Oseas 7:13 - Qheshwa Biblia DC

¹³ Ay paykunamanta, noqamanta t'aqakuwasqankurayku! Phirichikonqankuraj contrayta oqharikusqankurayku. Munani paykunata salvayta, jinapis paykunaqa contraypi llullasta parlanku.

DIOSPA QHELQACHISQAN DEUTEROCANONICAL

¹³ Ay, imapichus tukukonqanku, noqamanta t'aqakuwasqankurayku. Chinkachisqa kananku p'unchay chayamonqa contrayta oqharikusqankurayku. Preciota pagaspa paykunata kacharichiyta munani, paykunatajrí llullakuspa parlawanku.

DIOSPA QHELQACHISQ

¹³ Ay, imapichus tukukonqanku, noqamanta t'aqakuwasqankurayku. Chinkachisqa kananku p'unchay chayamonqa contrayta oqharikusqankurayku. Preciota pagaspa paykunata kacharichiyta munani, paykunatajrí llullakuspa parlawanku.

Oseas 7:13 ပူးပေါင်းရင်းမြစ်များ

Nehemías 1:10

Noqayku qampa kamachisniyki ayllusniykitaj kayku, qan kacharichikuwarqayku jatun atiyniykiwan, kallpaykiwantaj.

Job 22:17

Diosman nerqanku: Jatariy noqaykumanta, imatataj ruwasqa Tukuy Atiyniyoj noqaykupaj?, nispa.

Salmos 106:10

Ajinata enemigosninkumanta salvarqa, chejnikorqanku chaykunamantataj librarqa.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.

Isaías 30:2

Usqhay usqhayta Egiptoman rinku mana noqata tapuriwaspalla, faraonwan yanapachikuyta munaspa, Egiptoj ojllaynimpi pakasqa kayta munaspa.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Isaías 63:8

Señorqa nerqa: Cheqamanta noqaj aylluy kanku, mana llullakoj wawas kanku, noqataj paykunata salvarqani, nispa.

Jeremías 14:10

Señorqa kayta Israel ayllunmanta parlaspa nerqa: Ujnejmanta ujnejman puriyta kay aylloyqa maytapuni misk'ichikun. Chayrayku, qhawajteyqa mana allimpajchu rijch'awan. Kunan juchasninkumanta yuyarikuspa, paykunamanta cuentata mañasaj.

Jeremías 42:20

Qankuna jatun pantakuyta ruwashankichej, qankunallataj niwarqankichej Señor Diosniykichejman qayllaykunayta, niwarqankichejta; Señor Diosniykumanta noqaykurayku mañaripuwayku, yachachiwaykutaj tukuy pay kamachiwasqasniykuta, chayman jina ruwanaykupaj, nispa.

Jeremías 51:9

Babiloniata jampiykunña jinapis manapuni thañinchu. Saqerpariychej. Jakuchej kaymanta. Sapa uj llajtanchejmankama ripunachej. Chay millayta juchachakusqanqa janaj pachakama chayan, phuyuskama oqharikun.

Jeremías 7:15

Qankunata ñaupaqeymanta wijch'usqaykichej imaynatachus ñaupajpi wauqesniykichej Efraimpa munayninmanta kajkunata wijch'orqani ajinata.

Lamentaciones 5:16

Umaykumanta pilloqa urmapun. Imanallasqaykuchus kunanqa, juchallikusqaykurayku.

Ezequiel 16:23

Chayta noqa Señorqa nini: Way, way qanmanta! Tukuy sajra imasta ruwasqasniykimanta qhepata, tukuynin ch'usaj cheqaspi uj altarta ruwakorqanki lantista yupaychanaykipaj.

Ezequiel 18:25

Qankuna niwankichej mana cheqa kajta ruwashasqayta. Israel ayllu, uyariway kunanqa: Manachu allinta ruwashani? Aswampis qankunaj ruwasqasniykichejraj mana allinchu.

Ezequiel 34:6

Ovejasneyqa tukuy lomasnejpi jatuchaj orqosnejpi chinkasqas purerqanku, tukuynejpi ch'eqerasqas karqanku, manataj pipis paykunamanta llakirikojkuna karqankuchu, nitaj mask'amojkunapis.

Oseas 11:12

Efraenqa llullerasninwan muyuykuwan; Israel ayllupi ch'aukeriyasninwan muyuykuwan. Judatajrí, Diosmanta t'aqakapun, kunantaj sumajta purikushan chay lantisninwan.

Oseas 11:2

Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

Oseas 5:7

Señorman mana cheqantachu purerqanku, wawasninkoqa waj tatasniyojtaj rikhurerqanku, chayrayku kunanqa uj killallapi jallp'asninkupis chinkachisqas kanqanku.

Oseas 7:1

Maypachachus Israel aylluywan allin kaymanña yaykuyta munasharqani, maypachachus jampikapuyta munasharqani, jinallamanta Efraín jinataj Samariapis juchasninkuta, chay millay ruwasqasninkutapis sut'iman rikhuricherqanku; imaraykuchus tukuyninku llullas kanku, suwas jina wasisman yaykuykunku, kikin ñan patapi runasmantapis qhechuraj churakunku.

Oseas 7:3

Runasneyqa millay ruwasqasninwan llullerasninwantaj reykunasninta kurajkunasnintapis kusichishan.

Oseas 9:12

Chaywampi wawasninkuta uywaspa kausachinkuman chayqa, noqa qhechukapuyman ni uj puchuyojta. Ay, imachus kay runasmanta kanman paykunamanta t'aqakapojteyqa.

Oseas 9:17

Kay aylloqa Diosniyta mana kasuyta munarqachu. Chayraykumin Diosneyqa paykunata qhesachallanqataj, tukuy llajtasnejta puriskiris jina purinankupaj.

Jonás 1:10

Buqueta purichejkunataj chayta uyarispa, maytapuni mancharikorqanku, nerqankutaj: Imaraykutaj qan jinata ruwankiri?, nispa. Imaraykuchus paykuna yacharanku Jonasqa Señormanta ayqeshasqanta, chaytari payllataj siminwan willakorqa.

Jonás 1:3

Jonastaj kasunantaqa, Señorpa ñaupaqenmanta ayqeyta munarqa, jinataj Jonasqa mar qocha cantopi Jopeman ayqerqa. Chaypitaj uj buqueta Tarsisman puririshajtaña taripasqa. Usqhayta pasajeta rantikuspataj wichariytawan riporqa.

Miqueas 6:12

Kay llajtamanta qhapaj kajkuna tukuyninku kaypi tiyakojkunamantaqa; ñak'arichejkuna kanku, llullas, ch'aukeyajkunataj kanku.

Miqueas 6:4

Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

Deuteronomio 15:15

Ama qonqankichejchu qankunapis Egiptopi kamachis kasqaykichejmanta, maynejmantachus Señor Diosniykichej kacharichimusunkichej. Chayrayku kunanqa noqa kay kamachiyta qoykichej.

1 Juan 1:10

Mana juchallikunchejchu nisunman chayqa, llullata jina Diosta qhawachinchej, palabrantaj mana noqanchejpichu kashan.

Apocalipsis 8:13

Rikorqanitaj uj angelta, janaj pachaj chaupinta phawashajta, uyarerqanitaj nejta: Ay, ay, ay, jallp'api tiyakojkunamanta! Chay kinsa angelesqa, trompetasta waqachinankuraj tiyan, nispa.