Oseas 8:7 - Qheshwa Biblia DC

⁷ Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

DIOSPA QHELQACHISQAN DEUTEROCANONICAL

⁷ Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.

DIOSPA QHELQACHISQ

⁷ Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.

Oseas 8:7 ပူးပေါင်းရင်းမြစ်များ

Génesis 41:23

Chay qhepata chay wiñayllamantataj qanchis millay ch'aki ch'usu espigas inti llojsimuymanta jamoj wayraj ch'akichisqan.

2 Reyes 15:19

Asiriamanta Pulqa Israel llajtayojkunata maqaj jamorqa; Israelpa reynin Manahemtaj Pulman apacherqa kinsa chunka kinsayoj waranqa kilo qolqeta, ajinamanta paypa reinonta sayachiyta yanapanampaj.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

Job 4:8

Noqaqa rikuspa parlani, pikunachus sajrata llank'ajkuna llakiyta tarpojkunaqa, chayllatataj pallarikapunku.

Proverbios 22:8

Sajrata tarpojqa sajrallatataj cosechanqa; sajra imasta ruwanampaj atiynintaj chinkachisqa kanqa.

Eclesiastés 5:16

Kayqa manapuni allinchu, imaynatachus kay pachaman jamorqa kikillantataj kutipunanqa, jina kajtenqa imapajtaj chay jinatapuni qhasi mana kajta llank'arqari?

Isaías 17:11

Plantarqanki chay p'unchaypacha wiñacherqanki; q'ayantimpachataj t'ikacherqanki. Chaywampis, chay poqoynenqa llakiy p'unchaypi chinkaponqa, chay mana allin kaytaj mana jampina kanqa.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej imaspiri? Uyariwaychej allinta, allin kaj imastataj mikhunkichej. Chay imastaqa misk'ejta mikhunkichej.

Isaías 66:15

Señorqa ninawan jamonqa, carretasnenqa maqanakunapaj llojlla para jina jamonqa, manchay k'ajaj phiñakuyninwan jasut'inampaj. Ajinata paypa k'amiynenqa nina larway jina kanqa.

Jeremías 12:13

Tarporqanku trigota, khishkasllatataj oqharerqanku. Tukuypa llank'asqankoqa qhasillapaj karqa. Chajrasqa mana poqorqachu, noqaj sinch'i phiñakuyniyrayku.

Lamentaciones 5:2

Tukuy imasniykuta waj runas jap'ikapunku. Wasisniykoqa waj runaspa makisninman chayan.

Oseas 2:9

Chaywampis oqharikapullasajtaj trigoyta, vinoytapis uvas oqhariypi, p'achallikunampaj qorqani chay millmasniyta linoytapis.

Oseas 7:9

Mana rejsisqa runas kallpanta qhechurpayanku, paypa mana rikukusqallan. Chojchasnimpi yurajyaporqa mana reparakusqallan!

Oseas 9:16

Efraenqa nanasqasniyoj kashan; imaynatachus uj ch'aki saphisniyoj sach'a manaña poqonchu jinata. Wawasnin kajtimpis noqa tukuyta wañurachisaj.

Nahúm 1:3

Señorqa llamp'u sonqo jinapis may atiyniyoj, chayrayku juchallejkunataqa jasut'enqapuni. Sinch'i loco para kajtimpis Señorqa purillan, phuyuspis chakisnimpeqa jallp'a jinalla.

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Ujyankichej, chaywampis ch'akichikullankichejpuni. P'achata churakunkichej, manataj q'oñikunkichejchu. Jornal llank'ajtaj, pagonta jap'ispa jusk'u wayaqaman churaykun.

Gálatas 6:7

Ama ch'aukiyakuychejchu; Dioswanqa mana pujllakuy kanchu; chayrayku runa imatachus tarpun, chayllatataj oqharenqa.

Gálatas 6:8

Aychapaj tarpojqa, aychamanta wañuyta jap'enqa. Pichus Espiritupaj tarpojtaj, Espiritumanta wiñay kausayta jap'enqa.

Deuteronomio 28:33

Jallp'asniykichejpi llank'aspa poqochikusqaykichejta mana rejsisqaykichej runas mikhonqanku. Sapa kuti sarusqas, k'umuykuchisqas kankichej.