Oseas 6:3 - Qheshwa Biblia DC

³ Atisqanchejta kallpachakunachej Señorta rejsinanchejpaj! Señor jamonqapuni noqanchejman, imaynatachus inteqa cheqamanta llojsimunampuni kashan ajinata, chayri imaynatachus paraqa jallp'ata qarpanampuni kashan tiempompeqa, ajinata.

DIOSPA QHELQACHISQAN DEUTEROCANONICAL

³ Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

DIOSPA QHELQACHISQ

³ Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Oseas 6:3 ပူးပေါင်းရင်းမြစ်များ

Job 29:23

Paykunaqa mayta suyawaj kanku noqata uyarinawankupaj, imaynatachus parata suyanku q'oñi tiempopi ajinata.

Salmos 19:4

Chayqa tukuynejpi yachakun, mundoj tukukuyninkama chayan, intej yaykuyninkama.

Salmos 19:6

Inteqa cieloj ujnin cantonmanta llojsimun, muyuykuntaj ujnin cantonman chayanankama. Mana imapis ruphayninmanta ayqenmanchu.

Salmos 63:8

Tukuy kausayniy qanwan khuska kashan. Paña makiykeqa mana kachariwanchu.

Salmos 65:9

Qanqa jallp'ata watukunki, parachinkitaj. Mayta qhapaj kayniykiwan qhapajyachinki. Qanqa mayuspi yakusniykiwan trigostapis wiñachipunki, munayniykiman jina.

Salmos 72:6

Reyqa qhorasta qarpaj jina kachun, chhulla jina jallp'ata qarpajtaj.

Proverbios 4:18

Cheqan runaspa ñanninkoqa sut'iyamuyta inti llojsimushaj jina, astawan p'unchayyamusqanman jinari sumajta k'ancharimun.

Isaías 2:3

Ashkha runakuna jamuspa nenqanku: Jakuchej, Señorpa lomanman wicharinachej, Jacobpa Diosnimpa wasinman, pay ñankunasninmanta yachachinawanchejpaj, chaki ñankunasnimpi purinanchejpaj, imaraykuchus leyqa Sionmanta llojsenqa, Señorpa palabrampis Jerusalenmanta.

Isaías 32:15

Chanta Señorpa atiynin ujtawan noqaykuman jamonqa. Ch'aki ch'in pampaqa sumaj chajra poqonaman tukonqa. Sumajta chajra poqona jallp'astaj monteman tukonqa.

Isaías 44:3

Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

Isaías 5:6

Ch'impachata ruwasaj. Manaña puntasninta k'utonqankuchu, nitaj qhoranqankuchu. Khishkalla junt'aykonqa waj qhoraspiwan. Phuyusman nisaj amaña chaynejman paramunanta.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Oseas 10:12

Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

Oseas 14:5

Israelpaj noqa kasaj uj chhulla jina, paytaj liriokuna jina t'ikarenqa. Saphisnenqa Líbanoj orqompa saphisnin jina sinch'is kanqanku;

Oseas 14:6

ramasnimpis ima k'achata aysarikonqanku, olivo sach'aj ramasnin jina, q'apaynintajri Libanopi cedrospa q'apaynin jina kanqa.

Oseas 2:20

Noqa qanwan warmichakusaj, cheqamanta qanllapajtaj kasaj; qanrí, Señorta jina rejsiwanki.

Miqueas 4:2

May chhika llajtastaj jamonqanku nispa: Jamuychej, Señorpa orqonman wicharinachej, Jacobpa Diosnimpa chay yupaychana wasinman, Pay ñankunasninta rikuchinawanchejpaj, purinanchejpajtaj chay ñankunasninta, imaraykuchus Sionmanta llojsimonqa Señorpa yachachiykunasnenqa, kamachiykunasnintaj Jerusalenmanta.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

Miqueas 5:7

Chaypacha, Jacobpa ayllunmanta puchojkuna ashkha llajtaspa chaupimpi kanqanku; Señorpaj apachimusqan chhulla jina, para imaynatachus qhoras pataman urmamun mana runaj munasqanraykullachu ajinata.

Zacarías 10:1

Señormanta mañaychej ñaupaj parasta, Señortaj pichus lliuj q'ajkunasta ruwan, payllataj ashkhata parachimusonqachej, tukuypajtaj campopi qhorasta wiñachenqa.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

San Lucas 1:78

Diosninchejqa, khuyakoj sonqonrayku, patamantapacha k'anchamuspa watukuwarqanchej.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

San Juan 7:17

Diospa munayninta ruwayta munajqa, yachachiyninta rejsenqa Diosmantachus, chayrí noqallamantachus kasqanta.

Hechos 17:11

Chaykunataj aswan k'achas karqanku Tesalonicapi tiyakojkunamanta nisqaqa, imaraykuchus Diospa palabranta tukuy sonqo yachakorqanku. Sapa p'unchaytaj Escriturata allinta qhawaspa, mask'arqanku cheqachus manachus kasqanta Pabloj yachachisqan.

Deuteronomio 32:2

Yachachisqayqa para jina jich'akamonqa, yuyasqayqa chhulla jina kanqa, qhora patapi chhillchi jina, ch'iki patapi yaku sut'ushaj jina.

Hebreos 3:14

Cristowan chayaqeyoj kanchej; sichus creesqanchejta, qallariymanta tukukuykama sinch'ita jap'isunchej chayqa.

2 Pedro 1:19

Tiyapullawanchejtaj profetaspa mana chinkaj escribisqasninku. Chay palabrasta uyarispataj allinta ruwankichej; imaynatachus uj k'anchay laqhapi sut'iyanankama k'anchan, ajinata; paqariy ch'aska jinataj sonqoykichejpi k'ancharinankama.

Apocalipsis 22:16

Noqa Jesús, angelniyta kachamorqani kay imasmanta iglesiasman willanampaj. Noqa Davidpa saphin, miraynintaj kani, sut'iyaypi lliphipej ch'askataj.