Oseas 4:3 - Qheshwa Biblia DC

³ Chayrayku kay llajtaqa llakiyllapipuni kashan. Q'ala mana kallpayojllaña kashanku chay tukuy tiyakojkunaqa; monte animalespis, phawaj p'isqospis chantá mar qochapi challwaspis tukuynin wañurashanku.

DIOSPA QHELQACHISQAN DEUTEROCANONICAL

³ Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

DIOSPA QHELQACHISQ

³ Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Oseas 4:3 ပူးပေါင်းရင်းမြစ်များ

Isaías 33:9

Jallp'aqa llakisqa, onqosqataj kashan; Líbano orqoqa may p'enqaywan qawisqa kashan, Sarón jallp'aqa ch'impachaman tukupun, Basán jallp'awan, Carmelo jallp'awanqa t'ojrapacha kashan.

Jeremías 12:4

Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

Jeremías 23:10

Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

Jeremías 4:25

Qhawarerqani manañataj uj runapis karqañachu, tukuy phawaj p'isqospis phawarikapusqanku.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Jeremías 9:9

Manachu kay imasmantaqa jasut'iymanri? Manachu ajina llajtamanqa ruwasqanman jina qopuyman? Noqa Señormin chayta nini.

Ezequiel 38:20

Chaypacha mar qochapi kaj challwas, tukuy kaj p'isqos, campopi kaj animales, pampaspi qhatatikuspa purej kataris, tukuy jallp'antimpi kaj runastaj ñaupaqeypi kharkatitenqanku. Jatuchaj lomas urmanqanku, tukuy perqastaj thuñikuspa pampaman urmanqanku.

Joel 1:18

Uywaspis machayta waqarashanku! Wakaspis qhasillata pastosta mask'akushanku. Ovejastaj tropantin wañurapushanku.

Amós 1:2

Nerqataj: Sión orqomanta Señor musphayta qhaparimojtin, chantá Jerusalenmantawan chaypacha, ch'iki jallp'as ch'akiponqa, Carmelo orqo puntaspis astawan ch'akenqa.

Amós 5:16

Ajinatamin nin Tukuy Atiyniyoj Señor Diosqa: Tukuy plazaspi waqay kanqa, tukuy callespitaj nanaywan qhapariy kanqa, chay llakiymantaj campo runasta wajyanqanku, waqaspa kausajkunatapis chay waqayman wajyanqanku.

Amós 8:8

Manachu jallp'aqa ikhakonqa kay tukuy imasmantaqa? Manachu chay jallp'api tiyajkunaqa waqanqanku? Chay jallp'ataj oqharikonqa tiyaykonqataj, imaynatachus Nilo mayu yaku ashkhayantaj pisiyantaj jinata.

Nahúm 1:4

Payqa manchachin mar qochatapis chantá ch'akirparichintaj. Ch'akichillantaj mayuspi yakustapis. Basampa camposninmanta Carmelo orqosninmantapis qhorasnin qawipunku, Líbanoj t'ikasnimpis qawipullantaj.

Sofonías 1:3

Runasta animalestawan t'unaykusaj, p'isqosta jinallataj challwastapis. Sajra runasta urmachisaj, jallp'a patapi kaj runasta chinkachisaj. Kay jinata Señorqa nin:

Zacarías 5:4

Tukuy Atiyniyoj Señor nin: Noqa kachamuni kay maldiciontaqa, pischus suwanku, pistajchus qhasimanta sutiypi juranku chaykunaj wasinman yaykunampaj. Chay maldiciontaj chaypi qhepakonqa, k'aspis jinataj rumis ni uj puchuyoj kanankama, nispa.