Oseas 4:16 - Qheshwa Biblia DC

¹⁶ Israelqa mana kasukunchu uj chukara waka jina, ajinatarí Señorqa michinmanchu sumaj qhallaj pastosnimpi corderosninta jina?

DIOSPA QHELQACHISQAN DEUTEROCANONICAL

¹⁶ Israelqa chukara wakilla jina mana kasukunchu. Ajina israelitakuna kashajtinku, imaynatataj Tata Dios ovejata jina paykunata sumaj qhallallaj pastopi michinmanri?

DIOSPA QHELQACHISQ

¹⁶ Israelqa chukara wakilla jina mana kasukunchu. Ajina israelitakuna kashajtinku, imaynatataj Tata Dios ovejata jina paykunata sumaj qhallallaj pastopi michinmanri?

Oseas 4:16 ပူးပေါင်းရင်းမြစ်များ

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Isaías 22:18

Qantaqa pelotata jina morq'oykuspa karuta jallp'a patanta bolalachisonqa. Chaypitaj wañunki, chayman mentasqa carretasniyki renqanku, qantaj wiraqochiykej wasimpaj uj p'enqay kanki.

Isaías 30:23

Señorqa chajrasniykipaj parachimonqa, jallp'aman tarpojtiykikama. Jallp'ataj tarpojtiykikama trigota sumajta poqochenqa. Chaypacha wakasniykeqa sumaj pasto pampaspi michisqa kanqanku.

Isaías 5:17

Llajtasqa urmachisqas kanqanku, chay raqay ukhuspitaj ovejasta, cabrastawan michenqanku.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

Jeremías 3:11

Señor niwarqa: Mana kasukoj Israelqa aswan pisi juchayoj kashan chay t'aqakuwaj Judamanta nisqaqa.

Jeremías 3:6

Rey Josiaspa p'unchaykunasnimpi Señor niwarqa: Rikunkichu mana kasukoj Israel ayllu imatachus ruwasqanta? Rispa chay jatun orqos patapi, juch'uy orqos patapipis riytawan, qhenchachakuyman qokaporqa, jinallataj tukuy ch'ampa sach'as urapipis.

Jeremías 31:18

Efraimpa ayllunmanta kajkuna waqaspa willakojta uyarini: Noqa, mana amansasqa novillo waka jina karqani, jinapis qan kasukuyta yachachiwarqanki, qanman kutirichipuway. Qanmin Señor Diosniy kanki.

Jeremías 5:6

Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

Jeremías 7:24

Chaywampis mana kasuwarqankuchu, nitaj uyariwarqankuchu, manachayqa rumi sonqo kayninkuwan apachikorqanku, sonqonkoj millay ruwayta munasqasninman jina. Noqaman kutirimunawankutaqa wasanchakuwarqanku.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Oseas 10:11

Efraenqa, imaynatachus uj mansa waka p'uti granota trillaywan gustachikun jina karqa. Noqa churani yugota chay k'acha kunkitanman carrota aysanampaj, Judatajrí aradota aysanqa, Jacobtaj aysanqa rastrillota.

Oseas 11:6

T'ojsina espadas llajtasninku pataman urmaykonqa, pakakuna sinch'i wasisninkutataj tukuchenqa, munasqankuman jinalla ruwasqankuraykutaj phirisqas kanqanku.

Oseas 11:7

Israel aylloyqa noqamanta karullapipuni kayta munashan. Mayta oqharerqanku pataman, ni pipis paykunata yanapanchu.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

Zacarías 7:11

Runastaj mana kasuta ruwarqankuchu. Tukuyninku wasanchakorqanku mana uyarejtaj tukorqanku.