Oseas 4:13 - Qheshwa Biblia DC

¹³ Jatun orqo puntaspi juch'uy orqo puntaspipis inciensosta q'oshñichinku jaywankutaj rikuchikusta; jinallatataj roble sach'as uraspi, alamospapi encinaspa phatu llanthusnin uraspipis. Chayrayku warmi wawasniykichej qhenchachakunku, ñojch'asniykichejpis waj qhariswantaj qhenchachakullankutaj.

DIOSPA QHELQACHISQAN DEUTEROCANONICAL

¹³ Jatun orqokunapi, lomakunapipis inciensota q'oshñichinku, uywa ñak'asqatataj jaywanku. Kikillantataj ruwanku roble sach'a urapi, álamo sach'a urapi, encina sach'a urapipis. Chayrayku ususinkukuna phisu warmiman tukunku, ñojch'ankukunapis waj qharikunawan khuchichakunku.

DIOSPA QHELQACHISQ

¹³ Jatun orqokunapi, lomakunapipis inciensota q'oshñichinku, uywa ñak'asqatataj jaywanku. Kikillantataj ruwanku roble sach'a urapi, álamo sach'a urapi, encina sach'a urapipis. Chayrayku ususinkukuna phisu warmiman tukunku, ñojch'ankukunapis waj qharikunawan khuchichakunku.

Oseas 4:13 ပူးပေါင်းရင်းမြစ်များ

2 Reyes 17:7

Chayqa karqa israelitas Señor Diosninkoj contrampi juchallikusqankurayku, pichus paykunataqa Egiptomanta rey faraompa makinmanta orqhomorqa chaypa contrampi, waj dioskunata yupay chasqankurayku.

2 Reyes 23:7

Señorpa wasimpi lantista yupaychaspa, qharipura qhenchachakojkunaj cuartosninkuta urmacherqa. Chaykunapi warmisqa Aserapaj p'achasta awaj kasqanku.

Isaías 1:29

Chantá qankunaqa p'enqachikunkichej, encina sach'asta chhikatapuni munakusqaykichejmanta, may huertapichus kusikusqaykichejmantawan.

Isaías 57:5

Qankunaqa thansa sach'a uraspi lantisniykichejta yupaychankichej sajra imasta ruwaspa. Qankunaqa vallespi, qaqa jusk'uspi wawasniykichejta rikuchikuta qospa ruphachinkichej.

Isaías 57:7

Jatuchaj orqo puntaspi qanqa puñunata wakichikamunki, chaykama qanqa wicharinki uywa wañuchisqata jaywanaykipaj.

Jeremías 2:20

Unaymantaña qanqa contraypi oqharikorqanki, mana kasuwarqankichu, nerqankitaj: Mana uyariyta munanichu, nispa. Tukuy orqo puntasnimpi, thansa sach'asnimpa llanthusnimpi ima qhenchachakorqanki.

Jeremías 3:13

Juchayoj kasqaykita reparakuy, Señor Diosniykita mana kasoj kasqaykita, mana rejsisqakunawan tukuy ch'ampa sach'as uraspi qhenchachakusqaykita, kamachiykunasniyta mana kasusqaykita ima. Noqa Señormin chayta nini.

Jeremías 3:6

Rey Josiaspa p'unchaykunasnimpi Señor niwarqa: Rikunkichu mana kasukoj Israel ayllu imatachus ruwasqanta? Rispa chay jatun orqos patapi, juch'uy orqos patapipis riytawan, qhenchachakuyman qokaporqa, jinallataj tukuy ch'ampa sach'as urapipis.

Jeremías 44:8

Imaraykutaj ruwasqasniykichejwan phiñachiwankichej, kaj tiyakushankichej chay Egiptopi waj dioskunasllaman inciensosta q'osñichispari? Chay imaswanqa qankuna chinkachisqas kanallaykichejpajtaj wakichishankichej, tukuypi rikunantataj maldicisqas kankichej, k'umuykachachisqastaj kay pachapi tukuy naciones ukhupi.

Ezequiel 16:16

P'achasniykiwantaj lomaspi tukuy laya yupaychana toldosta ruwakorqanki, chaykunapitaj qhenchachakorqanki.

Ezequiel 16:25

Jatun ñankunapi chay jinata ruwakorqanki. K'acha kayniykitataj millayman tukucherqanki, tukuy chaynejta rejkunaman ukhuykita jaywarqanki, sapa kutitataj qhenchachakorqanki.

Ezequiel 6:13

Maypachachus runa wañurasqasta rikunkichej lantisniykichej chaupipi, altarespa muyuynimpi, chantá alto lomas patapi, lomaspa kinraykunasnimpi, jinallataj q'omer sach'as urapi, encinas nisqa thansarara sach'as urapi, chantá maypichus tukuy lantisniykichejman inciensota jaywarqankichej chay tukuynejpitaj, chaypacharaj yachankichej noqa Señorqa kasqaytaqa.

Oseas 10:8

Juchasapaspa lanti wasinku t'unasqas kanqanku, maypichus Israel ayllu juchallej chaykuna. Chay altaresninku pataspitaj qhepus khishkaspis wiñanqanku, runastaj orqosta nenqanku: Pakaykuwayku!, nispa; chhankastataj nenqanku: Pataykuman urmaykuwayku!, nispa.

Oseas 11:2

Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

Oseas 2:13

Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

Amós 7:17

Kay jinatamin nin Señorqa: Warmiyki llajta chaupipi qhenchachakonqa, qhari wawasniyki, jinataj warmi wawasniykipis wañurachisqas kanqanku espadawan. Jallp'asniykitaj sorteopi rak'ikonqanku, qantaj wañumunki mana cheqan Diospi creejkunaj llajtampi, israelitastaj karu llajtasman presos apachisqas kanqanku jallp'asninkumanta.