Oseas 7:7 - Qheshwa Biblia DC

⁷ Arí, tukuy paykunamanta ruphaykushanku imaynatachus uj horno kamachejkunasninta q'olaykushanman jinata. Tukuy reykunasninku urmarqanku, manañataj ni ujpis kanchu qhaparikuwajkunaqa.

DIOSPA QHELQACHISQAN DEUTEROCANONICAL

⁷ Arí, paykuna enqhasqa horno jina lawrarinku, jinataj kamachejninkuta q'olaspa tukuchinku. Kuraj kamachejkunatapis ujmanta uj kamachinankumanta wijch'urparinku, manataj ni ujpis kanchu qhaparikamuwajqa.

DIOSPA QHELQACHISQ

⁷ Arí, paykuna enqhasqa horno jina lawrarinku, jinataj kamachejninkuta q'olaspa tukuchinku. Kuraj kamachejkunatapis ujmanta uj kamachinankumanta wijch'urparinku, manataj ni ujpis kanchu qhaparikamuwajqa.

Oseas 7:7 ပူးပေါင်းရင်းမြစ်များ

1 Reyes 15:28

Judamanta rey Asa kinsa watataña kamachishajtin, Baasaqa Nadabta wañucherqa, chantaqa paypa cuentampi kamacherqa.

1 Reyes 16:18

Zimritaj llajtata jap'isqata rikhuspa, reypa palacionman yaykuspa pakaykakamorqa, wasiman ninata jap'iykuchispa chay kikimpi wañorqa.

1 Reyes 16:22

Omrita qhatejkunaqa atiparqanku Ginatpa wawan Tibnita qhatejkunata; Tibni wañorqa, Omritaj kamachej karqa.

2 Reyes 10:14

Jehutaj nerqa: Kausashajta jap'iraychej. Ajinata kausashajta jap'iraspa, millma ruthuna wasi chaynejpi yaku pozo qayllapi tukuyninkuta qhorurparerqanku, tawa chunka iskayniyoj qharista, mana ujniyojta.

2 Reyes 10:7

Paykunaman chay cartas chayajtinkamataj, reypa familiasninmanta qanchis chunka qharista jap'ispa wañucherqanku. Chaymantataj umasninkuta canastasman churaspa Jezreelman apacherqanku.

2 Reyes 15:10

Jabespa wawan Salumtaj paypa contrampi oqharikorqa, maqaspataj llajtampa ñaupaqempi wañucherqa, chantá paypa cuentampi kamacherqa.

2 Reyes 15:14

Imaraykuchus Gadej wawan Manahem Tirsamanta llojsimorqa, Samariaman jamuspataj Jabespa wawan Salumta maqaspa wañucherqa, paypa cuentampitaj kamacherqa.

2 Reyes 15:25

Ujnin kuraj kaj kamachin Remaliaspa wawan Pekaqa paypa contrampi oqharikorqa, wañucherqataj Samariapi reypa palaciompi. Pekaqa yanapachikorqa Galaadmanta phishqa chunka runaswan, Argobwan, Ariewan ima. Rey Pekaiata wañuchispa, Pekaqa paypa cuentampi kamacherqa.

2 Reyes 15:30

Elaj wawan Oseastaj Pekaj contrampi oqharikuspa, maqaspataj wañuchiytawan, paypa cuentampi kamacherqa, Uziaspa wawan Jotam iskay chunka watataña kamachishajtin.

2 Reyes 9:24

Chanta Jehoqa flechanta orqhokuytawan payman kachaykorqa, chaytaj Jorampa wasanman yaykuspa sonqonnejta llojserqa, kikin carretampitaj wijch'ukorqa.

2 Reyes 9:33

Paytaj nerqa: Uraman chay warmita wijch'uykamuychej. Paykunataj uraman wijch'uykamorqanku. Wakin yawarnenqa perqaman ch'allparqa, caballosmanwan. Jehutaj carretanwan saruykucherqa.

Job 36:13

Sonqonkupi puraj uyasqa paykunallapajtaj k'ajaj phiñakuyta tantanku, presochasqasña kashaspapis mana yanapata mañakunkuchu.

Salmos 14:4

Sajra runasqa mana yuyayniyojchu kanku. Paykunaqa aylluyta t'antaqa jina mikhukapunku. Mana Señorpa sutintaqa oqharillankupischu.

Isaías 43:22

Qantaj Jacobpa miraynin Israel, mana qhaparikuwarqankichu, mana chayqa noqawan amichikorqanki.

Isaías 64:4

Mana jayk'ajpis chaytaqa uyarerqankuchu, manataj pipis qan jina Diostaqa rikojchu kanku, qampi atienekojkunapaj ajinata ruwapojtaqa.

Isaías 64:6

Tukuyniyku millay ch'ichis kayku, tukuy ima ruwasqaykupis millay ch'ichi thanta jina. Noqaykoqa sach'a laqhes jina t'akakuyku, sajra ruwasqasnillaykutaj wayra jina apawayku.

Isaías 64:7

Sutiykita oqharejqa mana pipis kanchu, rijch'arispa sutiykimanta yuyarikojpis manallataj kanchu. Chayrayku qanqa uyaykita noqaykumanta pakaykukunki, sajra ruwasqasniykupi qawejta qhawallawayku.

Isaías 9:13

Chay tukuywampis israelitasqa manapuni jasut'ejninkuman kutirerqankuchu, Tukuy Atiyniyoj Señortaqa manapuni mask'arqankuchu.

Ezequiel 22:30

Chay runas ukhupi noqa mask'arqani pillapis kay llajtaj allinninta sayarinanta ñaupaqeypi noqamanta kay llajtarayku mañapunampaj, ajinamanta kay llajtata ama chinkachinampaj, manataj ujllatapis tarerqanichu.

Daniel (hebreo) 9:13

Tukuy kay jasut'eqa chayamuwayku, Moisespa leynimpi qelqasqa kasqanman jina. Noqaykurí, mana mask'asorqaykuchu, Señor Diosniyku, manataj sajra kausayniykuta saqerqaykuchu, nillataj cheqa kajtapis qhaterqaykuchu.

Oseas 13:10

Kunanrí, maypitaj reyniyki tukuy llajtasniykipi jark'akunasumpaj kashan? Maypitaj kashanku kurajkunasniykiri, paykunamantachus mañarqanki reyta kuraj kaj runasniykitapis chaykunari?

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Oseas 7:10

Israelpa runaykachasqanqa paypa contrallampitaj sut'inchashan. Chaywampis paykunaqa mana kutirikorqankuchu nitaj Señor Diosninkuta mask'arqankuchu.

Oseas 7:14

Qhaparqachanku camankupi kashaspa manataj sonqowanchu wajyakuwanku. Trigota jinataj vinota mañakuspa nanarachikunku. Contraypi oqharikorqanku!

Oseas 8:4

Mana noqallawan reykunata churarqokunku. Kuraj kamachejkunasninkutapis mana yachasqallay churarqokunku. Qolqesninkuta qorisninkutapis oqharerqanku lantikunata ruwanankupaj, jinamanta paykuna kikinkuta phirikuspa.

Miqueas 2:1

Ay, jaqaykunamanta piskunachus mosqoykunasninkupipis juchasta ruwanankupaj umachakushallankupuni, q'ayantin sut'iyamojtinkamataj chayta ruwanku imaraykuchus makisninkupi atiy kasqanrayku!