Oseas 6:8 - Qheshwa Biblia DC

⁸ Galaad llajtaqa, millayta ruwajkunajpa tiyakunanku llajtamin, yawar jich'asqasninkuwan q'ala ch'ichichasqa.

DIOSPA QHELQACHISQAN DEUTEROCANONICAL

⁸ Galaad llajtaqa millayta ruwajkunaj llajtan, jinataj runa wañuchejkunawan junt'a.

DIOSPA QHELQACHISQ

⁸ Galaad llajtaqa millayta ruwajkunaj llajtan, jinataj runa wañuchejkunawan junt'a.

Oseas 6:8 ပူးပေါင်းရင်းမြစ်များ

2 Samuel 20:8

Gabaompi jatun chhanka chaynejpiña kashajtinkuri, Amasa paykunata taripaj llojserqa. Joabqa maqanakuna p'achanta churasqa kasharqa, uj chumpiwan sumaj chumpisqa, uj ladompitaj vainampi espadayoj, chaytaqa orqhoyta atej uraman aysaspalla.

2 Samuel 3:27

Abner, Hebronman chayamojtinkamataj, Joabqa llajta punkumanta wajnejman pusarqorqa sapallampi parlamunampaj, chaypitaj wijsampi t'ojsispa wañorparicherqa, hermanon Asaelpa wañuchisqanmanta vengakuspa.

1 Reyes 2:5

Qanqa ñapis yachankiña imatachus ruwawasqanta Sarviaj wawan Joabqa, imatachus ruwasqanta israelita soldadospa chay iskay kurajkunasninwan, Nerpa wawan Abnerwan, Jeterpa wawan Amasapiwan, paykunataqa wañucherqa mana maqanaku kashajtin, yawarta jich'aspa maqanaku tiempopi jina, p'achasniyta, ojot'asniytawan yawarchaspa.

Salmos 10:8

Ranchosta puriykachan wateqaspa, pakaymantataj mana juchayojta wañuchin. Mana atejtaqa wateqallampuni.

Salmos 141:4

Yuyayniymanta sajra imasta karunchaway, amataj saqewaychu sajra imasta ruwajta, nitaj saqewaychu millayta ruwajkunawan qhochukusninkupi ujchakunayta.

Salmos 59:2

Sajra runaspa makisninkumanta libraway. Runa wañuchismanta salvaway.

Isaías 59:6

Kusikusi llikhanmanta awasqa p'achaqa churakunapaj mana walejchu, manataj ukhunkutapis jark'anqachu. Chay ruwasqasninkoqa sajrallapuni, chay jina jucha ruwaylla makisninkupeqa kashan.

Jeremías 11:19

Noqa ch'inlla kakusharqani, imaynatachus uj corderota wañuchej apanku ajinata, mana yachaspa imatachus contraypi ruwayta munashasqankuta. Nisharqanku: Sach'ata k'utunachej, kunan kallpampi kashajtin; t'iranachej kay pachapi kausajkuna ukhumanta, manaña pipis paymanta ujtawan yuyarikunampaj.

Oseas 12:11

Galaadpi tiyan kay pacha dioskunasninku; pero chaykunaqa qhasi mana kaj dioskunalla kanku. Gilgalpiri torosmanta rikuchikusninkuta jaywanku. Chay altarkunasninkupi, campo surk'uspi rumi qollus jina kanku.

Oseas 12:12

Jacob ayqerqa Arampa camposninman, chaypitaj warminta tarinampaj ovejas michejmanta kanan karqa.

Oseas 4:2

May chhikasta paykuna ukhupeqa qhasillamanta juranku, llullakunku, wañuchinakunku, suwanakunkutaj chantá chay qhencheríos, sajra ruwaykunas, wañuchinaykunaspis qhepampi, qhepampi kallampuni.

Oseas 5:1

Sacerdotekuna, uyariychej kayta; allinta uyariychej, Israel runakuna; reypa wasimpi kajkunapis uyariychej: Qankunaj contraykichejpimin juicio kanqa, imaraykuchus Mizpapi uj misk'anata churarqankichej uj ch'ipatataj aysarqankichej, Tabor orqo patapi.

Miqueas 7:2

Kay pachapi manaña kanchu cheqan runas nitaj Diosman sinch'ita sayaj kajkunapis; tukuy suyashanku wañuchillaytaña, chay hora chayamunallanta ruwanankupaj; ujkuna ujkunataj misk'achinakunku.

Hechos 25:3

Festomantataj mañakorqanku Jerusalenman Pablota pusachinanta; imaraykuchus paykunaqa ñapis yachachinakorqankuña ñampi wañuchinankupaj.