Oseas 6:5 - Qheshwa Biblia DC

⁵ Chayrayku profetasniynejta chhika chhikanta t'unata ruwarpaykichej, willayta apachimusqaywantaj wañucherqaykichej. Cheqan justiciaytaj uj k'anchay jina llojsimun.

DIOSPA QHELQACHISQAN DEUTEROCANONICAL

⁵ Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

DIOSPA QHELQACHISQ

⁵ Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

Oseas 6:5 ပူးပေါင်းရင်းမြစ်များ

Génesis 18:25

Señor, tukuchinaykeqa mana allinchu kanman, mana juchayojta juchasapastawan khuska, iskayninkupis juchallatapuni ruwankuman jina. Ama chayta ruwaychu ari. Qan kanki kay mundontinta cheqanchaj, chayrayku, manachu cheqan kajtapuni ruwanayki tiyan?

1 Reyes 14:6

Ahiastaj warmej thaskisqanta uyarispa, punkuta yaykumushajtinña, nerqa: Jeroboampa warmin, yaykumuy. Imaraykutaj waj jinaman tukuspa jamunkiri? Kunan noqa qanman kachamusqa kani manchay phiñakuy willayman.

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

1 Reyes 18:17

Acabqa Eliasta rikhuspa, nerqa: Qanchu kanki Israelta musphachejqa?, nispa.

1 Reyes 19:17

Pichus Hazaelpa espadanmanta ayqekojtaqa Jehú wañuchenqa, Jehój espadanmanta ayqekojtataj Eliseo wañuchenqa.

2 Reyes 1:16

Paytaj nerqa: Señorqa ajinata nin: Qanqa kachanki tapumojta Ecrompa diosnin Baal-zebuta, manapis Israelpi Diosqa palabranta tapurinaykipaj kanmanchu karqa jina. Chayrayku kunanqa chay camaykimanta mana jatarinkiñachu, cheqamanta kikimpi wañunki.

2 Crónicas 21:12

Chaypachataj Joramqa, profeta Eliasmanta uj cartata jap'erqa, chaypitaj nerqa: Ñaupa tatayki Señor Diosnin nisunki: Mana qanqa tatayki Josafatpa ñankunasnimpichu purinki, nitaj Judáj reynin Asaj ñankunasnimpichu.

Job 15:30

Laqhayaymanta mana ayqeyta atenqachu, uj sach'aj q'erqemusqanta ujllata nina qhasurpayan jinata rupharparenqa, chayri wayra t'ikanta thalarparin jinata urmachenqa.

Job 34:10

Qankuna, yachayniyoj runasqa, uyariwaychej; Ama yuyaychejchu Tukuy Atiyniyoj Dios, imastapis mana kajta ruwasqanta, chayri sajrata ruwasqanta.

Salmos 119:120

Qanta manchachikuspa tukuy ukhuy kharkatitin, kamachisqasniykitataj munakuywan kasuni.

Salmos 37:6

Cheqan kayniykita k'anchayta jina k'anchachenqa. Allinniykipaj kajtapis chaupi diata jina k'ancharichenqa.

Isaías 11:4

Manachayqa, cheqanta ruwaspa wajchasta cheqanchanqa, kay jallp'api llamp'u sonqoyojkunapaj cheqanta ruwanqa. Sajra runataqa palabrallanwan nanachenqa; siminmanta samaynillanwan juchasapataqa wañuchenqa.

Isaías 58:1

Ama samarispa atisqaykita qhapariy, pututu jina qhapariy, Jacobpa miraynin aylluyta juchasninmanta k'amiy.

Jeremías 1:10

Noqa simiykiman palabrasniyta churani. Noqa kunan p'unchay atiyta qoyki aylluspi nacionespitaj, sik'inaykipaj, thuñinaykipaj, phirinaykipaj, t'unanaykipajtaj, chantá atillankitaj watejmanta jatarichiyta, sayachiytapis.

Jeremías 1:18

Kunan p'unchay noqa churayki, may sinch'i jark'achisqa llajtata jina, fierromanta ruwasqata jina, broncemanta perqa ruwasqata jina, tukuy Judá jallp'aj contrampi sayanaykipaj; jinallataj reyesnimpa, kurajkunasnimpa, sacerdotesnimpa, llajtapi tukuy kajkunaj contrampi ima.

Jeremías 13:13

Qantaj kutichinki: Señorqa nin: Kay jallp'api tukuy tiyakojkunata machaykuchisaj; Davidpa tiyanampi tiyashanku chay reykunatapis, sacerdotesta, profetasta, jinallataj Jerusalempi tukuy tiyakojkunatapis.

Jeremías 23:29

Palabrayqa nina jinamin, rumista t'unaj martillo jinataj. Noqa Señor chayta nini.

Jeremías 5:14

Chayta paykuna nisqankurayku kay imas paykunata qhatirenqa: Saqesaj kay parlasqasniy, nina jina simiykimanta llojsinanta, Israel ayllutaj llant'a jina kachun, chay ninataj paykunata ruphaykonqa.

Ezequiel 11:4

Chayrayku sutiypi paykunaj contrampi sut'inchay.

Ezequiel 3:9

Diamante rumita jina sinch'ita ruwasqayki, chhanka rumimantapis aswan churkitaraj. Ama paykunata manchachikuychu, nitaj manchachikuychu phiña uya qhawarimusojtinkupis, aswan mana kasukoj kajtinkupis.

Ezequiel 32:18

Runa, wañusqaspaj takinata takipuy Egiptopi tiyakoj ashkha runaspaj. Jallp'a ukhuman choqaykuy atiyniyoj nacionespi kaj nacionesmanta kaj warmistawan khuskata, maymanchus wañojkuna rinku chayman.

Ezequiel 43:3

Chay mosqoypi jina rikusqayqa Jerusalenmanta t'unaykunampaj Señor jamojta rikorqani. Ajina karqa Quebar nisqa mayu cantopi rikorqani chay kikillantaj. Chayta rikuspataj pampakama k'umuykorqani.

Sofonías 3:5

Chay tukuywampis Señorqa llajtapi kashan. Allin kajtapuni payqa ruwan, manataj sajra kajtachu. Sapa paqarin cheqa kaj imasta wakichin, manataj pantanchu jayk'ajpis. Sajra runarí mana p'enqakuyllatapis yachanchu.

Hechos 7:31

Moisesqa t'ukorqa chayta rikuspa. Imachus kasqanta allinta qhawanampaj qayllaykushajtintaj, Diospa parlamusqanta uyarerqa: Noqa kani tatasniykej Diosnin, Abrahampa Diosnin, Isaacpata, Jacobpata ima, nispa. Moisesqa mancharikuywan kharkatitispa, mana qhawariyllatapis munarqachu.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

Efesios 6:17

Salvación monterata umaykichejman churakuychej. Espíritoj espadanta jap'iychej; chaytaj Diospa palabran.

Hebreos 4:12

Diospa palabranqa kausayniyoj, atiyniyojtaj; khuchuytataj atin astawan iskay filoyoj espadamanta nisqaqa; yaykuntaj ukhukama, almata, espirituta, ankusta, chilenatapis p'itinankama; allintataj rejsin sonqoj yuyasqasninta, munasqasnintapis.

Apocalipsis 1:16

Paña makimpitaj qanchis qoyllurkunata jap'isharqa; siminmantataj iskay filoyoj espada llojsimusharqa; uyantaj karqa inti sinch'ita lliphipishaj jina.

Apocalipsis 2:16

Chayayku juchata saqey ari, manachayqa usqhayta jamusqayki, simiypi kaj espadawantaj paykunaj contrampi maqanakusaj.

Apocalipsis 9:15

Chay tawa angelestaj phaskarasqas karqanku, pikunachus chay horapaj, chay p'unchaypaj, chay killapaj, chay watapaj wakichisqas karqanku, runaspa kinsa kaj t'aqanta wañurachinankupaj.

Apocalipsis 9:21

Manataj kutirikorqankuchu juchasninkumanta, runata wañuchisqankumanta, layqachisqankumanta, qhenchachakusqankumanta, suwasqasninkumanta ima.

1 Samuel 13:13

Samueltaj kuticherqa: Kaytaqa wampu jina ruwanki. Sichus Señorpa kamachisqanta ruwawaj karqa chayqa, payqa wiñaypaj kamachiyniykita sayachinman karqa.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.

1 Samuel 15:32

Chaymanta Samuelqa kamacherqa: Kayman pusamuway Amalecpa reynin Agagta. Agagtaj may kusisqa Samuelpa ñaupaqenman chimpamorqa, llakiyta wañunanmantaqa librakusqantaña yuyaspa.

1 Samuel 15:33

Samueltaj chaypi nerqa: Qan espadaykiwan ashkha warmista mana wawasniyojta saqerqanki. Kunanqa ajinallataj mamaykita qhatirenqa. Chayta niytawantaj Samuelqa, Señorpa ñaupaqempi chay reytaqa Gilgal llajtapi chhikan chhikanta khuchurarqa.