Oseas 7:12 - Qheshwa Biblia DC

¹² Maypachachus, jaqayman rejtinku, ch'ipayta paykunaj patanman mast'aykusaj, pata qhawaj p'isqosta jina urmarachisaj, jinatamin jap'irasaj juchasapas kasqankurayku.

DIOSPA QHELQACHISQAN DEUTEROCANONICAL

¹² Chaywanpis jaqayman rishajtinku, noqa Tata Dios ch'ipayta patankuman wijch'uykusaj, p'isqokuna jinatataj jap'irasaj. Ajinata paykunata juchankumanta jasut'isaj.

DIOSPA QHELQACHISQ

¹² Chaywanpis jaqayman rishajtinku, noqa Tata Dios ch'ipayta patankuman wijch'uykusaj, p'isqokuna jinatataj jap'irasaj. Ajinata paykunata juchankumanta jasut'isaj.

Oseas 7:12 ပူးပေါင်းရင်းမြစ်များ

Job 19:6

Kunanqa yachaychej allinta, Diospuni noqataqa urmachiwan; paymin noqataqa tojllampi maniyachiwan.

Eclesiastés 9:12

Runaqa kikin tiempontapis mana rejsinchu; imaynatachus challwasqa ch'ipapi ch'ipaykuchikunku; imaynatachus phawajkunaqa tojllaman urmanku, ajinata runaqa mana suyaspalla ch'ipaykuchikun, kaymanta jinalla chay tiempowan jap'ichikuytawan.

Jeremías 16:16

Noqa jamuchisaj ashkha challwa jap'ejkunata, noqa Señor chayta nini, challwasta jina israelitasta jap'inankupaj, chanta kachamullasajtaj ashkha uywa wañuchejkunata, wañurachisunaykichejpaj tukuy orqospi, lomaspi, jinataj chay chhanka k'ajllusnimpipis.

Jeremías 44:4

Kutin kutinta kamachisniy profetasta qankunaman kachamorqaykichej willanasuykichejpaj millachikuni chaykunata amaña ruwanaykichejpaj.

Ezequiel 12:13

Noqa ch'ipayta paypa patanman choqaykamusaj, chaywan jap'isqa rikhurenqa. Chantá Babiloniaman apachisaj, caldeospa jallp'anman, chay jallp'ata mana rikonqachu, chaypitaj wañonqa.

Ezequiel 17:20

Ch'ipasniyta payman choqaspa jap'isaj, Babiloniamantaj apasaj. Chaypitaj tukuy imata contraypi ruwasqanmanta cuentata mañasaj.

Ezequiel 32:3

Señorqa kay jinata nin: Challwa jap'ina ch'ipayta pataykiman choqaykamusaj, chaywantaj ashkha runas chaupinmanta orqhomusonqanku.

Oseas 5:9

Efraenqa q'ala pampachasqa kanqa jasut'i p'unchay chayamojtenqa. Chayta rejsichini Israel ayllukuna ukhupi, kay tukuy imasqa cheqamanta qhatirenqanku.

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.