Oseas 7:2 - Qheshwa Biblia DC

² Mana yachankuchu noqa qhawashasqayta chay tukuy sajra ruwasqasninkuta. Kunanqa chay kikin ruwasqasninku paykunaman muyuykun, chay tukuytaj rikuynimpi kashanku.

DIOSPA QHELQACHISQAN DEUTEROCANONICAL

² Paykuna mana reparankuchu tukuy sajra ruwasqankuta mana qonqasqayta. Millayta ruwasqankoqa paykunata muyuykun, chay tukuytataj noqa rikushallanipuni.

DIOSPA QHELQACHISQ

² Paykuna mana reparankuchu tukuy sajra ruwasqankuta mana qonqasqayta. Millayta ruwasqankoqa paykunata muyuykun, chay tukuytataj noqa rikushallanipuni.

Oseas 7:2 ပူးပေါင်းရင်းမြစ်များ

Job 34:21

Diosqa sumajta qhawan imaynatachus runa purisqanta, rejsintaj ima rijch'ajtachus purisqankuta.

Salmos 10:11

Sajra runaqa yuyan Dios qonqapusqanta, uyanta pakaykukusqanta, ni jayk'aj imatapis rikusqanta.

Salmos 25:7

Wayna kashaspa juchallikusqasniymanta ama yuyarikuychu, nitaj contraykipi oqharikusqasniymantapis. Señor, uj jatun munakuyniykiman jina, k'acha kayniykiman jinataj noqamanta yuyarikuy.

Salmos 50:22

Kunanqa, reparakuychej, Diosta qonqapojkuna. Pajtataj noqa qankunata t'isayta qallariykichejman, chantaqa nitaj pipis librayta atishasunkichejmanchu.

Salmos 9:16

Señorqa runaswan rejsichikun, cheqanta ruwaspa. Sajra runataj kikin ch'ipa ruwasqallanwantaj ch'ipaykuchikun.

Salmos 90:8

Sajra kayniykoqa qampa ñaupaqeykipi kashan. Pakaypi juchallisqaykupis ñawisniykipi kashan.

Isaías 1:3

Wakaqa dueñonta rejsin, burropis maypichus dueñon qarasqanta rejsillantaj; Israel aylluyrí mana rejsikapuwanchu, nitaj yuyayniyojchu.

Isaías 26:16

Chay jina llakiypi tarikuspa qanta mask'asorqayku, Señor; ajinata jasut'iwajtiyki astawan mañakorqayku.

Isaías 44:19

Chay runasqa manapuni reparakunkuchu, mana paykuna kikinkumanta unanchakunkuchu, nitaj ninkuchu: Kay llant'amanta wakintaqa ninaman enqhaykuni, chay nina k'ajajpitaj t'antata chayachini, chayllapitaj aychatapis kankani mikhunaypaj. Chay puchojmantaqa uj millachikunata ruwani. Uj k'ulloj ñaupaqempitaj qonqorikuni, nispa.

Isaías 5:12

Qankunaqa jatuchaj mikhuykunata wakirichinkichej, chaypitaj tocarinkichej arpasta, guitarrasta, cajasta, qenastawan. Qankunaqa ashkha vinota ujyarinkichej, manañataj qhawarinkichejchu Señorpa ruwanasninta, nitaj makisninwan ruwasqasnintapis.

Jeremías 14:10

Señorqa kayta Israel ayllunmanta parlaspa nerqa: Ujnejmanta ujnejman puriyta kay aylloyqa maytapuni misk'ichikun. Chayrayku, qhawajteyqa mana allimpajchu rijch'awan. Kunan juchasninkumanta yuyarikuspa, paykunamanta cuentata mañasaj.

Jeremías 16:17

Tukuy ruwasqasniykichejta rikuni. Chay juchasta ruwasqasniykichejpis rikuyniymantaqa mana pakasqachu karqa.

Jeremías 17:1

Judá, uj puntachasqa fierrowan juchaykeqa qhelqasqa kashan, chanta uj puntachasqa diamantewan ima, rumi sonqoyki ukhupi kashan chay altaresniykej wajrasnimpiwan.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 32:19

Qan may jatun kanki ruwasqasniykipi. Qan rikunki runaspa tukuy ruwasqasninkuta, chay ruwasqasninkuman jinataj qan qopunki.

Jeremías 4:18

Purisqasniyki, ruwasqasniykitaj, kay imaschus qhatirisunki chaytaqa apamun, juchasniykirayku kay jatun llakiykunaqa jamun, chaytaj sonqoykita mayta nanachisunki.

Ezequiel 21:29

Mosqoypi jina rikusqankoqa qhasilla kanku, willarasusqampis llullaslla kanku. Chay espadaqa sajra kaspa runasta wañuchinku chaykunaj kunkanman qholuranampaj urmanqa. Paykunata jasut'inapaj p'unchaynenqa chayamunña, sajra imasta ruwanasnin tukukunampaj.

Oseas 12:2

Señor pleitota oqharin Israelwan. Jacobpa ayllunta jasut'enqa chay jinata ruwasqanmanta, chantá pagaponqa chay ruwasqanman jina.

Oseas 4:9

Tukuy aylluta jinataj sacerdotestapis chay ruwasqankuman jina jasut'isaj.

Oseas 6:2

Uj ratollapi kausayninchejta kutichipuwasunchej, sayarichiwasunchej ñaupaqempi kausananchejpaj.

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

Oseas 9:15

Señor nin: Gilgalpi tukuy kaj juchata ruwarqanku, chaypitaj chejnikuyta qallarerqani. Chay sajra ruwasqasninkuraykutaj wasiymanta paykunata wijch'usaj; manaña munakullasajpunichu, chay kuraj runasninkupis tukuyninku contraypi oqharikorqanku.

Oseas 9:9

Q'ala millay kausayman qonkaporqankichej chay Gabaaj tiemposnimpi jina. Chaywampis Señor yuyarikonqa tukuy juchasinkumanta jasut'enqataj chay juchasninkumanta.

Amós 8:7

Señortaj juran Jacobpa jatun kayninrayku: Mana jayk'ajpis qonqasajchu kay jinatapuni ruwasqankutaqa, nispa.

Números 32:23

Sichus mana ajinata nisqaykichejman jinachu ruwankichej chayqa, uj jatun juchata ruwankichej Señorpa contranta, Señorpa jasut'iynintaj ima ratollapis chayamusonqachej chay juchasniykichejrayku.

San Lucas 12:2

Mana imapis qhatasqa kanchu, mana sut'inchakojqa; nitaj pakasqa kajpis mana yachakojqa.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Deuteronomio 32:29

Sichus paykuna yachayniyoj kankuman chayqa, umachakunkuman, imamanchus tukunankuta.

Hebreos 4:13

Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.