Oseas 6:9 - Qheshwa Biblia DC

⁹ Sacerdotesqa paykuna ukhumanta tukuyninku suwayman qokapunku, runasmanta suwanankupaj qhawasqallankupiña kanku; wañuchinankupaj, tukuy p'enqay ruwaykunasta ruwanankupajtaj Siquem tukuy ñan rejpi.

DIOSPA QHELQACHISQAN DEUTEROCANONICAL

⁹ Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

DIOSPA QHELQACHISQ

⁹ Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

Oseas 6:9 ပူးပေါင်းရင်းမြစ်များ

1 Reyes 12:25

Jeroboamqa Efraín orqopi Siquem llajtata watejmanta ruwacherqa, chaypitaj tiyakorqa. Chaymanta llojsispataj Penuel llajtatañataj watejmanta ruwacherqa.

Esdras 8:31

Ahava mayumanta purirerqayku, ñaupaj kaj killapi chunka iskayniyoj p'unchay kashajtin Jerusalén cheqaman rinaykupaj. Diosniyku yanapawarqayku, waqaychawarqaykutaj ñampi sajra runakunamanta wañuchinawaykupaj wateqajkunamantawan.

Jeremías 11:9

Señorqa nishallawarqapuni: Judá ayllumanta kajkuna, jinallataj Jerusalempi tiyakojkunapis contraypi oqharikunku.

Ezequiel 22:25

Chay llajtapi kamachejkunataj, phiñakuywan qhaparej onzas jina kanku, jap'isqankuta llik'inoqanku, runasta jallp'ankupi mikhuranku. Qolqe waqaychasninkuta, kapuyninkutawan suwanku. Ashkha warmistataj viudasta saqeranku.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Ezequiel 22:9

Kay llajtapi llullata parlaj runas kajtinku, wakin runas wañuchisqas karqanku. Lomaspi dioskunaman jaywasqa imasmanta mikhumoj rerqanku, millay imastataj ruwanku.

Ezequiel 23:27

Ajinamanta Egipto jallp'api munayniykipi purisqaykita, qhenchachakusqaykitawan chinkachisaj. Manataj egipciostaqa ujtawampis qhawarinkichu, Egiptomantataj mana jayk'ajpis yuyarikunkiñachu.

Oseas 2:10

Qharisnimpa ñaupaqempi q'alallata rikhurichisaj. Ni pitaj makiymantaqa kacharichiwanqachu!

Oseas 4:2

May chhikasta paykuna ukhupeqa qhasillamanta juranku, llullakunku, wañuchinakunku, suwanakunkutaj chantá chay qhencheríos, sajra ruwaykunas, wañuchinaykunaspis qhepampi, qhepampi kallampuni.

Oseas 5:1

Sacerdotekuna, uyariychej kayta; allinta uyariychej, Israel runakuna; reypa wasimpi kajkunapis uyariychej: Qankunaj contraykichejpimin juicio kanqa, imaraykuchus Mizpapi uj misk'anata churarqankichej uj ch'ipatataj aysarqankichej, Tabor orqo patapi.

Oseas 5:2

Chantá uj ukhu pujyuta allarqankichej, chay Sitim pampaspi, chayraykumin tukuyninkuta jasut'isaj.

Oseas 7:1

Maypachachus Israel aylluywan allin kaymanña yaykuyta munasharqani, maypachachus jampikapuyta munasharqani, jinallamanta Efraín jinataj Samariapis juchasninkuta, chay millay ruwasqasninkutapis sut'iman rikhuricherqanku; imaraykuchus tukuyninku llullas kanku, suwas jina wasisman yaykuykunku, kikin ñan patapi runasmantapis qhechuraj churakunku.

Miqueas 3:9

Kunan kayta uyariychej, qankuna cheqan kajta chejnejkuna Israelpa kamachejkunasnin kurajkuna kajkunapis, q'ewinchejtaj tukuy cheqan kajtapis,

Miqueas 7:2

Kay pachapi manaña kanchu cheqan runas nitaj Diosman sinch'ita sayaj kajkunapis; tukuy suyashanku wañuchillaytaña, chay hora chayamunallanta ruwanankupaj; ujkuna ujkunataj misk'achinakunku.

Sofonías 3:3

Kamachejninkoqa qhapariykachaj leonkuna jina kanku. Juecesninkutaj, q'ayantimpaj ni uj tulluta puchuchej campo atojkunaman rijch'akunku.

Marcos 14:1

Iskay diallaña Pascuapaj kashajtin; chay Pascua diapi, mikhoj kanku mana levadurayoj t'antata. Kuraj sacerdotestaj, leymanta yachachejkuna ima mask'asharqanku imaynamantachus Jesusta pakayllamanta jap'ichispa wañuchinankupaj.

San Juan 11:47

Chaypacha kuraj sacerdotes, fariseos ima, jatun juntapi nerqanku: Imatataj ruwasunri? Kay runaqa ashkha milagrostaña ruwan, nispa.

Hechos 4:24

Paykunataj chayta uyarispa, tukuyninku uj sonqolla Diosman qhaparerqanku, nispa: Señor, qan ruwarqanki janaj pachata, kay pachatawan, jatun qochatapis, tukuy imas paykunapi kajkunatawan.