Oseas 5:1 - Qheshwa Biblia DC

¹ Sacerdotekuna, uyariychej kayta; allinta uyariychej, Israel runakuna; reypa wasimpi kajkunapis uyariychej: Qankunaj contraykichejpimin juicio kanqa, imaraykuchus Mizpapi uj misk'anata churarqankichej uj ch'ipatataj aysarqankichej, Tabor orqo patapi.

DIOSPA QHELQACHISQAN DEUTEROCANONICAL

¹ Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

DIOSPA QHELQACHISQ

¹ Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Oseas 5:1 ပူးပေါင်းရင်းမြစ်များ

Jeremías 11:7

Ñaupa tatasniykichejta Egiptomanta orqhomorqani chaypachaqa nerqani kasunawankuta, chaymantapacha kunankamataj k'amillarqanipuni kasunawankuta.

Jeremías 13:18

Reyman niy, jinataj maman reinamampis, chay tronoykichejmanta pampallapi uraykuychej. Chay k'achanchakorqankichej chay pillu umaykichejmanta urmanña.

Jeremías 46:18

Noqa rey kani, sutiytaj Tukuy Atiyniyoj Señor, kausayniyrayku juraykichej: Tabor jina, tukuy orqosmanta aswan jatun kaj, Carmelo orqotaj mar qocha cantopi aswan oqharisqa, ajinatamin jamushan chay enemigoqa.

Oseas 10:15

Ajinallatataj qankunatapis qhatirisonqachej, Betelpi tiyakojkuna may jatunta juchallisqaykichejrayku. Israelpa reynin wañonqa sut'iyayllamantaraj!

Oseas 13:8

China jukumari imaynatachus uñasninta chinkachispa llojsin mask'aj, ajinata ñanninkuman llojsisaj, sonqonkutataj t'unata ruwasaj. Chay kikimpi uj león jina oqoykusaj, monte animal jinataj q'alata t'unasaj.

Oseas 4:1

Israelitas, uyariychej Señorpa nisqanta. Pay yaykunña phiñanakuyman kay llajtapi tukuy tiyakojkunawan, imaraykuchus manaña paykuna ukhupi kanchu cheqamanta munakuy, manachayqa ch'aukeyanakuylla, nitaj Diostapis rejsinkuchu.

Oseas 6:9

Sacerdotesqa paykuna ukhumanta tukuyninku suwayman qokapunku, runasmanta suwanankupaj qhawasqallankupiña kanku; wañuchinankupaj, tukuy p'enqay ruwaykunasta ruwanankupajtaj Siquem tukuy ñan rejpi.

Oseas 9:8

Dios churarqa profetanta Efrainta qhawanampaj, qankunatajrí chay purinanman tojllasta mast'arqankichej: Diospa yupaychana wasimpipis chejninkichej.

Joel 1:2

Kurajkuna kaytaqa allinta uyariychej, jinallataj qankunapis kay llajtapi tiyakojkuna. Qankuna rikorqankichejchu jayk'ajpis kayman rijch'akojta? Tatasniykichejqa tiemponkupi kayman rijch'akojta rikojchu kanku?

Amós 3:1

Uyariychej, israelitas, Señorpa nisqanta: Pi ayllustachus Señorqa Egiptomanta orqhomorqa chaykunaman nin: Tukuy kay jallp'a patapi kaj chhika ayllusmanta qankunallata ajllaykichej, chayrayku tukuy juchata ruwasqasniykichejmanta cuentata mañasqaykichej.

Amós 7:9

Isaacpa sumaj altaresnin thuñisqas kanqanku, Israelpa Diospa yupaychana wasisnin urmachisqas kanqanku. Espadata oqharisaj Jeroboampa ayllumpa contrampi.

Miqueas 3:1

Kunan uyariychej Israelpa kamachejkunasnin jinataj kurajkunasnin: Manachu qankuna yachanaykichej kashan imachus cheqan kaj chayta?

Miqueas 3:9

Kunan kayta uyariychej, qankuna cheqan kajta chejnejkuna Israelpa kamachejkunasnin kurajkuna kajkunapis, q'ewinchejtaj tukuy cheqan kajtapis,

Miqueas 7:2

Kay pachapi manaña kanchu cheqan runas nitaj Diosman sinch'ita sayaj kajkunapis; tukuy suyashanku wañuchillaytaña, chay hora chayamunallanta ruwanankupaj; ujkuna ujkunataj misk'achinakunku.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.

Malaquías 2:1

Sacerdotekuna, kunan kay kamachi tiyan qankunapaj: Sichus mana kasuwankichejchu, nitaj sutiytapis tukuy sonqo yupaychankichejchu chayqa, noqa maldicisqaykichej. Sacerdote kasqaykichejpi allin imasta jap'ikusqaykichejtataj maldicionman tukuchisaj. Ñapis maldiciniña, imaraykuchus ruwanaykichejta mana tukuy sonqochu junt'ankichej, nin Tukuy Atiyniyoj Señorqa.

Jueces 4:12

Tabor orqoman Barac wicharisqanta yachaytawankama, Sisaraqa tantaykorqa isq'on pachaj fierromanta carrosninta jinataj tukuy soldadosnintawan, paykunawantaj rerqa Haroset-goimmanta Cisón wayq'okama.

Jueces 4:6

Uj p'unchaytaj Deboraqa wajyacherqa Abinoampa wawan Baracta, payqa Neftalí ayllumanta karqa, Cedespitaj tiyakoj. Paymantaj nerqa: Israelpa Señor Diosnin kamachisunki kay jinata: Riy Tabor orqoman, chaypitaj tantamuy chunka waranqa runasta, Neftalí jinataj Zabulón ayllusmanta kajkunata.

1 Samuel 7:16

Sapa watataj rillajpuni Betelman, Gilgalman, jinataj Mizpamampis, israelitas ukhupi ch'ajwajkunata allinyachej.

1 Samuel 7:5

Chaymanta Samuelqa kamacherqa: Tukuy Israel aylluta Mizpa llajtapi tantaykuychej, noqataj Señormanta qankunapaj mañapusqaykichej, nispa.

1 Samuel 7:6

Israel aylloqa Mizpa llajtapi tantakorqa, chaypitaj yakuta orqhospa Señorpa ñaupaqenman jich'arqanku. Chay tukuy diaqa ayunarqanku, nerqankutaj: Señorpa contranta juchallikuyku. Chay Mizpa llajtapimari Samuelqa israelitasta kamachinampaj churasqa karqa.