Oseas 8:10 - Qheshwa Biblia DC

¹⁰ Jinapis chay llajtas ukhupi t'inkasta rak'irachun. Kunan noqa paykunata ch'eqerachisajpuni, jinamanta uj tiempotaqa mana reykunasninku nitaj kurajkunasninku kanqachu;

DIOSPA QHELQACHISQAN DEUTEROCANONICAL

¹⁰ Waj suyukunaman t'inkakunata rak'irachun chaypis, noqa paykunata ch'eqerachisajpuni. Jinamanta pisi tiempota mana kuraj kamachejkuna nitaj kurajkunapis kanqachu,

DIOSPA QHELQACHISQ

¹⁰ Waj suyukunaman t'inkakunata rak'irachun chaypis, noqa paykunata ch'eqerachisajpuni. Jinamanta pisi tiempota mana kuraj kamachejkuna nitaj kurajkunapis kanqachu,

Oseas 8:10 ပူးပေါင်းရင်းမြစ်များ

2 Reyes 14:26

Imaraykuchus Señorqa Israelpa sinch'i llakiyninta rikorqa; manataj pipis kamachismanta, mana kamachismantapis Israeltaqa yanapaj karqachu.

2 Reyes 17:3

Asiriospa reynin Salmanasartaj Oseaspa contrampi llojsimorqa; Oseastaj kamachinman tukorqa, tasatataj chay reyman pagaj.

2 Reyes 17:4

Chanta Asiriamanta reyqa reparakorqa Oseas paypa contrampi oqharikushasqanta, Egiptoj reynin Soman kamachisninta kachasqanta, chantapis Asiria reymanqa mana tasata pagarqañachu, imaynatachus sapa wata pagaj ajinataqa. Chayrayku Asiriamanta reyqa kamacherqa Oseasta carcelman wisq'aykunankuta.

1 Crónicas 5:26

Chayraykumá Israelpa Diosnenqa, Asiriaj reynin Pulta, jinataj Asiriaj reynin Tiglat-pilesertapis paykunaman apamorqa. Tiglat-pileser reyqa wijch'orqa waj llajtaman rubenitasta, gaditasta, jinataj Manasespa ayllunmanta khuskannintawan ima. Paykunataqa apacherqa Halahman, Haborman, Haraman, Gozán mayumanwan. Chaypitaj kunankama kashanku.

Isaías 10:8

Payqa ajinata nin: Manachu tukuynin runasneyqa reyes kanku?

Isaías 30:2

Usqhay usqhayta Egiptoman rinku mana noqata tapuriwaspalla, faraonwan yanapachikuyta munaspa, Egiptoj ojllaynimpi pakasqa kayta munaspa.

Isaías 36:13

Chaymantataj chay kamachejqa sayaykuytawan jatunmanta Judá llajtaj parlaynimpi qhaparerqa: Uyariychej Asiriamanta jatun reypa nimusqanta:

Jeremías 42:2

Profeta Jeremiasman qayllarqanku, nerqankutaj: Uj imata mañakuyku: Ama qhesachawaykuchu. Kay pisi p'unchaykunapaj Diosniykimanta mañapuwayku. Ñaupajta ashkhas karqayku. Kunantaj uj chhikallaña puchurpariyku kay imaynatachus rikunki ajinata, chayman jina Señor Diosniyki yachachinawaykupaj, ima ñantachus qhatinaykuta, imatatajchus ruwanaykuta.

Ezequiel 16:33

Tukuy qhencha warmismanqa t'inkata qonku, qantajrí tukuy munapayasojkunaman t'inkata qorqanki, pagarqankitaj tukuynejmanta qanwan juchallej jamunankupaj.

Ezequiel 16:37

Chayrayku, pistachus munakorqanki chay tukuyta noqa tantaykusaj. Jinallataj pikunatachus munakorqanki, chanta pikunatachus chejnikorqanki chay tukuyta. Paykunataqa muyuyniykiman tantaykusaj. Paykunaj rikunantataj q'alasqayki, paykuna q'alallata qhawasunankupaj.

Ezequiel 22:20

Imaynatachus uj runaqa qolqeta, bronceta, fierrota, qorita ima tantaykuspa hornoman churaykun, ninawantaj enqaykun chay imasta unuyachinampaj, ajinata noqa manchay phiñakuyniywan, k'ajaj phiñakuyniypitaj tantaykusqaykichej, chaypitaj unuyachisqaykichej.

Ezequiel 23:5

Aholaqa makiypi kashaspa qhenchachakuspa purerqa, maytataj munapayarqa qayllampi kaj asirio runasta.

Ezequiel 26:7

Imajtinchus kay jinata Señorqa nin: Wichaynejmanta, Babilonia rey Nabucodonosor Tiroj contrampi jatarichimusaj, payqa reyespa reynin, caballoswan, carretaswan, caballospi rejkunawan, ashkha soldadoswantaj ashkha llajtasmanta jamorqanku.

Daniel (hebreo) 2:37

Tukuynin reyesmanta aswan atiyniyoj reymin qan kanki. Janaj pachapi kaj Diosqa qosunki reinota, atiyta, kallpata ima, jatumpaj qhawasqa kanaykipaj, tukuynejpi runas tiyakunku chaykunata kamachinaykipaj. Chantapis uywasta, p'isqosta, qampa makiykiman churan kamachinaykipaj. Chayrayku chay qori umaqa qan kanki.

Oseas 10:10

Kay ayllutaqa jasut'isaj munasaj chayqa, nacionespis contrampi tantaykukorqanku maypachachus jatun juchasninkumanta noqa jasut'ejtiy.

Oseas 12:2

Señor pleitota oqharin Israelwan. Jacobpa ayllunta jasut'enqa chay jinata ruwasqanmanta, chantá pagaponqa chay ruwasqanman jina.

Hageo 2:6

Pisimantawanqa, janaj pachata, kay pachatawan, mama qochata, sinch'i jallp'atapis kharkatichisaj.