Oseas 6:6 - Qheshwa Biblia DC

⁶ Noqaqa astawan munani munakunawaykichejta, manataj sacrificiosllatachu apachimunawaykichejta. Munani Diosniykichejta jina rejsinawaykichejta, manataj q'olachinasllatachu apamunawaykichejta.

DIOSPA QHELQACHISQAN DEUTEROCANONICAL

⁶ Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

DIOSPA QHELQACHISQ

⁶ Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

Oseas 6:6 ပူးပေါင်းရင်းမြစ်များ

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

Salmos 50:8

Mana uywa wañuchisqata jaywawasqaykimantachu k'amiyki. Uywastaqa jaywashallawankipuni, altar patapi q'olachispa.

Proverbios 21:3

Cheqanta puriyta, cheqan kajtawanqa ruwaypuni, Señorqa chayta astawan munan uywa ñak'asqasta jaywanamanta nisqaqa.

Eclesiastés 5:1

Diospa wasinman rispaqa as allinta puriy; astawan qayllakuy sumajta uyarinaykipaj, wampu runas jina uywa ñak'asqata jaywanaykimanta nisqaqa. Chaykunaqa mana yachankuchu mana allin kajta ruwashasqankuta.

Isaías 1:11

Señorqa nin: Imapaj apamuwankichej chay chhika rikuchikusta? Millachikuniña chay rikuchiku carnerosta, waka uñaspa wirasninta, millayta q'apaykuwan torospa yawarnin, jinataj ovejaspata, chivospata ima.

Isaías 58:6

Manachu yachankichej imayna ayunotachus munasqayta? Noqaqa munani sajra kaj watanasta phashkaranaykichejta, yugo watanasta phashkaranaykichejta, llakichisqa kajkunata kacharinaykichejta, yugopi jina watasqa kajkunatapis.

Jeremías 22:16

Payqa ñak'arejkuna wajchastapis yanapaj, chayrayku paytaqa tukuy imapi allin rerqa. Chaypi yachakun noqa Señorta rejsiwasqanqa. Noqa Señor chayta nini.

Jeremías 7:22

Maypachachus qankunaj ñaupa tatasniykichejta Egiptomanta orqhomorqani chaypachaqa, mana imatapis nerqanichu, nitaj kamacherqanichu uywa wañuchisqasta q'olachinamanta, nillataj uywata wañuchispa jaywanamantapis.

Daniel (hebreo) 4:27

Chayrayku, kay nisusqayta kasuway: Rey kayniykipi cheqanta ruway, amataj aswan juchalliychu. Sajra kausayniykita saqespa, pisipachikoj wajcha runakunata yanapay. Ichapis ajinamantaqa kausakunki mana ima llakiyniyoj, tukuy imapipis allillan risonqa aswan unaykamataj.

Oseas 14:2

Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

Oseas 2:20

Noqa qanwan warmichakusaj, cheqamanta qanllapajtaj kasaj; qanrí, Señorta jina rejsiwanki.

Oseas 4:1

Israelitas, uyariychej Señorpa nisqanta. Pay yaykunña phiñanakuyman kay llajtapi tukuy tiyakojkunawan, imaraykuchus manaña paykuna ukhupi kanchu cheqamanta munakuy, manachayqa ch'aukeyanakuylla, nitaj Diostapis rejsinkuchu.

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

Amós 5:21

Fiestachakusqasniykichejta chejnikuni, qhesachanitaj; sumajta tantakusqasniykichejqa manapuni noqapajqa allinchu.

Miqueas 6:6

Imawantaj chimpaykuyman yupaychaj janaj pacha Dios Señorniymanri? Payman chimpaykuymanchu uj watayoj waka uñawan ruphachina rikuchikuta jaywanaypaj?

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

San Mateo 12:7

Yachawajchejchus imatachus niyta munan: Khuyakuyta munani, mana uywa wañuchisqatachu. Mana jayk'ajpis juchachawajchejchu mana juchayojkunataqa.

San Mateo 5:7

Kusikuyniyoj kanku khuyakojkunapis, imaraykuchus paykunaqa khuyakuyta tarenqanku.

San Mateo 9:13

Rispa yachamuychej, imatachus kay niyta munasqanta: Khuyakuyta munani, mana uywa wañuchisqatachu. Chayrayku, mana cheqanta kausajkunatachu mask'aj jamuni; astawanqa juchasapasllata.

Marcos 12:33

Diosta tukuy sonqo munakoyqa, tukuy yachaywan, tukuy almawan, tukuy kallpawan ima, runa masinchejtataj noqanchejta jina munakoyqa; aswan allin ruphachina rikuchikusmanta, uywa wañuchisqasta Diosman jaywanamanta ima nisqaqa.

Josué 5:5

Chaywampis Egiptomanta llojsimojkunaqa tukuyninku circuncidasqa karqanku. Chaymantaqa chay purisqankupi nacejkunaqa mana circuncidasqachu karqanku.

1 Juan 2:3

Diospa kamachisqasninta kasusqanchejpi yachanchej payta rejsisqanchejta.

1 Juan 3:6

Jesucristowan kakojqa, mana juchachakunchu. Juchallapipuni kakojrí, mana payta rikorqachu, nitaj rejserqachu.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.