykichejpaj khuskachakunkichej chay qhencha warmiswan, chaykunawan dioskunasninkuta yupaychaj jina. Ajinamanta llajtaqa urmaykun chinkayman mana yuyayniyoj kasqanrayku!

Amós 4:5

Mana levadurayoj t'antasta ruphachiychej graciasta qona ofrendata jina, ofrenda qosqaykichejtataj tukuyman willaychej. Chaymin qankunapajqa sumaj. Ajinata nin Señorqa.

Miqueas 7:1

Ay, noqamanta! Cosechaj qhepampi uj chajmakoj jina kashani, manañataj tarinchu uvas nitaj higospis chay poqoykunata mikhuyta munasharqa chayqa.

Números 15:39

Ajinamanta chay flecosnejta yuyarikunkichej tukuy kamachiykunasniyta qosusqaymanta, junt'ankichejtaj. Ajinata munayniykichejwan mana atipachikunkichejchu, chay mana allinta ruwaspa qhatinawaykichejmanta.

Números 18:13

Israelitas ñaupajta imastapis poqochisqankumanta ofrendasta apamuwasqankumanta qampaj kanqa. Chaykunata mikhuysikonqanku pikunachus wasiykipi llimphuchasqas kashanku chaykuna.

Romanos 6:21

Chantá, chay imaspi ima allintataj tarerqankichej, mayqenmantachus kunan p'enqakushankichej chaykunamanta? Chaykunaj tukukuynenqa wañuymin.

Deuteronomio 32:10

Paykunata ch'in pampaspi tarerqa, wayraj jasut'isqan ch'aki jallp'aspi. Makisninwan ojllaykorqa, yachacherqataj. Paykunata waqaycharqa Pay kikinta jina.

Deuteronomio 32:17

Diosman jaywanankutaqa supayllaman rikuchikusta jaywarqanku, mana jayk'aj rejsisqanku dioskunaman, chaypachalla ruwasqa dioskunaman. Chaykunataqa tatasniykichej mana yupaycharqankuchu.

Deuteronomio 4:3

Qankuna kikiykichej rikunkichej Señor ruwasqanta Baal-peorpi, tukuchisqantataj tukuy qankuna ukhupi chay dioskunata yupaychajkunata.

Jueces 6:32

Chaymantapacha Gedeontaqa Jerobaalta suticharqanku, nerqankutaj: Kikin Baal jark'akuchun Gedeonmanta, imaraykuchus Gedeompuni Baalpa altarnintaqa urmachisqa.