Oseas 4:6 - Qheshwa Biblia DC

⁶ Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

DIOSPA QHELQACHISQAN DEUTEROCANONICAL

⁶ Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

DIOSPA QHELQACHISQ

⁶ Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

Oseas 4:6 ပူးပေါင်းရင်းမြစ်များ

2 Crónicas 15:3

Israelqa may unayta mana Dioswanchu karqa, mana yachachej sacerdoteyoj, nitaj leymanta ima yachachiyniyoj.

Job 36:12

Sichus mana kasukunku chayqa, wañuspa sepulturaman uraykunku, manaraj paykuna allinta reparakushajtinku.

Salmos 119:139

Palabraykita sinch'ita munakusqay t'ukuchiwan, enemigosniy kamachisqasniykita qonqapusqankurayku.

Salmos 119:153

Qhaway ñak'arisqayta, librawaytaj, imaraykuchus kamachisqasniykita mana qonqanichu.

Salmos 119:61

Juchasapas ch'ipasninkuwan jap'iykuwanku, chaywampis kamachisqasniykita mana qonqapunichu.

Salmos 18:27

Llamp'u sonqoyojkunata qan salvanki, wapu wapustataj k'umuykachachinki.

Proverbios 10:21

Cheqan runaj palabrasnenqa ashkhasman yachachin; wampu runasrí mana allinta ruwasqasninrayku wañunku.

Proverbios 19:2

Mana allinchu apurakunaqa manaraj allinta reparashaspaqa, anchata apurakuypeqa pantay tiyan.

Isaías 1:3

Wakaqa dueñonta rejsin, burropis maypichus dueñon qarasqanta rejsillantaj; Israel aylluyrí mana rejsikapuwanchu, nitaj yuyayniyojchu.

Isaías 17:10

Qanqa salwajniyki Diosta qonqaporqanki. Mana qanqa jark'asoj chhankamanta yuyarikorqankichu. Astawampis qanqa sumaj sach'asta plantarqanki, waj dioskunata yupaychanallaykipaj.

Isaías 27:11

Sach'aj ramasnin ch'akipojtin p'akiranqanku; warmistaj pallaytawan ninaman enqhanqanku. Chay runasqa mana imata yachankuchu. Chayrayku, paykunata Ruwajqa mana paykunamanta khuyakonqachu, manataj sonqontapis nanachikonqachu ruwajnin jina.

Isaías 28:7

Kaykunapis vinowan machaykuspa pantallarqankutaj, machana ujyanawan machaykuspa chankaykachanku, sacerdoteswan, profetaswanqa machaykuspa yuyayninkuta chinkachinku; chaymantataj aswan machachikoj ujyanasta ujyanku, imatachus mosqoypi jina rikusqankutataj pantasqata rikunku. Allinta cheqanchananku kashajtimpis paykunaqa machasqas kashanku.

Isaías 29:12

Sichus uj mana leeyta yachajman qonkichej, ninkichejtaj: Leey kayta, nispa. Paytaj nisonqachej: Mana leeyta yachanichu, nispa.

Isaías 3:12

Uj yoqhallalla aylluytaqa munasqanta ruwan, warmispa nisqallantaña ruwanku. Ayllúy, ñaupajman pusashasunkichej, chaykunallataj ch'aukiyashasunkichej, mana allin ñankunasta pusaspa.

Isaías 45:20

Tantakuspa jamuwaychej. Tukuy nacionespi kausashajkuna qayllamuwaychej. Maderamanta ruwasqa lantisninkuta oqharispa apajkunaqa mana yachankuchu imatachus ruwasqankuta. Mana salvayta atej diosmanta qhasi manakajllata mañakunku.

Isaías 5:13

Chayrayku, aylloyqa mana yachakuyta munasqanrayku ch'in pampaman apachisqa kanqa. Tukuy runastaj kurajkunasninkuwan khuska yarqhaywan, ch'akiywantaj wañonqanku.

Jeremías 2:8

Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

Jeremías 4:22

Israel aylloyqa ancha wampu, mana rejsiwanchu, nin Señorqa. Mana yuyayniyoj wawas kanku, mana allintachu unanchakunku. Juchata ruwanankupajqa churasqas kanku, manataj allin kajta ruwayta yachankuchu.

Jeremías 5:21

Kayta uyariy wampu, rumi sonqo Israel ayllu. Ñawisniyoj kanki, manataj rikunkichu, ningrisniyoj kanki, manataj uyarinkichu.

Ezequiel 44:23

Sacerdotesqa aylluyman cheqan kajta yachachenqanku, mana cheqan kajtapis. Jinallataj ajllanan tiyan llimphu kajta millay kajtapis.

Oseas 13:6

Pero maypachachus mikhunawan atipachikorqankichej chaypachaqa, sonqoykichej ukhupi mayta runaykachaspa noqata qonqarparipuwarqankichej.

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Oseas 4:1

Israelitas, uyariychej Señorpa nisqanta. Pay yaykunña phiñanakuyman kay llajtapi tukuy tiyakojkunawan, imaraykuchus manaña paykuna ukhupi kanchu cheqamanta munakuy, manachayqa ch'aukeyanakuylla, nitaj Diostapis rejsinkuchu.

Oseas 4:12

Aylloyqa k'aspi lantisllata tapurakunku; chay llant'a k'aspiswantaj adivinaranku, qhenchachakuywan atipachikuspa. Aylloyqa pantay ñanninta rishan, qhenchachakuypi jinamanta t'aqakuspa Diosmanta.

Oseas 4:14

Chaywampis mana jasut'isajchu warmi wawasniykichejta qhenchachakusqankumanta nitaj ñojch'asniykichejtapis, waj qhariswan qhenchachakusqankumantapis. Qankuna kikiykichejpis qhenchachakuyman qokaporqankichej; rikuchikusta jaywanaykichejpaj khuskachakunkichej chay qhencha warmiswan, chaykunawan dioskunasninkuta yupaychaj jina. Ajinamanta llajtaqa urmaykun chinkayman mana yuyayniyoj kasqanrayku!

Oseas 5:4

Runaspa tukuy millay ruwasqasninku mana saqenchu Diosman kutirikojta. Qhenchachakuyllawan atipasqas kaspa Señortapis mana rejsiyta atinkuchu.

Oseas 6:6

Noqaqa astawan munani munakunawaykichejta, manataj sacrificiosllatachu apachimunawaykichejta. Munani Diosniykichejta jina rejsinawaykichejta, manataj q'olachinasllatachu apamunawaykichejta.

Oseas 7:11

Efraenqa, uj paloma jina umphu, mana allin yuyayniyoj; Egiptomanta yanapata mañakun, chantarí Asiriamampis qayllaykullantaj.

Oseas 7:9

Mana rejsisqa runas kallpanta qhechurpayanku, paypa mana rikukusqallan. Chojchasnimpi yurajyaporqa mana reparakusqallan!

Oseas 8:1

Waqachiy pututusniykita, imaynatachus uj qhawajqa Señorpa ayllunta mana puñuspa qhawan jinata, imaraykuchus noqawan tratonkuta p'akinku.

Oseas 8:12

Jinapis may chhika yachachiykunasta paypaj qelqaporqani, paytaj mana rejsej tukorqa.

Oseas 8:14

Israelqa oqharin palaciosta, chay ruwajninmantataj qonqakapun. Judapis oqharin ashkha llajtasta sinch'i ruwasqasta, noqataj chay tukuyta ninapi q'olachisaj tukuy palaciosnintinta ruphanampaj.

Oseas 9:17

Kay aylloqa Diosniyta mana kasuyta munarqachu. Chayraykumin Diosneyqa paykunata qhesachallanqataj, tukuy llajtasnejta puriskiris jina purinankupaj.

San Mateo 1:6

Isaitaj rey Davidpa tatan karqa. Rey Davidtaj Salomompa tatan karqa, Uriaspa warmintaj Salomompa maman karqa.

San Mateo 15:14

Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.

San Mateo 15:8

Kay runasqa simillankuwan yupaychawanku, sonqonkurí noqamanta karupi kashan.

1 Samuel 2:12

Eléj wawasnenqa sinch'i millay puriyniyoj karqanku, manataj Señormanta dakojchu kanku, nillataj allintachu ruwaj kanku tukuy aylloj ñaupaqempeqa sacerdote jina ruwanasninkutapis. Pillapis rikuchikuta jaywashajtenqa, sacerdotej ujnin kamachin jamoj makimpi uj trinche jap'irisqa manaraj aycha chayashajtin.