Oseas 2:7 - Qheshwa Biblia DC

⁷ Munasqa qharisninta qhatiykonqa. Chaypacha nenqa: Kutiykapusaj ñaupa qosayman, imaraykuchus paywan kunanmanta aswan sumajta purej kani, nispa.

DIOSPA QHELQACHISQAN DEUTEROCANONICAL

⁷ 7 (9) Waynankunaj qhepankuta renqa, manataj taripanqachu. Mask'anqa, manataj tarenqachu. Chaypachataj nenqa: Kutipusaj ñawpa qosayman, imaraykuchus paywan aswan allin karqani kunanmanta nisqaqa, nispa.

DIOSPA QHELQACHISQ

⁷ 7 (9) Waynankunaj qhepankuta renqa, manataj taripanqachu. Mask'anqa, manataj tarenqachu. Chaypachataj nenqa: Kutipusaj ñawpa qosayman, imaraykuchus paywan aswan allin karqani kunanmanta nisqaqa, nispa.

Oseas 2:7 ပူးပေါင်းရင်းမြစ်များ

2 Crónicas 28:23

Uywa ñak'asqata jaywarqa Damascopi dioskunaman, chaykuna urmachisqankurayku maqanakupi. Payqa yuyarqa chay nacionmanta reykunastaqa chay Siriamanta dioskuna yanapasqanta, paytapis jinallataj yanapanankuta yuyarqa, sichus ñak'asqa uywasta chaykunaman jaywanman chayqa. Chay lantisqa payta urmacherqanku, jinataj tukuy Israel ayllutapis.

Salmos 116:7

Kunanqa watejmanta sonqo tiyasqa kayta atini, imaraykuchus Señorqa noqawan k'acha karqa.

Isaías 30:16

Mana chayqa qankunaqa nerqankichej: Mana, astawanqa caballospi ayqesqayku. Ayqellaychej ari. Chaymanta nillarqankichejtaj: Sumajta correj carretasman wicharisqayku. Arí, qhatisojkunaqa usqhayllata jap'irparisonqachej.

Jeremías 14:22

Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

Jeremías 2:2

Riy parlamuy Jerusalén llajtaman; Qhapariy allinta uyarinankupaj jina: Ajinata nin Señorqa: Yuyarikuni maypachachus qan sipasllaraj kashajtiyki noqaman allin kawarqanki, maypachachus warmiypaj aysarikorqayki chaypacha munakuwaj karqanki, ch'in pampasnejta, mana jayk'aj tarpusqa jallp'asnejta qhatiwarqanki.

Jeremías 2:28

Judá, maypitaj chay ruwakusqasniyki dioskuna kashankuri? Mashkhachus llajtasniyki chay chhikallataj dioskunasniyki tiyapusunku. Ñak'ariyman chayajtiyki paykuna jamuspa salvasuchunku.

Jeremías 2:36

Imaraykutaj chhikata apurakunki kausaqesniykita cambianaykipajri? Egiptopis ch'aukiyasonqa imaynatachus Asiriapis ch'aukiyasorqa ajinata.

Jeremías 3:1

Señorqa nin: Sichus uj qhari warminmanta t'aqakun, chay saqerpayasqa warmitaj waj qhariwanñataj tantakun chayqa, ñaupaj kaj qosanwan mana watejmanta kutinakullanqatajchu. Jina kanman chayqa, llajtantinta ch'ichichanman. Chaywampis, qanqa Israel, ashkha munasqasniykiwan qhenchachakorqanki, kunanraj noqaman kutirimuyta munashanki. Noqa Señormin chayta nini.

Jeremías 31:18

Efraimpa ayllunmanta kajkuna waqaspa willakojta uyarini: Noqa, mana amansasqa novillo waka jina karqani, jinapis qan kasukuyta yachachiwarqanki, qanman kutirichipuway. Qanmin Señor Diosniy kanki.

Jeremías 31:32

Kay mosoj tratoqa mana chay ñaupa tatasninkuwan ruwarqani jinachu kanqa, mayk'ajchus Egiptomanta makinkumanta jap'ispa orqhomorqani chaypacha, imaraykuchus paykunawan trato ruwasqayta mana junt'arqankuchu noqa dueñonku kashajtiy. Noqa Señor chayta nini.

Jeremías 44:17

Manachayqa ruwallasqaykupuni imatachus ruwanaykuta nerqayku chaykunata. Jaywallasqaykupuni inciensosta, vinotapis ch'allasqayku Cielomanta Reina nisqa diosaman, imaynatachus kunankama reyesniyku, noqayku, ñaupa tatasniyku ruwarqanku ajinata, Judá llajtaspi, jinallataj Jerusalén callespipis; ñaupajtaqa ashkha mikhunasniyku tiyapuwarqayku atipachikunaykupaj jina, tukuy imapi allin riwarqayku, manataj ima ñak'ariypis jamuwarqaykuchu.

Ezequiel 16:18

K'acha tukuy laya coloreswantaj ruwasqa p'achasniykita chaykunaman churarqanki, aceiteyta, inciensoytawan jaywarqanki.

Ezequiel 16:8

Maypichus kasharqanki chayninta ujtawan pasallarqanitaj, chaypachataj qhawarerqayki, munakunapaj jina kasharqanki. P'achaywantaj tukuy q'ala ukhuykita qhataykorqayki. Qanta parlapayarqayki, uj tratota qanwan ruwarqani, noqajtataj karqanki. Noqa Señormin chaytaqa nini.

Ezequiel 20:32

Qankunaqa nerqankichej: Kay jallp'api tiyakoj llajtayoj runas jina kasunchej, nispa; paykunaqa k'aspita, chantá rumita yupaychanku. Chaytaj mana jinachu kanqa.

Ezequiel 23:12

Paypis asirio qharista munapayallarqataj. Tukuy paykunaqa kurajkuna, kamachejkuna, maqanakojkuna, sumaj p'achayojkuna, caballospi purejkuna, tukuyninku munapayanapaj jina waynas karqanku.

Ezequiel 23:22

Aholiba, chayrayku Señorqa kay jinata nin: Kunan sonqoyki millachikun, chay munapayasojkunataqa contraykipi jatarichisaj, tukuynejmantataj qampa contraykipi kachaykamusqayki: Babiloniamanta kajkunata caldeosta, Pekodmanta kajkunata, Soamanta, Coamanta ima, chantá asiriokunatawan; paykunaqa munapayanapaj jina sumachaj waynas, kurajkuna, jatun kamachejkunataj, maqanakunapaj atiyniyoj capitankunataj, paykunaqa tukuyninku caballospi purejkuna kanku.

Ezequiel 23:4

Kuraj kajpa sutenqa Ahola karqa. [Chaytaj Samaria kashan]. Sullk'antaj Aholiba sutiyoj karqa. [Chaytaj Jerusalén kashan]. Paykunawan casarakorqani, nacechipuwarqankutaj qhari wawasta, warmi wawastawan.

Daniel (hebreo) 4:17

Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

Daniel (hebreo) 4:25

Reyníy, runakunamanta t'aqasqa kanki, animalkunawantaj kausanki. Qhorasta mikhunki bueyes jina, chhullataj cuerpoykita joq'onqa. Ajinata kausanki qanchis watas junt'ata, rejsinaykikama patapi kaj Dios atiyniyoj kasqanta, llajtakunata kamachishanku tukuy chaykunaj patampi kasqanta, paytaj churasqanta kamachinankupaj munayninman jina.

Daniel (hebreo) 4:32

Runakunamantaqa t'aqasqa kanayki tiyan, uywakunawantaj kausanayki tiyan. Bueyes jina qhorata mikhunki qanchis watas junt'ata, rejsinaykikama jatumpi kaj Dioslla atiyniyoj kasqanta, jallp'api tukuynin nacionkunaj patampi, payllataj kamachejkunata churasqanta pikunatachus munasqanta.

Daniel (hebreo) 5:21

Runakunamanta karunchasqa karqa, uj uywaman jinataj tukorqa, k'ita burroswan khuska kausarqa. Wakas jina qhorata mikhorqa, chhullastaj payta joq'orqa, rejsinankama patapi kaj Dioslla atiyniyoj kasqanta kamachej runakunaj patampi, kamachejkunata churasqantataj pitachus munasqanta.

Oseas 1:2

Señor kay jinata parlayta qallarerqa imastachus Oseasnejta willayta munasharqa chayta: Israel jallp'aqa qhenchachakun noqamanta t'aqakusqanrayku. Ajinallatataj qampis riy warmillikamuy uj sajra purej qhencha warmiwan, wawallikuytaj chay warmiwan, jinamanta qhencha warmej wawasnin kanqanku; nispa.

Oseas 13:6

Pero maypachachus mikhunawan atipachikorqankichej chaypachaqa, sonqoykichej ukhupi mayta runaykachaspa noqata qonqarparipuwarqankichej.

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

Oseas 2:16

Chaypacha, Baalníy nispa ninawantaqa, qosáy, niwanqañataj. Noqa Señor chayta nini.

Oseas 5:13

Efraín onqosqa kasqanta rikuspa, Judataj nanachikusqasninta rikukuspa, Efraenqa Asiriaman renqa jatun reypa yanapanta mañakoj, reytaj mana sanoyachiyta atenqachu, nitaj nanasqasnintapi jampiykuyta atenqachu.

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!